هالمحل موجود يم مارينا مول، يبيع ملابس وبدلات رسمية .. محل بروحه على الشارع أكيد كلكم تعرفونه، أول شي مكانه غريب مادري شلون يدشون له، وثاني شي ولا مره شفت أحد يشتري منه أو يدش له عالأقل، مع أن كل يوم يفتح و موجود من زمان، منو يعرف شي عنه؟ أعتقد أن يتعامل مع شركات يخيط لهم أو شي جذي .. شكله زقرتي
Tags: beirut, السالمية, بدلات, بيروت, رسمية, شركة, مارينا, معارض
Loading ...
ههههههههههه شطاري عليك مصوره
ساعات اشوف ناس صافطين عند الباب ويببون زحمه بالشارع
احس بضاعته مغبره
يصفطون عند الرصيف الاصفر والاسود ؟؟ ولا فوق الرصيف ؟
هههه مادري وين مواقفه هالمحل !؟
والله ماكو بس وقفت عند الاشاره جان اشوفه واصوره قلت يمكن احد يعرف عنه شي
قبل عبالي هذا مطعم قبل جم شهر عرفت انه محل ملابس
ههههههههههه
ماشاء الله عليك اخ مبارك
يعطيك الف عافيه على هالموقع الاكثر من رووووعه
انا من زمان كنت ادخل الموقع وكنت اقرا واطلع ماكنت اشارك
والصراحه اهنيك على المواضيع المبهره والعجييبه صراحة مستحييييييييل اي شخص يدخل هالموقع مره وحدة ومن المستحييل بعد انه يقرا ويطلع ومايشارك لان بصراحه موقعك ان دل يدل على ذوقك الرفيع..
صرنا ببالبيت انا وزوجي انتناقش بالمواضيع اللي تطرحهاوما بقى احد اب بيت حمولتي ما يدش ويمدح ابمواضيعك وبطرحك الجميل
ادري طولتها بس بصراحه ودياطلب منك طلب وان شاء الله انك ماتردني
انك تستمر بهذا الموقع وبهذا التقدم
واتمنى انك ما تفكر انك تصكره كللللللللش لانه اكثر من رائع
عسى الله يوفقك بحياتك العلميه والعمليه
والاجتماعيه يارب
ويرزقك بعيال نفسك لان والله بيرفعون اسم الكويت
مشكورة على الكلام الطيب ، احرجتيني صراحة
اتشرف بزياراتكم، أنتو ماتطلبون انتو تامرون و انشالله الموقع مستمر بوجودكم
وعسى ربي يرزقكم بأفضل مما رزقني
من انا صغير واشوفه يوم اروح مطعم قصر النخيل بس ما عمري عرفت شنو كان يبيع، الحين انصدمت يوم عرفت يبيع بدلات رسمية!
عبالي أثاث وتحف وثريات
لااااه كنت متأمل أن الجواب عندك هههه
أثاث عاد مره وحده ههههه
انصحك تدخل تشوف الي يبيع الشايب اللبناني
اهو و بضاعته نظام 1742
بس ناقص يعطيك مع البدلة البواريك البيض
هههههه يبيله أجيك عليه
وااااااااااااااااااااااااااااااي أول مره أول مره أحد يتساءل هالتساؤل نفسي كل ماطلع اقول حق خواتي او رفيجاتي ايا كان معاي باسياره اقول شسالفته هالمحل شلون للحين ماخسر و اتحلطم عليه و اهما يقولون لي عادي شفيه
يه والله مادري شسالفته انا أشك فيه
اي اقول انا محد يدشه و فاتح من زمان يعني شغله ماشي مو خسران ماشالله
عشان جذي قلت شكله يشتغل حق شركات هههه
انا مـاشفت احد يدخل هالمحل
انا من انولدت وانا اشوف هالمحل بس من غير زباين؟
وما عنده مصافط سنعه
انصح تحويله الى متحف
ملاحظة: تقدر تكبر خط التعليقات.. صغير حيل جني اقرا براشيم مو ردود !!ـ
والى المزيد من التقدم لهذه المدونه الحبيبه
نصيحتك صاروخيه ههههههههههه
تسلم يالغالي
لووول
امر عليه دايم
عمري ما شفت سيارة واقفه جدامه !
ماكو احد يعرف عنه شي ؟! شالسالفه يا شباب لول
!!
وي وي كح كح كح كح
شخباري هالمحل من وين مطلعة .. للحين من الصامدون
امبية احس بضاعتة كح كح ما ادري ليش
ودايما فاضي ما اشوف فية زباين ..!!!!
ههههه اي صامد ماشالله
هالمحل هذا موقعه كلش !!!
ما تقدر تشوف شنو يبيع لأنك ياي من إشاره وعينك على الإشارة الي بعدها !
حتى مواقف ما عنده
بس صج كان حسبالي أنه يبيع تحف وأشياء أثرية !
ههههههه محد مستوعب ان محل ملابس
غلطه من راعي المحل
!!
السلام عليكم و رحمة الله و بركاته ,, لووووووووووول نفس سؤال امي بالضبط بكل مره نمر يمه !!؟؟
loool, that’s so funny. i used to think that this store sells sheesha lol or some kind of antique
but why are we making fun of him,,, may God bless his store
لا حشا والله مو قاعدين نظحك عليه
انا كتبت الموضوع قلت بشوف يمكن احد عارف عنه شي
طلعو الاغلبيه مثلي موعارفين
بس في تعليقات تظحك صراحه هههه
انا هم امر عند هالمحل ولا ادري شنو سالفته ولا ادري شيبيع وهم عندي فضول وودي ادشه لووول يبيله تسوي موضوع ثاني وتسوي حوار مع صاحب المحل وتصورلنا بضاعته وتعرضها لوووول
فكرت فيها بعد ماشفت التعليقات هههه بحاول انشالله
عيل طلعت مو بس انا اللي اسال عنه هههه
كل مامرينا يمه لازم ايي فبالي هالسؤال – هالمحل ليش اهني منو اييله ؟؟
مو معقوله يربح ؟ شلون ؟ ماعمري شفت احد عنده ؟
وفي محل يبيع شيشه صوبه جنه .. ونفس السؤال كان يخطر فبالي
بس اشوه في مره من المرات شفت سياره واقفه عنده
بس سياره وحده لوول
والله غريب أمره هالمحل