فلم “دون2″ من أحلى الأفلام حق شاروخ خان، يعرض حالياً بالسينما
قصة الفلم عن مجرم يتصف بالثقة الكبيرة بالنفس والذكاء الحاد، يخطط لسرقة قوالب لطباعة اليورو من البنك المركزي عشان يطبع فلوس مالها أول ولا تالي، وعملية كبيرة مثل هاذي لازم يكون لها خطة إستراتيجية مدروسة بعناية فائقة، فيحتاج لتحويل أعدائه لأصدقاء مؤقتين عشان ينفذ الخطة، الفلم أكثر من رائع ولازم تشوفونه، أحداث الفلم غير متوقعة ومثيرة وتشد وايد
مدة الفلم ساعتين ونص تقريبا ولاحظت أن أفلام شاروخ خان مافيها أغاني وايد مثل باجي الأفلام الهندية، هالفلم فيه أغنية وحدة فقط، وبرايي أن شاروخ خان رجع مكانته وسمعته من بعد فلم “را ون” اللي طيح سوقه، تقييمي لفلم “دون2″ بشكل عام 10/10 وهذا أول فلم أكتب عنه وأعطيه درجة كاملة!
وهذا تقييم الفلم بموقع موفي داتابيس معطينه 7.3 وعدد المصوتين أكثر من 9000 شخص
Related posts:
Tags: cenima, don2, kncc.com, review, Shah Rukh Khan, تقييم, دون2, سينما, شاروخ خان, شاروخان
سبحان الله ،، الناس أذواق ،، ولولا إختلاف الأذواق لبارت السلع .. أنا عاد ما أحب شاهروخان في الأفلام الآكشن .. أحبه بس في الافلام الدرامية والرومانسية الكوميدية أما الىكشن والخيار العلمي ما أحسها تليق عليه..
وحسيت بالمبالغة في أنو الشخصية مره واثقة من نفسها وبرايي أنو الجزء الأول أحلى من الثاني على الرغم من إن الجز الأول مأخوذمن فيلم دون اللي في السبعينيات لأميتاب باتشان
يعطيج العافية ومثل ماقلتي لولا إختلاف الأذواق لبارت السلع
وهالفلم موجه لمحبي الأفلام الهندية و الأكشن
وشاروخان ممتاز بالدرامية والرومانسية مثل ماقلتي
مجرد صالة غرناطة
أي على حظي كنت رايح بآخر يوم عرض بالفنار
دريت باليوم اللي وراه لما صاحبي كان بيحجز وطلع له ماكو إلا غرناطه
عيل مالكم إلا الـ
DVD
نفس ما قالت الأخت هلا صج الناس أذواق و أنا عن نفسي واااااااايد حبيت فلم شاروخان
را وان واايد استمتعت فيييه و حسيته شي يديد و غير عن الي تعودنا عليه كل مره
و دون2 ما شفت الفلم ليلحين بس القصة ما شدتني وايد الصراحه