اليوم رحت قراج “طبيب الزجاج” لتصليح زجاج السيارات المخدوش والمكسور، ومثل ماتشوفون بالصورة الزجاج الأمامي كان مخدوش خدش طوله 2 سم تقريباً

[Youtube]JCAOwkw1HAU[/youtube]

الخطوة الأولى أهي حفر آخر نقطة بالخدش علشان لايكبر أكثر

بعدها يحطون مادة مثل الماي ويلزقون لزاق خاص على الخدش

بعدها يحطون هالجهاز عشان يذوب اللزاق ويعبي الفراغات

يقعد هالجهاز شغال 20 دقيقة تقريباً وبعدين يحكون الزجاج بموس عشان يوخرون الزوايد

وهاذي الجامة بعد التصليح، راح الخدش بنسبة 90% تقريباً يصير مكانه جنه شعره ماتبين إلا حق اللي عارف أن الجامة كانت مكسورة من قبل، سعر التصليح كلفني 8دك

هاذي الخريطة حق اللي حاب يزور المحل، شارع كندادراي، يمين قبل ماكدونالدز، آخر الشارع يسار، مقابل سن سيتي