أمس بعد ماطلعت من زوارة الخميس ( هاذي زوارتنا مو مالت المسلسل لول ) الساعة 11 بالليل قلت خل أروح سينما المارينا وأشوف الأفلام الموجودة، طلع ماكو إلا 3 أفلام وكلهم بايخين بس قلت يالله واصل واصل خل أدش أي شي، و وقع الإختيار على اللمبي 8 جيجا، مع أني ماحبه وماشفت له إلا فلم واحد وماكان ذاك الزود صراحة، المهم بعد ماشرينا التذاكر قعدنا صوب المطاعم فوق ننطر الفلم اللي كان المفروض يبدي الساعه 12:15
وقبل لا يبدي الفلم بنص ساعه شفنا تقريبا 6 أشخاص من رجال الشرطة صاعدين فوق مع بعض جنهم لاحقين واحد، وكل واحد فيهم قاعد يقول حق المطاعم يالله صكرو بسرعة، وقالو حق الناس اللي قاعد يتعشون يالله قومو طلعو بسرعة، طبعا احنا موفاهمين شالسالفه!!؟ ولا كل المطاعم يصكرون شتراتهم، جان أقول خل ألحق على الفلم لايكون بيصكرون السينما بعد!!؟
رحت السينما ولا مو راظين يدخلون أحد، جان أقول حق المسؤول لوسمحت انا حاجز حق فلم بيبدي بعد شوي، قالي خلاص تكنسلو الأفلام كلهم وقاعدين يطلعون الناس اللي داخل صالات العرض، انت خل تذكرتك عندك و باجر روح أي سينما يبدلونها لك!! قلت له ليش شالسالفة؟ جان يقولي في بلاغ، وبعدين جابل الشرطة، أعتقد قصده بلاغ عن قنبلة وكالعادة يطلع بلاغ كاذب، والله أذونا بهالبلاغات قامت تظايق المواطنين مو بس الداخلية،ولما طلعت من السينما ولا عمال التنظيف ميمعين الكراسي ويقومون الناس
وصارت يمعه بره المجمع، أكثرهم الشباب الصغار اللي يايين بتكسي أو بالسايق وناطرين أحد ياخذهم.. وانتهى اليوم بالتمشي بالسيارة مع عصير بارد عشان يعدل المزاج، وهاليومين بشوفلي يوم أروح فيه السينما وبغير الفلم لول
Related posts:
Tags: إخلاء, الداخلية, الشرطة, اللمبي, تذاكر, تذكرة, جيجا, خميس, زوارة, سينما, فلم, كراسي, مارينا, مجمع, مطاعم, مول, وزارة
جليل الحيا وانا صارلي سنين احن عليك خندشه تقول ماتبي
الظاهر هذي حوبتي هههه
هههه شفت شلون
مره ثانيه باخذك معاي
ترا الفلم حدااااااااا بايخ احسن لاتروحله لووووول
احتمال كبير أغيره
ياكرهي كرهاه للناس ذيلا يخرعون ع الفاضي
ماعندهم غير يكذبوون مدري وش يستفيدوون يعني
الله كريم ، بس مصيبة قوم عند قوم فوائد
بغير الفلم الحين لول
يخربون عالناس طلعتهم
اي والله ، عاد لو يبلغونهم العصر جان أوكي الواحد يمديه يروح مكان ثاني
بس الساعه 12 بالليل وين نروح لول
!!
لووووووول الله وناسة والله شمعنه انت اللي تتعرض حق هالمواقف المرة الياية ودني وياك و إنشالله تكون قنبلة صجية بعد عشان نعيش الجو لوووووووووووول
ههههههه الله لا يقوله يامعود
wy mo 9ij yny anta gbl la adsh alflm 9arlk flm loooool
bs ro7 alflm y3ny 9ij ana 5yaly bs 9’7k
أي والله صارلي فلم
كنت بروح كوميدي بس صار فلم أكشن جدامي
عاد صج حركة خايسة صارت فيك ا
لول بس أشوه أني ماكنت مخطط حق فلم معين