الأخ جورج المطيري هو أحد المواطنين الطموحين ويطمح لإنشاء مصنع كويتي لإنتاج بعض المنتجات المحلية، في الحقيقة كان يحاول إنشاء هذا المصنع منذ أكثر من سنة لكنه كان يواجه مشكلة في التمويل حيث تبلغ تكلفة المصنع 500 ألف دينار كويتي، وفي الآونة الأخيرة استطاع تمويل مشروعه ولله الحمد وعندها بدأت العقبات الأخرى من ناحية ترخيص المصنع، حيث قالوا له المسؤولين بأنه يحتاج إلى مصنع فعلي لكي يحصل على ترخيص جديد!! لم يستسلم بل حاول الحصول على مصنع وفعلاً حصل على مصنع وطلب تحويل رخصته لكي ينشئ مصنعه ولكنه فوجئ برفض تحويل الرخصة ورفض تغيير النشاط، وهذه مناشدة لكل الكويتيين لدعم هذا المواطن في مسيرته، دعونا نلغي التعقيدات والأعذار الغير مبررة ولندعم شباب الكويت لكي تزدهر، ونطلب من الأخت النيباري المسؤولة في وزارة الصناعة بأن تتابع مجريات هذا المشروع الوطني وتقديم إستثناء له لأن هذا المصنع الأول من نوعه في الكويت ومن الممكن أن يوفر فرص عمل للجيل القادم، ربما يكون إبنك أو إبنتك، حفيدك أو حفيدتك بشكل مباشر أو غير مباشر، ألا يهمك مستقبلهم؟ تابع مسيرة الأخ جورج المطيري
Related posts:
Tags: ترخيص, جورج المطيري, رخصة, كويتي, مصنع, وزارة الصناعة
بكل أسف ماعمرنا راح نتحول لمركز مالي عالمي بهالعقليات الي عندنا.
النواب الأفاضل بمجلس الأمة مقومين الدنيا و مقعدنيا على كل شي ماعدا الاجراءات التعسفية و الطاردة للفلوس و المواهب الكويتية.
من كذا سنة دار بيني و بين واحدة من الخوات بمكتب الاستثمار الأجنبي بوزارة التجارة حوار طويل. اهي كانت مشتطة و تقول بنسوي و بنعلن بالسي ان ان و بالقنوات و الجرايد العالمية … قلتلها المشكلة ان انتو مو فاهمين الممستثمر الاجنبي شنو يبي. انا الحين اذا عندي فلوس باستثمرها بمشاريع و قاعد افكر بالكويت ، ماراح تجذبني اعلانات ولاشي. راح اشوف القوانين و البيروقراطية الي بالكويت. و الأهم من هذا كله اشوف نوعية المشاريع الي شغالة وشكثر نسبة استثمار الكويتي بالمشاريع الخارجية مقارنة باستثماره للمشاريع الداخلية.
قلتلها لو تفكرون نفس هالتفكير راح تشوفون ان ماكو اجنبي صاحي راح يحط فلس واحد بالكويت. والا ليش الشركات الخليجية و العربية تحط اعلانات مدفوعة بالجرايد الكويتية يبون مستثمرين كويتيين و ماكو العكس؟ لأنهم يدرون ان الكويتي يقط فلوسه برة و هو مغمض بس مستحيل يفكر يصرف بالكويت لأنه يدري شكثر راح يتبهدل و ينذل عشان يمشي مشروعه.
و من يومك للحين ماشفنا شي من كلام الاخت من مكتب الاستثمار الاجنبي
ونعم الرجل بو عبالله انسان طموح ويحب الخير لكل الناس ، البلية اكبر مشكلة تواجه التجار وتعتبر سد لك انسان طموح يريد خمة وطنه ، قالها سعو صاهو نحتاج ماء جية بالبلية!!
تعديل
خمة = خدمة
سعو = سعود
صاهو= صاهود
جية = جديدة
بالبلية = بالبلدية
السموحه الدال رايحة فيها
>>>>
ماعليه عدلتها لك بس ماكنت فاهم شنو يعني البلية لول
Ham shy asthma George al-mutairy Klsh ma y9la7
ممكن يكون اسمه الصجي وممكن يكون نك نيم لكن القصة حقيقية و وايد يشتكون من التراخيص