HiKuwait.com

فريج العتاوية

فريج العتاوية 2

كنت رايح يوريكا جان أشوف مطعم فريج العتاوية للمأكولات الكويتية ، يم

جمعية السالمية .. الزين أن بإدارة بنت الكويت بس أسمه ممم لا تعليق

يعني ما أتخيل نفسي أقول إني رايح فريج العتاوية بشتري مجبوس هههه

hershey's kisses - City Center Kuwait

قاعدين يروجون حق منتجاتهم في سيتي  Hershey’s Kisses

سنتر السالمية ، هالكوكاو حده حلو مال الواحد يشتريله جيس

ويحطه بالدوام ويطقطق فيه كل شوي ياخذله حبه ، احلا شي

هالسوالف الصغار اللي ينوكل عالماشي بالدوام او العصر مع الجاي

flash memory 2 GB

هذا فلاش ميموري 2 جيجا شكله جنه واير مقطوع

ههه فكرته حلوه لقيته بفيرجن بس سعره نااار 21 دك

اللي يسجل كل شي Keylogger انا لما شفته عبالي

ينكتب بالكمبيوتر ، بس طلع فلاش ميموري عادي

كنت اشوف هالفيديو بالصالة وعتفس ويهي لا شعورياً ههه جان يقولي

أخوي شفيك !!؟ جان أوريه الياهل اللي يوكلونه ليمونه ، المشكله

أن يحس بحموضة الليمونة و يبي ياكل زياده هههه

بينزل شهر 5 Iron Man 2 فلم

مثل ما وعدتكم هذا مقطع واضح من مقابلة سعود الورع حق جمال وعبيد

والله يعورون القلب ، الحمدلله أنهم رجعو حق أمهم وصار اللي يبونه

أقساط سريعة مع الكتروزان

اللي تحتاجونه عشان تشترون بالأقساط من الكتروزان أهي

البطاقة المدنية فقط لاغير .. طبعا شدني هالبوستر اللي معلقينه

بمعرض الكتروزان السالمية شي حلو أن تكون الأقساط بهالسهولة

بدون شهادة راتب خصوصاً أن عندنا بالدوام عشان نطلب شهادة

راتب يبيلها أكثر من أسبوع عشان نستلمها !! فحبيت أتأكد من

المعلومة وسألت المسؤول هناك عن إجراءات الأقساط وقالي أن

هالعرض حق عملاء البنك الوطني ( لازم راتبك على الوطني ) عشان

يبيعون لك بالأقساط السريعة ، جان زين كل البنوك تسوي جذي أريح للكل

سعود الورع مذيع قناة سكوب قابل 2 شباب معاقين ذهنياً أهلهم منفصلين وكانو

ساكنين مع أبوهم و مرت أبوهم كانت تعذبهم وتخليهم ينظفون الحمامات وماتعطيهم

فرصة عشان يستانسون حالهم حال أي شباب بعمرهم ، ومن كثر الظلم اللي أهما

فيه طلعو من بيت أبوهم وسكنو مع واحد من ربعهم ، وبعد فترة طلعو من سكن

صاحبهم و مالقو مكان ينامون فيه ولما عرف المذيع قصتهم أنفجر من البجي على

الهوا و ماقصرو أهل الكويت قامو يدقون على البرنامج و كل شخص كان يحاول أن

يتبرع لهم بمبلغ مادي أو سكن خاص فيهم .. و لما درو جيران أبوهم أن هالشباب

على الهوا دقو على البرنامج وشرحو شلون كان أبوهم يظلمهم وكانو الجيران يكلمونه

بس كان الأبو يقولهم مالكم شغل هذيل عيالي لا تتدخلون !!! وأمهم متزوجه وماتدري

عنهم ، صارلها 6 سنين مو شايفتهم .. بعد فترة دقت الأم وقالت لهم أنتو وينكم أبيكم

وبييكم الحين باخذكم !! بعد كل هالسنين تسأل عنهم ؟ والمذيع يقولها يعني لازم

يطلعون على الهوا عشان تسألين عنهم ؟ والله قضية تعاطف لها كل إنسان عنده قلب

وصارت قضية رأي عام وتبنى القضية محامي قناة سكوب ، وماقصر المذيع سعود

الورع اللي قاعد يحاول يساعد هالمساكين ، كله في ميزان حسناتك يا سعود .. أخليكم

مع مقطع من المقابلة مع أن مو واضح وايد بس ماعليه إنشالله بحصل المقابلة واضحة

وأحطها لكم هني .. انشالله ياخذون حقهم ويعيشون بأمان حالهم حال باجي الناس

مع أن الكويت و دول الخليج كلهم كانو متعاطفين معاهم لأن وضعهم جداً صعب

بس بنفس الوقت هالمقابلة كشفت عن شي حلو .. كشفت عن طيبة أهل الكويت

و وقفتهم حق المحتاجين ، في ناس قامت تدعي لهم وناس تتبرع لهم بفلوس

حتى في ولد صغير دق على البرنامج وقالهم انا اتبرع لكم بلاب توبين حق جمال

و عبيد ، شي يفرح صراحة و يأكد على أن الدنيا بخير و عيال الحلال تارسين الديرة

تحديث: لمشاهدة المقطع الثاني من المقابلة إضغط هنا

Toyota cars

كلنا سمعنا عن خبر تويوتا والخلل اللي بسياراتهم

بس في ناس يقولون أن الموضوع كله مرتب ومخططين

له الأمريكان من فترة عشان يطيحون الإقتصاد الياباني

 خصوصاُ أن في مسؤول أمريكي يشتغل في شركة تويوتا

!! قال أن الشركة ماتهتم بالزباينوماتشوف شنو احتياجاتهم

لو أي واحد مكانه المفروض ما يذم الشركة ، المفروض

يقول أن الشركة تهتم بالزباين وراح ترضيهم بكل الطرق

الممكنة .. بس تظل وجهة نظر أن يكون الموضوع مخطط له

عن طريق الأمريكان واحتمال تكون إشاعة بس يسوونها الحبايب

جبن شيدر مو بس طعم لذييذ ، جبن شيدر طاقة .. نشاط .. حيوية