كتبت عن هالمحل من قبل وسألت عنه قلت بشوف اذا في احد يعرف عنه شي بس طلع محد يعرف عنه شي، اهو محل ملابس بس في ناس عبالهم مطعم وناس عبالهم شيشة وغيرهم حلاق لول – لقراءة الموضوع السابق اضغط هنا – وبعد ماشفت التعليقات بالموضوع اللي قبل قلت بروح حق هالمحل وأشوف شسالفته بالظبط، لفيت من وره المحل وصفطت بالبراحة اللي يمه جان انزل وادش المحل وسلمت على الأخ اللي كان موجود وكان لبناني على ما اعتقد، جان يقولي آمر تبي قمصان ولا جاكيتات؟ قلت له صراحه انا مو ياي اشتري انا ياي أشوف المحل مو أكثر، قالي المحل محلك ومن هالكلام، المهم مع السوالف جان اقوله ان في ناس مو عارفه شنو محلك وشنو بضاعتك فممكن أصور المكان عشان ياخذون فكرة؟ قالي المكان مافي شي واذا في أحد يبي يشوف خل يتفضل هني واحنا حاظرين نخليه يشوف كل شي يبي .. حسيته يقولي لا مو ممكن بس بطريقه ذربه لول، المهم طلع محل بدلات رسمية حق المناسبات والسفرات وعنده سوالف قمصان وجذي
هاذي مواقف المحل، يم شيشة منقوشه مادري شسمه لول
Related posts:
Tags: بدلات, بيروت, جاكيتات, رسمية, شارع الخليج, شركة معارض بيروت, ملابس
نايس طب فيه بعدين سوو له دعايه كترضيه
ههههه
ليش اطب فيه ماطبيت فيه لول
انا عبالي مطعم @_@
في وايد مايدرون ان محل ملابس بس ظهرت الحقيقه وبان القمر
انا ادري انه محل بدل
من بره يبين بس من غير زباين؟
الظاهر اذا باع بدلتين بس بالشهر فيقدر يدفع المحل اجار شهر! هذا سبب بقاء المحل على ما اعتقد
بضاعته شكلها مقطنه ، المنصورين السوري اللي قرب المارينامول احسن بس المنصورين مهدد بلاغلاق بأي لحظة
بسبب هدم المباني القديمه
بالثمانينات كان في محل بدلات مشهور جداً اسمه المليونير بس كان بالفحيحيل
يمكن عنده اكثر من فرع وايرادات الفروع الثانيه تغطي على مصاريف هالمحل
اكرر .. يمكن
معارض ؟ كبير هو ؟
المحلات اللي مش متواجدة ضمن مجموعة من المحلات تكوون مهملة بالغالب
ادري عنه – هذا محل يبيع ملابس بدلات رمسية بس قديمة – ومن الطقومة اللي يلبسها الفنان طوني حنا لو تعرفوه – فنان لبناني قديم و شوي طاقة فيوزاته
لول اي بضاعته كلاسيك