نظري ضعف من كثر ما أجابل الكمبيوتر، ومليت من النظارة والعدسات، قمت أفكر أسوي عملية ليزك وأفتك بس أحس العملية تخرع لأنها بالعين مع أن وايد من الأهل سووها وقالولي أن أول شي الدكتور يسويلي فحص حق العين ويشوف إذا عيني تصلح حق العملية ولا لا، واذا تصلح يحدد موعد حق العملية وتخلص العملية بعشر دقايق، اوكي صج أنها 10 دقايق بس بالعييين، لو بأي مكان ثاني عادي بس العين مشكلة، ليلحين متردد صارلي 6 شهور أفكر بالموضوع، أسويها ولا أنطر شوي لما يتطور الطب وتصير مدة العملية نص دقيقة لول
Tags: eyes, glasses, lazik, operation, عدسات, عملية, عيون, ليزك, نظارات, نظارة
Loading ...
والله سوها وجنا العيد
عشر دقايق وما تحس بشي
حدها اوكي
عشر دقايق بالأيد أوكي
بس عشر دقايق بالعييين هني المشكلة لول
Do it ..
I’m glad I did it (^.^)
10 to 15 minutes and you’ll feel great.
الحمدلله على السلامة
زين نبي بعد ناس مسوين العملية عشان يشجعوني
e wallah 7ata ana mlait men il na`9ara :$ o wedi asawee il 3amaleya bs ana 7adi 5awafa …..la enta tewakal 3ala allah o sawha o goolena she9eer ma3ak
تبين تجربين فيني أول لوول
سووها وتوكل على الله وأفتك من النظارة والعدسات
أنتو السابقون ونحن اللاحقوون
لوول شكلكم ناطريني أسويها أول وبعدين تقررون على حسب النتيجه
اكثير من اقاربي سووها ويمدحونها بس بعد احسها تخوف
تركت النظارة من رمضان اللي طاف ونظري احسه صار ااحسن بكثير
يمكن مأكلة شيء بالغلط هههه
كليتي جزر
تووووكل على الله
انا انطر اعدي الـ 21 وبسويها ان شاء الله
مليييت من العدسات :/
بنت خالتي سوتها بإيران تقول والله العظيم ما حسيت بأي شي > وعلى فكرة حدها خوافة
مممم حلو حلو ، يبيلي زيارة حق أحد العيادات وأعرف تفاصيل أكثر
انا مسويها
وانصحك والله فيها
النظارة عذاااب ولما تفتك منها راح تحس
انا معاك تخوف
مستحيل احد يقص عليك يقولك ما تخوف
لكن حط ابالك ان عوار ماكو
والعملية 10 دقايق ما اتطول
وهاا في نقطة
ترا اختيار الدكتور المناسب امر مهم
انا انصحك بالدكتور سامي الربيعة
والله تعامله معاك راح يشيل الخوف من قلبك
وادعيلي
بسأل عنه انشالله
الحمدلله على سلامتك ونحن اللاحقون على قولتهم
في نقطة احب اضيفها
يمكن انت تكون خايف من المجهول
ما تدري شنو بيصير داخل غرفة العمليات
اذا عندك فضول تعرف ويمكن هالشي يفيدك
اكتب باليوتوب lasik
وشوف العملية
هالحركة سواها فيني اخوي قبل لا اسوي العملية
واعتقد فادت وياي صج ان الخوف ما زال موجود
لكن دخلت غرفة العمليات وانا اعرف شنو بيسوون بعيني
تبي الصراحه انا دشيت يوتيوب ولقيت جم فيديو
بس شغلت الفيديو 10 ثواني جان اصكره
قلت مابي اشوف شي يخلني اتعقد من العملية هههه
شوف الفيديو وهذا ويهي اذا سويت العمليه ههههههههههههههههههه
هههههههه هذا اهو
اقولك شفت 10 ثواني جان اصكره
ماانصحك فيها
اخوي سواها ورجع للنظارات بعد سنتين
ماانصحك خلك على النظارات ابرك
وموفقك ان شاءالله
هذا كلام خطيير
الله يستر
اختي سوتها و تمام مشالله
امي سوتها عند نفس الدكتور ماضبطت معاها و سوت لها حساسية شديدة و صادت تلبس نظارتين وحده للبعيد و وحده للقديب و لازم تسويها مره ثانيه تعدل بس للحين خايفه
و رفيجتي سوتها هم مشالله تمام بس للحين تعاني من جفاف حاد
شفت شلون الاختلاف؟ اذا سأالت وايد راح تضيع و الناس ماتتفق على راي واحد نصيحتي اقرا عن العملية بدقة و شوف طريقتها و واستشير دكتور و بالأخير صل صلاة استخارة و تالي قرر
مممم .. عدل كلامج لازم البحث وبعدين الاستخاره
الله كريم
اختي سوتها واهي نظرها كان حيل ضعيف ماحست بشي والحين تمدحها بس عيبها لمه تسهر ثاني يوم النظر عندها يضبب ماتشوف عدل والاضاءه القويه تعور عينها
اللي فهمته ان العملية مو مضمونة وكل واحد على حسب حالته
ثانكس
انا ودي اسوي و افتك من النظاره
بس للاسف ما يصير حق عيني اليسار لانها
lazy eye :
شنو يعني لزي آي
!!؟
أنا سويتها قبل شهرين تقريبا
نصحتي لك سوها بس لا تفكر أنك تشوف العملية قبل لا تسويها
و بالعملية ما راح تحس بشي لأنه راح يقطرون مخدر بعينك
و رورو مينياأذكر مرة دكتور عيون قاله أنه في تمارين حق الليزي آيز تعالجها يغطون العين السليمه و يخلون العين الكسوله فتره معينه بعدها يرجع النظر أحسن من قبل
اي و نسيت أقوول أنا سويتها عند دكتور وجيه الديب بمستشفى دار الشفا بحولي
و الجفاف بعد العمليه شي طبيعي و راح يعطونك قطرة مرطب حق الأستخدام اليومي و مرهم مرطب حق لم بتنام و مهم أنك تاخذهم بنتظام ول راح يصير الجفاف مزمن
تمام تمام .. الحمدلله على سلامتك
ومشكور على المعلومات القيمة
امبيه انا بعد بسوي هالعملية وطاااف ع موعد العمليه تقريبا سنة لان كنت اداوم وصعبة ادرس واسويها
سئلت كل رفيجاتي اللي سوها بشروني بنطر اسويها بعد جم شهر واللي فيها فيها هعهع