قبل فترة انتقلت حق سكن يديد و واجهت مشكلة كبيرة اللي أهي ضعف إشارة السيرفس في غرف معينة في السكن، وفي غرف السيرفس فيها زين، لما سألت ودورت عن حل لقيت هذا الجهاز أسمه تريند نت، تحطونه بمكان يكون فيه السيرفس قوي و توصلون فيه الأيقو وهالجهاز يخلي الأيقو وايرلس بحيث يوصل حق المناطق اللي فيها سيرفس ضعيف وتقدرون تشبكون بالأيقو عن طريق الوايرلس
هذا الجهاز موصل فيه الأيقو، سعره 25 دك بشارع بن خلدون بمجمع القيروان من محل كاميو، طبعا شركة زين عندها نفس هالجهاز بس عيبه أن مايشتغل إلا على خطوط زين، ويشبكون عليه 5 أشخاص فقط، أما هالجهاز يشتغل عليه خط أي شركة عادي ويشبكون عليه 10 أشخاص، يمكن تقولون ليش ماحطيت دي أس أل وفكيت نفسي، ماقدرت أحط لأن على حظي السكن اللي انا فيه مافيه إمكانية توصيل خطوط أرضية يديدة لول شهالحظ، ماعلينا، الجهاز شغال تمام ومافيه أي مشاكل وإشارته قوية ويشتغل بالكهربا و ممكن تشحنونه و تخلونه يشتغل ساعتين ونص بدون كهربا، واللي يشتريه خل يخلي المحل يظبطه له ويحطله باسوورد حق الوايرلس إذا مايعرف يضبطه بروحه
Tags: ego, router, trendnet, wataniya, zain, الوطنية, ايقو, راوتر, زين, سيرفس
Loading ...
هلا
عاد هذا المحل كنت عنده ذاك اليوم
http://alblogy.com/?p=200#comment-63
وهو الوحيد على ما اعتقد عنده الراوترات الطيبه الرخيصه
بس على فكره ترى يشتغل على خط الوطنيه بعد مو بس زين
خلني الحق اروح المحل اخذ واحد ..بعد بوستك هذا الكميه اللي عنده راح تطير
الكميه الاولى اللي جابوها من هالمودم طارت كلها
هذي الطلبية الثانيه من المحل لهذا الراوتر
في حل اخر للسيرفس الضعيف تكلم عنه الزميل هورنت
http://www.waw.cc/3609.html
ذكرتني بجهاز اخوي نفس طريقته يشبه الدي اس ال بس صغير ومايحتاج خطوط ارضية ولا يحتاج شحن
وقت ينقطع النت يحط الجهاز بنافذته ويلقط له كل الشبكات القريبة
فيه سلك واحد بس موصل بالجهاز والاب توب
يعني اخوج يشبك على اشتراكات ناس غيره لول
يمكن هو نفسه الي يسمونه اكسس بوينت
الي يوصل يقوي مدى الوايرلس
انا ظنيت بداية الموضوع ان الجهاز يقوي سيرفس الشبكة لكن طلع الجهاز يقوي اشارة النت ويختص بالوايرلس
أشكرك بو اسماعيل
الأكسس بوينت يقوي الوايرلس
بس هذا الجهاز اهو راوتر وايرلس يعني يحول لك الأيقو من وصله فلاش إلى وايرلس
وعلى فكرة معاك بوفارس لول
حياك يابوفلان
للتو انا رجعت وشريت الجهاز ابو 25 دينار
بالمحل قالولي يشتغل على انترنت الوطنيه قلت اوكي ابيه
وبالورشه قالولي ترى ما يشتغل على داباليو نت يو اس بي الجديد !! بس يشتغل على اليو اس بييات القديمه من الوطنيه!ـ
قلت ياسلام اللي بالمحل يقول يشتغل وشريته وانتو بالورشه تقولون الجهاز اليديد لالا!ـ
وشفت بالورشه صراخ واحد يايب الراوتر ماله يقول كله ينقطع الانترنت
اهو لما تشغله يحطلك شنو موديلات اليو أس بي مودم اللي يشغلها
أحسن شي تاخذ اليو أس بي معاك سواء مالت زين أو غيرها
وتقولهم يشغلون الجهاز جدامك
انا الجهاز شغال معاي 100% ومرتاح معاه وايد
اي انا خذيته معاي اليو اس بي مال زين
توقعت زحمه عند البائع اليمني! بس طلعت بروحي.. انا رحت خمس العصر
والحين شابك منه ايقو.. بس ابي انتقل للوطنيه يمدحون نت الوطنيه وبنفس الوقت ما ابي يعطوني اليو اس بي اليديد لما موظف الوطنيه يسوي اوراق اشتراكي؟
شنو اسوي شنو اقول له؟
اطلب موديل اليو أس بي مودم اليديد من 121
سجله عندك و اذا عندك نفس الراوتر اللي عندي
اكتب بالبراوزر اللي عندك
192.168.10.1
بعدين اضغط على
Supported Cards List
و دور على موديل المودم اليديد مال الوطنية
اذا موجود معناته راح يشتغل على الراوتر
حده قوي هاالبوست.. مشكووور حجي.. ولو اني ليلحين ما رديت الكويت, بس فعلا محتار اخذ الإيقو ولا الماي فاي اليديد مالهم.. بس جنه فكرتك هذي احسن وأوفر من الماي فاي اليديد مالهم
اي أحسن لأن يشتغل على كل الشركات مو بس زين، ويشبكون عليه 10 أشخاص أما الماي فاي يشبكون عليه بس 5
وانشالله ترجع بالسلامه
توني قاعد اقرا جريدة الوطن اونلاين وشفت خوش عرض.. انا راد عقب 3 اسابيع مادري الحق ولا لا
http://watanpdf.alwatan.com.kw/alwatanPDF/2010-07-20/15.pdf
اللي نويت اسويه بعد نصيحتك الطيبة, اني اشتري ايقو هذا اللي سرعته 7.2 وعقب اروح هالمحل اللي بحوّلي اشتري هالجهاز اللي يغنيني عن الماي فاي ومافي مشاكل مع الشبكه بعد..اتوقع هذي احسن خطه, صح ؟
وشنو تنصحني آخذ ؟؟ زين ولاإيقو ؟؟
أقصد زين ولاوطنيه ولافيفا؟
Viva msaween promotion 18kd only. will it work on this?