اليوم كان في حادث بين باصين على شارع فحيحيل في إتجاه الديرة، الحاذث غريب ومو متخيل شلون صار بين الباصين، معقوله راعي الباص اللي وره ماشاف الـ “باص” اللي جدامه!!؟ ومشكلة الباص أن مسطح من جدام و وره، عشان جذي لما تداعمو راح الزجاج الأمامي كله
وهاذي صورة تبين الخفسة بالباص اللي جدام، الشرطة والإسعاف كانو موجودين و يعطيهم العافية سوو اللازم
كنت مار اليوم بالليل على شارع الخليج ولحسن الحظ كنت بشارع داخلي صوب عيادة أسنان، وكان شارع الخليج مصكر وحده مزدحم، لما وصلت آخر الشارع عرفت أن حادث، هالسيارة سيارة مرة كبيرة كسرت خاطري كانت واقفة عند الإسعاف وكانو يقولون لها قعدي بالإسعاف عشان نسويلج أشعة، والجيب الأسود اللي بتشوفونه تحت مال ولد تقريباً عمره 19 أو 20 وكان قاعد داخل الإسعاف والحمدلله أن الكل سليم لكن المرة فيها رضات الظاهر والولد مصدوم وقاعد بسيارة الإسعاف، وللأسف أن نشوف هالحادث بأسبوع المرور.. على العموم الحمدلله عالسلامة للكل
إنقلاب سيارة على دوار البدع، المشكلة أنها مقلوبة بروحها مو داعمه شي!! شلون و ليش!؟ علمي علمكم، شكله راعي السيارة كان بيويّل على الدوار بس ماظبط الحركة! الله يبعد عنكم الحوادث قولو آمين
حادث يسبب ازدحام مروري على شارع التعاون بالقرب من دوار البدع
هذا ليس حادث عادي بل غريب بعض الشيء حيث لم يكن تصادم بين مركبتين بل كان هناك مركبة متوقفة وخلفها عجلات دراجة هوائية مكسورة مرمية على الرصيف وتواجد رجال الشرطة ورجال الإطفاء أيظاً في موقع الحادث