كنا انا و ولد خالي طالعين بالليل نتمشى بس طبعا ديرتنا مافيها

أماكن ترفيهية وايد ، قلت له ماكو إلا أن نفتر بالسيارة ونضيع

نروح أماكن يديدة ، بس للأسف ماقدرنا نضيع ولا لقينا مكان يديد

آخر شي وصلنا عند المسيلة وقعدنا نشوف البيوت هناك

في بيوت ماشالله رووعة .. واحنا نفتر ولا نشوف بيت

شكلة غريب عجيب ، مادري بيت ؟ ولا كنيسة ؟ ولا شنو بالضبط

عشان جذي حطيت العنوان “البكيسة” يعني بيت على كنيسة لول

اذا كنيسة مو مشكلة ، بس ليش كاتب على المدخل

( الله أكبر ، سبحان الله وبحمده )

( ماشاء الله ، سبحان الله العظيم )

يعني مو معقولة تكبير وتسبيح على كنيسة !! وحاط بالحديقة الخلفية

:/ عدد كبير من التماثيل ، يعني لو كنيسة جان حاطين أقل من جذي

انا رحت له الظهر بيوم ثاني عشان أصورة ويكون واضح لأن بالليل

مايبين عدل و يخرع صراحه .. المبنى  مافي أحد..  شكلة مسكون

هذا المبنى شنو بالضبط ؟ مادري !! أي أحد عنده معلومة خل يفيدنا

بكيسة1

البكيسة2

البكيسة3

البكيسة4

• 

Tags: بكيسة

This entry was posted on Wednesday, October 21st, 2009 at 4:00 PM and is filed under Reviews. You can follow any responses to this entry through the RSS 2.0 feed. You can leave a response, or trackback from your own site.