في مستوصف الرميثية كان في دكتورة للنساء ودكتور
للرجال بس الحين طبقو نظام طب العائلة ، يكون دكتور
واحد حق الكل نساء و رجال ، وصار زحمة بالمستوصف
عشان الكل على دكتور واحد .. المريض بدال لا ينطر ربع
..ساعة صار ينطر نص ساعة عشان يدخل عند الطبيب
مادري ليش مسوين هالنظام ، يعني بيوفرون معاش الدكتور
الثاني ؟ والمريض ياكلها ! بس مادري كل المستوصفات
مطبقين هالنظام ولا بس الرميثية ؟! .. ودمتم سالمين
طب العائلة
Tags: طب العائلة
اي من زمان جذي
بمستوصفنه من زمان جذي خلطه بيطه وكله زحمه
بس مو كل مره يكون فيه دكتور واحد ساعات 3 او 4
وخذ عندك سالفة الخلط
يعني لما رديت الكويت رحت المستوصف واول ما دشيت ولا اشوف دكتورة @@ لوول مادري انه صار عادي
احراج يعني لو ريال عنده شغله بجسمه، تعال افصخ
اي والله مستوصف الرميثيه عفسني … طبعا انا على طول زايرهم .. حق الطبيات
وحاليا النظام مو عاجبني . مثل ما قال Sense
لو في شي خاص للرجال .. شقووول حق الدكتوره . فشله صج
وتسلم مبارك على البلوق . اول مره اكتب . لازم احييك واهنيك :p
حياك الله يالغالي
يحييك ربي
اليوم عاد رحت مستوصف الرميثيه .
ومن الي شفته استنتجت جم شغله ..
1- حاطين ورقه انتظار النساء . والي قاعدين كلهم رياييل .. وورقه ثانيه بالصوب الثاني . انتظار الرجال .. وكلهم حريم . طبعا الناس قاعده وما تدري شالسالفه . عادي تقعد ويمك بنت .. يعني يا شباب الي بيروح الطبيب خل يكشخ !!
2- ماكو نظام .. تروح تعطيهم البطاقه المدنيه ويكتب لك على الورقه رقمك .. وروح دبر حالك .. يعني ما تدري متى يصير دورك . مو حلوه تسأل الحريم جم رقمج
لو ناطرين شوي . ويركبون لوحات الارقام بعدين يطبقون نظام طب العايله احسن . على الاقل خل الواحد يقعد ويدري متى يدش ..
وسووري على القرقه
لوول اي انا صارلي موقف بايخ مع مريضه ، كنا ننطر بالدور كلنا
جان يطلع المريض اللي كان عند الدكتور
وييت انا بدش ولا في مريضه ثانيه بتدش
جان اقولها لوسمحتي دوري الحين انا رقمي 31
جان تقول انا رقمي 31
طلعنا اثنينا نفس الرقم بالورقه لوول
طبعا موظف الشباك اهو اللي يكتب الارقام بيده وشكله بالغلط حط الرقم مرتين
بس آخر شي خلتني ادش قبلها
السره صارلهم سنين سنين سنيـــــن جذي. مافيه مشاكل. المفروض اسرع. لانه ما اتقيد في دكتور معين ويكون في اكثر من دكتور مناوب.