
اليوم رحت قراج “طبيب الزجاج” لتصليح زجاج السيارات المخدوش والمكسور، ومثل ماتشوفون بالصورة الزجاج الأمامي كان مخدوش خدش طوله 2 سم تقريباً
الخطوة الأولى أهي حفر آخر نقطة بالخدش علشان لايكبر أكثر

بعدها يحطون مادة مثل الماي ويلزقون لزاق خاص على الخدش

بعدها يحطون هالجهاز عشان يذوب اللزاق ويعبي الفراغات

يقعد هالجهاز شغال 20 دقيقة تقريباً وبعدين يحكون الزجاج بموس عشان يوخرون الزوايد

وهاذي الجامة بعد التصليح، راح الخدش بنسبة 90% تقريباً يصير مكانه جنه شعره ماتبين إلا حق اللي عارف أن الجامة كانت مكسورة من قبل، سعر التصليح كلفني 8دك
هاذي الخريطة حق اللي حاب يزور المحل، شارع كندادراي، يمين قبل ماكدونالدز، آخر الشارع يسار، مقابل سن سيتي
ذكرتني بطبيب الاسنان لوووووول
حمد الله على سلامة سيارتك 🙂
لوول اي نفس الصوت! الله يسلمك اخوي 🙂
postk ya bkwta.. 3nde chm 5dsha mn 95or 6arw 3la jamty mn elshar3 mo kbar y9er yw5rona? need their address and number pls
أي يوخرون كل الخدوش أختي ، تم ارفاق العنوان بالموضوع
🙂
انا مسوي كسر اكبر من هذا و ب 3 دنانير بشويخ
محل اسمه ملك الزجاج
شلون شغلهم ؟ و وين صاير المحل خل نفيد الشباب
🙂
يعطيك العافية على التقرير بس لو سمحت وين عنوان هالمحل وشاكرلك جدا
تم ارفاق العنوان بالموضوع
🙂
كانت عندي بالسياره خدشه اطووول منـــها وبسلامة راجو ..
وداها العياده من جم يووم وصلحها ب 5 دنانير ..
وعشتووووو قالي كفاله سنه واحتفظي بالفاتوره ..
الكفاله على ان الشلخه ماراح تطووول وتمشي ..
بس للأسف ماعنده خبره بإزالة خدوش الزجاج الخفيفه او السطحية شغله بس للخدوش العميقة امن الخفيفه مايسويها