شالفرق بين الألوان الطبيعية والصناعية

الوان صناعية

كنت أشرب هالعصير وقريت مكوناته قلت خل أشوف إذا فيه مكونات صناعية ماني شاريه مره ثانيه، جان أقره في المكونات مكتوب ألوان طبيعية، وآخر شي تحت مكتوب خالي من الألوان الصناعية، شالفرق بين الألوان الطبيعية والصناعية؟ يعني الألوان الطبيعية ماتضر الصحة؟

No Responses to “شالفرق بين الألوان الطبيعية والصناعية”

  1. Kumail+ says:

    أكيد الطبيعي أحسن بوايد، شوف هني:
    http://en.wikipedia.org/wiki/Food_coloring#Natural_food_dyes

    و تحت يتكلمون شوي عن الألوان الصناعية

  2. Moayad says:

    والله يا أخوي مبارك أنا مو خبير بهالمسائل و ودي أعرف الجواب مثلك :)

    لكن السؤال الأهم هو.. العصير الطبيعي على قولتهم بروحه فيه طعم و لون من الله…. ليش يضيفون له الألوان و النكهات.. الطبيعية على قولتهم؟

    و أهم شي أنه “سكروز” .. يعني طالعين فيها !! السكروز اهو سكر القصب العادي اللي نستخدمه كل يوم
    :D

    أنا ما أدري شنو نوع العصير اللي بالصورة.. لكن في أنواع من العصير مافيها أي إضافات و طعمها حلو و صحية أكثر و هي أحسن ، و طبعا أحسن عصير اهو اللي انت تسويه أو تشتريه فرش لأنه مضمون الجودة :)

  3. i6aLeY says:

    اممم مادري :×
    بس عاد تدري؟ اكو بحليب الفراولة مال المراعي وحليب الفراولة مال كي دي دي .. واغلب الشغلات الي نستخدمها الي تكون بطعم الفراولة .. يحطون فيها مادة اسمها
    e120
    وهالماده لها اكثر من اسم
    على حليب المراعي مكتوبه اي 120
    وحليب كي دي دي مكتوب اسمها الثاني
    http://en.wikipedia.org/wiki/Cochineal
    تقدر تشوف اساميها هني..

    تدري هالماده شنو؟ عباره عن نوع من انواع الخنافس لمن تنعصر تعطي اللون الاحمر :s
    واحنا طايحين شرب فيه لول

    يعطيه العافية الي قالي عن هالشغله خلاني اوقف عنهم :)

Leave a Reply