أمس دشيت السينما اليديدة اللي حاطينها بالأفينيوز، عبارة عن سينما صغيرة سداسية الأبعاد بحجم محل صغير حاطينها يم محل سوكر سين بالأفينيوز، يعرضون 3 أفلام بالسينما، واحد عن الفضاء والثاني كرتون حق اليهال والثالث اللي رحتله عن واحد يطيح من الطيارة وتصيرله سوالف،طبعا كلهم كرتونز أو رسوم متحركة، قعدت بالكرسي جان يقولي الموظف اربط الحزام!! قلت شهالفلم اللي يبيله حزام!؟
اوكي ربطنا الحزام وشغلو الفلم بعد ماعطونا نظارات حق الفلم، وبدا الفلم وطاح صاحبنا من الطيارة ولا يطلع لنا هوه جنا احنا اللي طايحين لول والكرسي يهتز ومن هالسوالف اللي نشوفها بره الديره، مدة الفلم 5 أو 7 دقايق تقريبا وسعر التذكرة 3دك، صراحة تسوى الواحد يجربة، التذاكر تنباع بنفس المكان أو تقدرون تشترونها من موقع توصيل
يبيله تجربة
يعطيك العاافية
الله يعافيج اكيد يبيله
مع انها 5 دقايق بس تسوه والله
والله فكررررة حلووة مآرا
احنا عندنا بسايتك زي يشبه ذا اللي عندنا غرفة صغيرة تدخلها وتسكر عليك وتخلي احد يضغط الزر
لووول انا صراحة خفت مرة بس بعد تحس بمتعة
وسعر التذكرة لدخول سايتك كله 40 ريال وسايتك كبير فسعره مقارب لسعر الفلم او خمس دقايق
زين والله ، 40 ريال = 3 دك
كنت بدشه مع زوجتي بس شفت حاطين تلفزيونين بره قلت طاف
اي مو حلوه حركه الشاشات خصوصا حق العوايل
جان قلت لهم يصكرونها اتوقع عادي
وينه اي صوب تحديدا
وفيه حجز ولا بنفس الوقت
وجم مقعد فيه
؟
حرقتك بالاسئلة مو لول
بحجز للربع بس يتراوالي انهم يدرون عنه وانا آخر من يعلم
شدعوه افا عليك حاظرين للطيبين
وينه؟ بالأفينيوز فوق يم محل سوكر سين اللي يبين بلايز رياضية
فيه حجز؟ لا تروح وتدش بنفس الوقت لأن الفلم مايطول بالكثير 7 دقايق
جم مقعد؟ تقريبا 15 مقعد
وأي سؤال انا حاظر