لما أشوف فلم أجنبي لازم يكون فيه أكشن وطق وتذبح ومسدسات وعنف وقتل دائماً وأبداً وعلشان لا أبالغ مابي أقول كلهم، بس 95% من الأفلام الأجنبية فيها عنف
وفي المقابل 95% من المسلسلات الخليجية فيها مشاكل إجتماعية وبجي و تفكك أسري و حقد.. إلخ، هل تعتقدون أن هالنوع من المسلسلات والأفلام تأثر على المجتمع الموجه له المسلسل أو الفلم؟ يعني لما أمريكا تسوي فلم كله عنف وقتل هل قاعد تزرع هالشي في الأمريكان؟ ولا بس قاعد تعكس صورة المجتمع الأمريكي في الأفلام؟ أو بمعنى ثاني هل الفلم قاعد يأثر على المجتمع المشاهد للفلم؟ ولا المجتمع قاعد يأثر على مؤلف الفلم ويخليه يألف قصص من الواقع؟ نفس الشي بالنسبة للمسلسلات الخليجية، هل تأثر على المجتمع الخليجي ولا واقع المجتمع الخليجي قاعد يأثر على المؤلفين ويخليهم يكتبون قصص جذي؟
Tags: action, drama, gulf, movies, violation, أفلام, اجنبية, اكشن, البلام, الفضالة, الهام, امريكيا, خليجي, خليجية, مسلسلات, مشاري
Loading ...
انا اشوف الاثنين بس اللي يطغى الاعلام ياثر ع المجتمع بحيث يحدد الاجنده والاولويات و يفرض عليه شغلات بشكل غير مباشر لانه تاثيره قوي ع الافراد..
وهو المفروض بس هالشغله احسه نادر انه الاعلام يكون مراءة المجتمع ..
واحس الافلام والمسلسلات نسبة الواقعيه فيه شويه تكاد تكون معدومه :\
اوافقج الراي ، المسلسلات والأفلام فيها نسبة قليلة من الواقع
انا اشوف ان الاعلام يعكس صورة المجتمع
لكن احيانا يعكسها متضخمة وفيها تشويه
لكنه ما يجيب شي من عنده
ياسلام عليك ، عدل كلامك .. تضخيم للواقع
حسب اللي اشوفه
ان بالغاالب الاعلام يبالغون بنقل الصورة
يمكن تكون موجودة بالمجتمع بس بنسبة نادرة وهم يخلونها كأن المجتمع كله بهالصورة
وبنفس الوقت كل ما ضخموا الصورة يتأثر المجتمع اكثر واكثر بهالشي
يعني بينهم علاقة واحد يؤثر ع الثاني وواحد يعكس صورة الثاني
كلام سليم هديل
اكيد له تأثير كبير بعد
دائرة بين الاثنين
الأفلام يبون يعكسون المجتمع، والمجتمع يتأثر منهم
وكل طرف يزيد بهارات بالدور :p
السلام عليكم
اعتقد ان المجتمع يلهم الكاتب وثم يتأثر بانعكاس صورته داخل الفلم او المسلسل سواء غربي او عربي
أقل تأثير مباشر ممكن بصبر انك بعد الفلم مباشره تظل تستخدم مجموعه من الكلمات اللي انقالت بالفلم او تقلد بعض الحركات سواء كانت للضحك او الشحاطه او العنف
فمابالك بالعقل الباطن شنو قاعد يخزن؟
وهذا من احد أسباب وجود تصنيف عمري للمشاهد