يوم المياه العالمي
أمس كان يوم المياه العالمي وكان في تجمع حق 300 طفل
في المركز العلمي مشتركين في مسيرة الماي بقيادة اللاعب بدر
المطوع و الخوات لاعبات المبارزة بلسم و لولوة الأيوب ، أول ما
وصلو اليهال لبسوهم بلايز عليها شعار اليوم العالمي للمياه اللي
بالصورة أعلاه ههه
تغطية إعلامية ليوم المياه العالمي
طبعا فريق الصحافة كان موجود من قنوات مختلفة مثل الوطن
والراي و الصباح وغيرهم ، كانو يقابلون مدير المركز مجبل
المطوع و اللاعبين بدر المطوع ، بلسم و لولوة بس للأسف
ما لحقت عليهم كان وايد زحمه واليهال بكل مكان ههه
حضور جماهيري ليوم المياه العالمي
هني مكان التجمع يم كوستا كافيه وكانو المتطوعين يوزعون
البلايز على اليهال ، كنت أبي آخذلي بلوزة عشان أصورها جان
تقولي وحده من المتطوعات لا مايصير بس حق الصغار عبالها
بلبس بلوزة وبدش معاهم ههه ، بس الغريب أن اليوم العالمي
للمياه بتاريخ 22/3/2010 على حسب الموقع الرسمي
ليوم المياه العالمي ، بس هني مسوينه بتاريخ 19/3/2010
يمكن عشان يكون يوم عطلة و اليهال يكون ما وراهم دوامات
Related posts:
Tags: المركز العلمي, يوم المياه العالمي
اهم شيء بدر لووول ليه ماصورته
حلوو يخصصون هالايام عندنا بشكل دائم
<~ ولا مرة حضرت خخخ
عسساك ع القوة
كان موجود وكنت أدوره بس مالقيته .. المره اليايه انشالله
الله يقويج