وصلتني دعاية بالإيميل من شركة دارت ميديا اللي

مشركيني معاهم غصب مادري من وين لهم إيميلي

أصلا ! المهم الإعلان كان عن معرض “نقدر” ، أكبر

معرض شبابي لـ 2009 ، قلت لازم أروح أشوف أضخم

معرض ! لما شفته ولا كالعادة ، أغلب المشاريع

أكل و أكسسوارات والأسعار نااار ، ولد خالتي كان

يبي يجرب كيكة فقال حق صاحب المشروع ممكن

أجرب؟ رد عليه قاله هذا للبيع! ولد خالتي انحرج و

شره منه قطعة وحده بـ 0.75 دك ، شدعوة جذي

والقطعة أصغر من حجم الدونت! إذا حبة الدونت

بـ 0.3 دك وهذا منتج معروف ، أيي صاحبنا يبيع

كيكه أصغر من نص حبة دونت بسعر أغلى !!؟

وكان في مشروع مشروبات ، يبيعون خلطة سفن و

ريدبول ومادري شنو بـ 2 دك ، بعد مشروعكم زين

لو تبيعون المشروب بـ 0.5 دك جان طلعتو سعر

البوث مالكم ، أما بهالأسعار محد يشتري وماراح

/:  تطلعون سعر الأجار !! وين خالد الزنكي عنكم

معرض نقدر للمشاريع الصغيرة

• 

Tags: نقدر

This entry was posted on Monday, December 21st, 2009 at 6:00 PM and is filed under Exhibitions. You can follow any responses to this entry through the RSS 2.0 feed. You can leave a response, or trackback from your own site.