أمس كان اليوم الأول في برنامج فيفا التدريبي للمشاريع الصغيرة، كان هدفي إني أتعرف على أكبر قدر ممكن من أصحاب المشاريع الصغيرة واللي سهل علي الموضوع أن كان في فترة تعارف على بحر المارينا، كانو مرتبين الطاولات على شكل دائرة حوالين حمام السباحة، وكل طاولة فيها شخصين، ولهم فترة دقيقة تقريبا كل واحد فيهم يتكلم عن مشروعه الخاص، وبعدين ينتقل واحد منهم حق الطاولة اللي بعدها عشان يتعرف على شخص ثاني، ويستمر جذي لما كل شخص يكون باني حوار مع المشاركين ومعرفهم على نفسه وعلى مشروعه، وخلال هالفقرة تعرفت على مجموعة حلوة من أصحاب المشاريع الصغيرة واللي أتمنى أن يكون بينا تعاون في المستقبل القريب
بعد فقرة التعارف قدموا لنا عشا لذيذ جداً جداً، كان ياي بوقته لأني ماكنت متغدي عدل لول، وأثناء العشا تعرفت على الأخ هاشم صاحب مشروع الكتابة على الزهور و دار بينا حوار بسيط عن الزهور والمدونات، وبعد العشا بدت المحاضرة الثانية عن تحقيق الأهداف واللي تكلم فيها الأخ مشاري المفرح، أصغر مدرب أن أل بي في الكويت
Tags: pink coffee, small to big, viva, فيفا, مشاري المفرح
Loading ...
يعطيم العافية وموفقين يارب
الصراحة الواحد يفتقد جذي برامج بالكويت
وشكثر نفرح لما انشوف اهتمام من شباب بالنسبة لهالمجال
انا راح اكون متابع لك ولهالحدث
وفيفا لك وللجميع
وشكرا
الله يعافيك اخوي
عدل كلامك هالبرامج ممتعة بس قليلة
وحياك الله تشرفني متابعتك
ماشاء الله شكلها خوووش دوره وشغلها نظيف ومرتب
بس أهم شي الواحد يروح يفكر بالفايده يعني مايروح مو متغدي ويطبحلك بالبوفيه
وان كنت أرى أرى أن ترس البطن والتلذذ بالطعام الطيب من أحلى المشاريع الصغيره
الله يوفقك يالحبيب
هههههه شسوي ياخوك اطلع من الدوام و اوصل البيت 3:30 والدورة 5:30
عجبتني واايد القعدة اللي على المسبح … وطريقه التعارف بين كل اثنين على طاوله ..
واللي عجبني اكثر اهتمامهم بالشباب الكويتي وفتح مجال لهم في المشاركة في المشاريع والتجارة الحره .
واللي عجبني اكثر واكثر واكثر … اني اشوف شاب كويتي صغير يعطي محاضره لشباب مثله .. اتوقع راح يشجعهم اكثر ..
يعطيك الف عافيه اخوي مبارك على الموضوع الشيق .. والى المزيد من التمييز
الله يعافيج
اي طريقه التعارف مميزة والجو بشكل عام وايد حلو صراحة
صراحة رهييب ياليت في شيء كذا اهني
احس بجوو خيالي اهناك
هتيالك ^ـ^
متابعة <~ كنت تعبانة فما رديت من قبل ولا انا متابعة وقاريتهم
الحمدلله على السلامه
تره متابعتج و تعليقاتج تهمنا