الأسبوع اللي طاف كنت طالع من الدوام ودايس 120 راد البيت، فجأة ولا السيارة اللي جدامي توخر وتلف يسار، ولا تاير مصلوخ وطايح بالشارع، ما مداني أوخر عنه جان أدوسه، عاد سيارتي نازله مو مرتفعه جان أسمع طاااااااخ خخخخخخخ، قمت أمشي وهالصوت موجود خخخخ لول، جان أشغل الفلشر وأصفط على حارة الأمان، طلع كان في حادث كذا سيارة داعمين، شكله بسبة التاير، واللي بالصورة وحده من السيايير ضحايا الحادث، أهما يمكن 3 أو 4 سيايير
نزلت من السيارة قلت خل أشوف تحتها أكيد التاير معلق، طلع التاير اللي دسته كسر الغطى مال السيارة من تحت مادري شيسمونه، والغطى هذا قام يحك بالأرض ويطلع صوت مزززعج، بعد ثواني ولا تيي دورية، جان يقولي الشرطي انت معاهم بالحادث؟ قلت له لا بس دست التاير وكسر الغطى و موقادر أمشي بالسيارة، جان يقولي روح سيده أول لفه يمين تلقى دوار ومادري شنو قال المهم آخر شي تلقى بنجرجي، قلت له شالفايده كلهم مصكرين الحين ماتسوه أنطر ساعتين على مايفتح، قلت أمشي فيها بهالصوت و أوصل البيت بعدين يصير خير، قمت أمشي 60 لما وصلت، رحت البيت وسويتها عند البنجرجي مال منطقتنا، اليوم اللي وراه ولا أحس السيارة تعري .. ولييين
طليت تحت ولا التاير مشقوق شوي، الشق اللي شفته طوله 5 سم تقريبا، رحت شويخ عشان أبدل التاير، لما شالو التاير جان أشوف الشقه اللي فيه ( اللي بالصورة ) ويهي صار جذي @@ قلت زين ماصار فيني شي وانا قاعد أمشي فيه، المهم بدلته وافتكيت، مشاوير صيانة السيارة من أخيس المشاوير اللي تمر علي لأنها متعبه ومكانها بعيد و تعال انطر دورك و لويه، أعرف واحد من الشباب يحب صيانة السيايير و شويخ وهالسوالف، لما أقوله أمش معاي بروح شويخ أسوي سيارتي يستااانس جني قايل له عازمك على سينما لوول
الله ستر
بالحديد و لا بالعبيد
من جذي الركاده بالسرعه زينه عشان تقدر تسطير على اي خلل يحوشك
اي الحمدلله يامعود
الله ستر يمعود دير بالك مرة ثانية كلش ولا تقولي 60 مادري 40 ترى التحكم بالسيارة أمر خطير في مثل هذي الاوقات
حافظك ربي
اي والله الله ستر .. تسلم فرانكوم
سلامات يمعود الحمد لله ما صار شي
ديربالك ترى الكويت شوارعها مخطورة باللي يسوقون فيها، ياخي فيلم رعب مو شارع!
ههههه اي والله فلم رعب
الله يسلمك
ااوف .. الحمدلله ع سلامتك ..
الكفر تمزعيته مش هينة
حتى 60 اكثير
الله يسلمج .. شنسوي بعد
الحمد لله على سلامتك يالحبيب
الله يسلمك يالغالي
سلامات ما تشوف شر
الشر ماييك
ثانكس
ما تشوف شر
انا صار لي موقف
ايام ما كانت عندي كرايسلر كونكورد عرفتها السيارة الواطيه حيل وسمعتها مو زينه مكينتها دايماً تحتر
المهم انا كنت بطريج ابو حدريه بالسعوديه راد الكويت وماشي تقريباً 120 بالليل واذا جدامي تاير شاحنه مصلوخ
ما مداني اوخر عنه لأن بالليل ونور سيارتي يكشف امامي بمسافه بسيطه
المهم بجزء من الثانيه قررت اخلي التيوب تحت سيارتي وطق ذيك الطقه تقول طراق محترم والا السياره تهتز كأنها بزلزال 8 ريختر
اخذنا نسمي بسم الله ووقفت بالليل ولا يجيني ذاك الكلب الضخم يكرم السامع ينابح وجان اشوف راعي الكلب وقال لي لا تخاف الجلب ما يعض سلمت عليه وكنا خايفين قال انا كويتي وسعودي “يعني الاخ مزدوج”! قال روح الاستراحه ذيك اللي امامك ورحت وطل العامل الميكانيكي وقال سيارتك سليمه
اطيته اكراميه ورحت الكويت
الله ستر
الشر ماييك، والحمدلله على سلامتك .. والله مشكله هالسيايير
:/
خطاك الشر والله ما تستااهل .. والحمدالله على السلامة ياربي
الله يسلمج
ثانكس