أصدرت جمعية الروضة كتاب “الروضة تاريخ و شخصيات” تم إصدار الكتاب بعد ما تم تجميع الصور والمعلومات من أهالي المنطقة و إخراجها بطريقة جميلة ومنظمة تؤرخ تاريخ المنطقة وشخصياتها و أهاليها، بالإضافة إلى عقود تمليك للبيوت القديمة و صور منوعة من داخل المنطقة
هذا أحد العقود لبيع أرض في منطقة الروضة، وكانت الروضة تسمى بمنطقة العديلية الشرقية سابقاً
وهنا مضف أحمد المضف في الصيدلية بثانوية الشويخ سنة 1960
هذا الكتاب شفته بكارفور، جذبني غلاف الكتاب لان البنت اللي فيه شايله علم فيس بوك و حاطه شماغ وطريقتها جنها تدافع عن فلسطين، بس لبسها غير متناسق مع هالتوجه! لابسه بدي عليه صورة تامر حسني و جينز عليه صورة جيفارا وبلاي بوي وباكيت زقاير بمخباتها، خذيته قلت خل أقره الغلاف من وره عشان آخذ فكرة عنه
هذا اللي كان مكتوب بالغلاف الخلفي، فتحت الكتاب بعد ماقريت الغلاف وقريت موقف مكتوب مو مال انشره هني لأن فيه كلام ماينقال، المهم أني مافهمت شنو المطلوب من هالكتاب وشنو رسالته!؟ كله كلام ماله داعي، أول شي قلت يمكن خايرينه بالغلاف بس عشان يلفتون الإنتباه، بس طلع حتى مضمون الكتاب متعمق أكثر من الغلاف، كل اللي فهمته ان يقارن بين البنات اللي شكلهم ملتزمين بس يلعبون من تحت لي تحت والبنات اللي شكلهم متحررين بس محترمين، بعدها قعدت أفكر وأقول هل في ناس مستعده تظيع وقتها بقراية هذا الكلام!!؟
هذا من الكتب اللي اعجبتني واللي تتكلم عن كيفية استخدام الانترنت و مواقع التواصل الاجتماعي في البزنس، قريته بالطيارة في رحلة العودة من لندن إلى الكويت، فيه وايد قصص عن أشخاص استفادو من الانترنت في تسويق مشاريعهم
هالكتاب شفته بكارفور، قريت منه شوي وشكله حلو حق اللي يحبون يقرون عن العلوم والاختراعات، يتكلم عن أدوات إخترعوها و منو إخترعها وشنو قصتها، أنا قريت عن الأصنصير كاتبين أن مخترع الأصنصير أمريكي أسمه أليشا أوتيس، أساس الأصنصير كان من الفراعنة بس أليشا هذا طوره و خلاه آمن أكثر، و يعتبر الأصنصير سبب رئيسي لتطور العمران، لأن لولا وجوده جان ماسوو الأبراج و ناطحات السحاب، وقريت عن النظارة، يقولون أن قبل اللي يعدي عمرهم الـ 40 يشتكون من ضعف النظر ويخلون أحد ثاني يقرالهم الكتب، لما طلع العالم العربي أبن الهيثم ودرس النظر و انعكاساته وعرف أن الزجاج المدور أو المقعر يكبر الصورة جان يخترع المكبر، بعدين واحد أجنبي ترجم كتبه حق اللغة اللاتينية و تبنو الأجانب هالمجال لما تطور الوضع و صرنا نلبس نظارات، كتاب ممتع ومفيد حق اللي يحب هالسوالف، أتوقع ينفع لك يا كـُمـيل لول
من الكتب المفيدة جداً جداً اللي قريتها بالفترة اللي طافت هالكتاب، يتكلم عن طريقه تسويق الموقع من كذا زاوية، شلون تسوي نيوز ليتر وشلون تعلن عن موقعك في محركات البحث، وشالفرق بين الاعلان في قوقل و ياهوو، ويتكلم عن بعض الأخطاء اللي يطيحون فيها أصحاب المواقع مثل عدم تجديد محتوى الموقع لفترات طويلة و عدم متابعة إحصائيات الموقع، هالكتاب وايد وايد مفيد حق أصحاب المواقع، صراحة أهو اللي فتح عيني على التسويق الإلكتروني، للتفاصيل إضغط هنا
أشهر موقع استخباراتي على النت
مريت مكتبة جرير وشفت هالكتاب اللي يتكلم عن
الفيس بوك من ، وجهة نظر مؤلف الكتاب أن السي آي إيه
يستعملون الفيس بوك عشان يوصلون حق المعلومات اللي
يبونها عن أشخاص معينين ويقول لازم كل واحد يكون حذر
في استعمال الفيس بوك ومايحط كل صورة أو كل شي عنه
عشان لاتكون معلوماته في متناول الجميع . وجهة نظر في
ناس توافقه الراي وفي ناس ضده ، أنا اقول صح كلامه لازم
الواحد مايحط كل شي عن نفسه بالتفصيل على الانترنت
سواء بالفيس بوك أو غيره ، بس أن السي آي إيه يستعينون
بالفيس بوك عشان ياخذون معلومات عن أشخاص معينين
مادري صج ولا لا بس حتى لو صج مو مشكلة ههه طالما
أن الواحد مو حاط كل تفاصيله ولا مسوي شي غلط
امس كنت رايح مكتبة جرير اشوفلي كتاب اسلي نفسي فيه فيوم
وصلت دورتلي مكان اصفط فيه بس كالعادة ماكو مصافط ( انشالله
عاد يفتحون لهم مصافط زياده ) فقلت اصفط عند حولي بارك احسن
لي من نطرة الناس لين يطلعون , بعد ماصفطت رحت بدش المكتبه
من صوب حولي بارك جان يوقفني الامن يقولي ممنوع دخول الشباب
قلت له انزين انا بروح المكتبه ما ابي اقز داخل عندكم بس هم قالي ممنوع
اذا تبي المكتبه روحلها من الباب اللي فيه المصافط مالت المكتبه فقلت يالله
ماكو مشكله اروح هناك ولو انا واايد بعيد الباب
·
انا كنت حاط ابالي اشتري كتاب عن الويب ديزاين وزين حصلتلي
واحد ولو انا اغلب كتب الكمبيوتر الانجليزية مو موجوده يقولون انا طالبين
كتب يدد بتوصل بعد اسبوعين
المهم و انا قاعد اتطمش شفت كتاب عن الفيسبوك يعلمك شلون تكون
صداقات زينه مع الناس و شلون تستانس بالفيسبوك ههه انا بطيتها
ضحك بعد ماشفته بصراحه هه ماكو شغل ههه اتوقع اللي يبي يكون
صداقات هذا كون وخلص خصوصا انا فيسبوك بلش من 2004
و اذا تبي تستانس استانس بالحياة الصجية روح اطلع معاه مو تقعد
تلعب معاه بوكر ولا فارم فيلا ههه
.
عالعموم الكتاب هذا منزلته الدار العربيه للعلوم , ما اتذكر جم سعره لأني
ماشريته بصراحه بس شريتلي كتاب واحد عن الويب ديزاين
.
Facebook for everyone
نهاية العالم ، هذا أول كتاب مُصوَر لأحداث الساعة
أو علامات يوم القيامة في عالمنا الحاضر ، لقيته
بفيرجن مارينا ، قريت منه شوي .. طريقة شرحة
حق الأحداث حلوة والكتاب كله صور مايملل وينفع
حق اللي يحبون يقرون عن هالمجال ، سعره 3.5 دك
نهاية العالم
..في العطلة اللي طافت قريت كتاب المحفز المالي
يتكلم عن طرق التوفير و شلون تتصرف بمدخولك
وحطيت لكم بعض الفقرات اللي اعجبتني ، خصوصا
بعد ما طلعت نتايج التصويت اللي طاف واللي كان
سؤاله: جم توفرون من مصروفكم أو معاشكم؟ وكانت
أغلب إجابات المصوتين 0% ، إنشالله تفيدكم هالفقرات
المحفز المالي - كم ادخرت ؟
المحفز المالي - قم بعمل غذائك الخاص
شفت كتابين من الأدب الساخر أساميهم غريبة ، مادري
شلون يت الجرأة حق المؤلفين عشان ينشرون كتب
بهالعناوين !!! طبعا كله تسويق في تسويق ، وهذا
النوع من التسويق ذو حدين ، يا أن يصير عليه هجوم
من النقاد خصوصاً أن الكلام اللي مكتوب داخل الكتاب
كلام له علاقه بعنوان الكتاب يعني مرات نشوف عناوين
غريبه يحطها المؤلف عشان يجذب الإنتباه ولما نقره
مضمون الكتاب يكون كلام عادي ، بس هالكتابين
محتواهم له علاقه بالعناوين ، أنا قريت شويه من الكتاب
الأول وكان كلام قوي غير صالح للنشر لوول ، فيا أن
يصير عليه هجوم سلبي أو أن ينتشر و ينجح ويتكلمون
!! عنه الناس بشكل إيجابي .. مع إني ما أظن لوول
الكتاب الأول
الكتاب الثاني
Loading ...
HiKuwait.com is proudly powered by
WordPress
Entries (RSS)
and Comments (RSS).
