كنت امشي بين فترة وفترة بممشى الرميثية اليديد ، لما
قطعت مرة وحدة عن المشي بسبة ريحة المجاري اللي
تارسه الممشى كله يعني مادري لي متى بنختنق بهالريحة ؟
و مو بس الناس اللي بالممشى أهما اللي ماكلينها ، حتى
السيارات اللي يوقفون عند الإشارة بشارع التعاون بعد مطعم
هارديز حتى أهما ماكلينها لأن الريحة توصلهم ، انا كذا مرة أمر
بشارع التعاون ويكون الجو حلو وطبعا افتح الدريشة عشان
استانس بالهواء العليل ههه ولما أعدي هارديز أصكر الدرايش
عشان لا أشم ريحة المجاري ، بس ماكو فايدة توصلني يعني
توصلني ههه أهي تييها فترات تروح بس لما تكون الريحة موجودة
الوضع لا يطاااق ، الواحد لازم ياخذ نفس ويقمته ولا يختنق
والله الله يعين البيوت اللي يم الممشى .. إذا السيايير
!! بالشارع توصلهم الريحة عيل شلون أصحاب هالبيوت
Related posts:
Tags: rumaithiya, البدع, الرميثية, تلوث, رميثية, شارع التعاون, ممشى, هارديز









walla fashlaaaa !!
اي والله شقونا بهالريحه
لحد الحين الريحه هذي موجوده بالرميثيه و مشرف و الديره صوب مجمع دسمان
اوووه عاد صوب مجمع دسمان شي فوق الخيال .. تلوع جبدي هناك ههه
تدري شنو المشكلة
المشكلة ان مكينة المجاري يمها العاب اطفال وهذا خطر عليهم من سموم الدخان والغازات والريحة
والله شكل الممشى شرح اول مره اشوفه بس كله اسمع فيه
انا اروح على البحر ماكو ريحه ساعات ريحة زفره هههههه
الله يعينكم
ان شاء الله تنحل المشكلة بآآسرع وقت
busarah:
اي والله العاب اليهال أقرب شي حق المكينة
شاي الضحى:
الممشى حده عجيب ، كبير و شرح
بس من صارت مشكلة المجاري بمشرف
كلوها أهل الرميثية معاهم
ِAmmal.ksa:
ويعين الجميع .. انشالله يامعوده
والله شغل عدل ممشانا
لوول اذا تبي وصف بيتنه لف اللفه الي عند البيت الاصفر والباجي ماتغير
بس جنه هالمكينه لهم اوقات معينه عشان يشغلونها جنه الصبح و بليل
اي مرات تشتغل ومرات تطفي
انت بيتكم برميثية ؟
[...] موضوع المدون العزيز مبارك إسماعيل على الرابط -إضغط هني- بخصوص ريحة المجاري بممشى الرميثية [...]