هالكتاب شفته بكارفور، قريت منه شوي وشكله حلو حق اللي يحبون يقرون عن العلوم والاختراعات، يتكلم عن أدوات إخترعوها و منو إخترعها وشنو قصتها، أنا قريت عن الأصنصير كاتبين أن مخترع الأصنصير أمريكي أسمه أليشا أوتيس، أساس الأصنصير كان من الفراعنة بس أليشا هذا طوره و خلاه آمن أكثر، و يعتبر الأصنصير سبب رئيسي لتطور العمران، لأن لولا وجوده جان ماسوو الأبراج و ناطحات السحاب، وقريت عن النظارة، يقولون أن قبل اللي يعدي عمرهم الـ 40 يشتكون من ضعف النظر ويخلون أحد ثاني يقرالهم الكتب، لما طلع العالم العربي أبن الهيثم ودرس النظر و انعكاساته وعرف أن الزجاج المدور أو المقعر يكبر الصورة جان يخترع المكبر، بعدين واحد أجنبي ترجم كتبه حق اللغة اللاتينية و تبنو الأجانب هالمجال لما تطور الوضع و صرنا نلبس نظارات، كتاب ممتع ومفيد حق اللي يحب هالسوالف، أتوقع ينفع لك يا كـُمـيل لول
Related posts:
Tags: ابن الهيثم, الاصنصير, المصعد, النظارات, النظر, اليشا, قصة إختراع, محمد القحطاني, مكبر, نظارة
Qawi!…. I Like
yenfa3 lek ya Arch.
احب هالسوالف
شكرا
اي وناسه لما تعرفين معلومات جذي
من صبعك مبين انه يبيلك رجيم
الله يحفظك من بين يديك ومن خلفك
هههههههه لايبه ظعيف انا
تره الابهام وراه صبع ثاني هذيل صبعين يم بعض مو صبع واحد ههههه
والله حلو بس يعني الغلاف حده غبي ماايشجع لوووول مادري ليش أحد يكون مضطر انه يفر اللمبه بالسبانه
لووول
اللمبة ترمز إلى الفكرة أو الإختراع
والسبانه ترمز إلى الأدوات
دمجو الفكرة بالأدوات وطلع معاهم جذي لول