أمس مريت عمي المستشفى كان تعبان شوي ومسوين له فحوصات في مستشفى صباح الأحمد للقلب، اللي لاحظته هناك أن مواعيد الزيارات محدوودة جداً جداً، ساعة الظهر وساعة ونص بالليل، انا أول مرة أدش هالمستشفى أهو نظيف ويديد والدكاترة والستاف شكلهم خبرة بس عيبهم بنظام الزيارات، ومايصير يدشون على المريض إلا 4 زوار كحد أقصى، إذا في زاير خامس بيدش على المريض لازم واحد من الأربعه اللي داخل الغرفة يطلع يروح عند الإنتظار وبعدين يدش الخامس بداله
هذا التلفزيون معلق بالسقف وحاطين تحته لوحة تكبر الشاشة وتعرضها على المريض من فوق عشان وهو نايم يشوف التلفزيون فوقه، عجبني المستشفى مجهز وعلى مستوى .. بس يا جماعة أدعوله بالشفاء العاجل و الله يقومه بالسلامة انشالله
Tags: الأميري, الشرايين, القلب, صباح الاحمد, مستشفى
Loading ...
الله يشافيه يارب ويقومه بالسلامه
تسلم ، الله يسلمك من كل شر
مايشـوف شـر إنشالله
أجر وعـافيـة
بس سالـفة انهم مخلين الزيارة ساعـة واحدة وعدد محدود هذا شي المفروض يصير بكل مستشفيات الكويت
لأن في نـاس تسـويها دوانيـة وغير اليهال الي يلعبون بالممرات
وبعديـن المريض مناعتـه تكون ضعيفـة وقت العلاج فـ أي زاير يكـون فيـه أي مـرض سواء يدري عنه او لأ احتمـاليـة انه ينتقـل المرض للمريض كبيـرة
وماتشوفون شر مرة ثانيـة
الشر ماييك تسلم
اوكي شي حلو ان يحطون حد أقصى للزوار بس مو 4 شدعوه
خل يخلونها 6 معقوله
او يخلونهم 4 بس يزيدون وقت الزيارة مو بس ساعه الظهر وساعه ونص بالليل
:/
مايششوف شر ان شاء الله
سحآآبة وتعدي ^ـ^
عجيييييييييييييييبة فكرة الششاشة بسأل عنها بسويها في غرفتي عشان رقبتي احسه بتنعووج تلقائياً لوول
ثانكسس <~ لول والله انقذتني بفكرة الشاشة بس عاد صدق ماتطيح ع راسي ؟
لا مثبتينها بجهاز
الشر ماييج ، شكرا
الله يشافيه ويقومه بالسلامة ياارب
آمين
شكرا