هذا الكتاب شفته بكارفور، جذبني غلاف الكتاب لان البنت اللي فيه شايله علم فيس بوك و حاطه شماغ وطريقتها جنها تدافع عن فلسطين، بس لبسها غير متناسق مع هالتوجه! لابسه بدي عليه صورة تامر حسني و جينز عليه صورة جيفارا وبلاي بوي وباكيت زقاير بمخباتها، خذيته قلت خل أقره الغلاف من وره عشان آخذ فكرة عنه
هذا اللي كان مكتوب بالغلاف الخلفي، فتحت الكتاب بعد ماقريت الغلاف وقريت موقف مكتوب مو مال انشره هني لأن فيه كلام ماينقال، المهم أني مافهمت شنو المطلوب من هالكتاب وشنو رسالته!؟ كله كلام ماله داعي، أول شي قلت يمكن خايرينه بالغلاف بس عشان يلفتون الإنتباه، بس طلع حتى مضمون الكتاب متعمق أكثر من الغلاف، كل اللي فهمته ان يقارن بين البنات اللي شكلهم ملتزمين بس يلعبون من تحت لي تحت والبنات اللي شكلهم متحررين بس محترمين، بعدها قعدت أفكر وأقول هل في ناس مستعده تظيع وقتها بقراية هذا الكلام!!؟
Related posts:
Tags: بلد, تامر, حاجات, حسني, شهيب, عليها, عننا, كتاب, كده, كلام, متعلم, مصطفى
الغلاف بروحه سالفة أعطى فكرة عن الكتاب والكاتب انهم ماعندهم ماعند جدتي
…
http://www.facebook.com/group.php?gid=270187763497&v=wall
لول والله له معجبين وايد
الناس عاوزه كدا ياباشا
واحنا عايزين نبيع
لول هوا ده
غصب طيب يبون يبيعون الكتاب .. ماشاءالله عليه مصمم الغلاف ماخله شي بنفوس الناس وعقولهم إلا حطه
محاولات فاشله لجذب أكبر عدد من المشترين ;P