نرحب بالمعلن الجديد الكاتب فيصل الجاسم

الكاتب فيصل الجاسم و الشيخ دعيج الخليفة

نرحب بالمعلن الجديد الكاتب والصحفي فيصل وليد الجاسم حيث أصدر رواية ( هذه آخرتك ) وسيتم عرضها اليوم في معرض الكتاب واختار الكاتب فيصل الجاسم مدونة هاي كويت ليرحب بقراء المدونة ويلقي لهم كلمة شخصياً في يوم غد، التفاصيل غداُ.. إنتظرونا – للمزيد من التفاصيل حول رواية ( هذه آخرتك ) إضغط هنا

By | October 13th, 2010|كتب|0 Comments

الروضة ، تاريخ و شخصيات

تاريخ منطقة الروضة

أصدرت جمعية الروضة كتاب “الروضة تاريخ و شخصيات” تم إصدار الكتاب بعد ما تم تجميع الصور والمعلومات من أهالي المنطقة و إخراجها بطريقة جميلة ومنظمة تؤرخ تاريخ المنطقة وشخصياتها و أهاليها، بالإضافة إلى عقود تمليك للبيوت القديمة و صور منوعة من داخل المنطقة

عقد تمليك بمنطقة الروضة

هذا أحد العقود لبيع أرض في منطقة الروضة، وكانت الروضة تسمى بمنطقة العديلية الشرقية سابقاً

مضف أحمد المضف

وهنا مضف أحمد المضف في الصيدلية بثانوية الشويخ سنة 1960

By | August 25th, 2010|الكويت, كتب|0 Comments

كلام عننا وحاجات كده ، بلد متعلم عليها

بلد متعلم عليها

هذا الكتاب شفته بكارفور، جذبني غلاف الكتاب لان البنت اللي فيه شايله علم فيس بوك و حاطه شماغ وطريقتها جنها تدافع عن فلسطين، بس لبسها غير متناسق مع هالتوجه! لابسه بدي عليه صورة تامر حسني و جينز عليه صورة جيفارا وبلاي بوي وباكيت زقاير بمخباتها، خذيته قلت خل أقره الغلاف من وره عشان آخذ فكرة عنه

بلد متعلم عليها 2

هذا اللي كان مكتوب بالغلاف الخلفي، فتحت الكتاب بعد ماقريت الغلاف وقريت موقف مكتوب مو مال انشره هني لأن فيه كلام ماينقال، المهم أني مافهمت شنو المطلوب من هالكتاب وشنو رسالته!؟ كله كلام ماله داعي، أول شي قلت يمكن خايرينه بالغلاف بس عشان يلفتون الإنتباه، بس طلع حتى مضمون الكتاب متعمق أكثر من الغلاف، كل اللي فهمته ان يقارن بين البنات اللي شكلهم ملتزمين بس يلعبون من تحت لي تحت والبنات اللي شكلهم متحررين بس محترمين، بعدها قعدت أفكر وأقول هل في ناس مستعده تظيع وقتها بقراية هذا الكلام!!؟

By | August 19th, 2010|كتب, نقاش|0 Comments

know me, like me, follow me

know me , like me , follow me

هذا من الكتب اللي اعجبتني واللي تتكلم عن كيفية استخدام الانترنت و مواقع التواصل الاجتماعي في البزنس، قريته بالطيارة في رحلة العودة من لندن إلى الكويت، فيه وايد قصص عن أشخاص استفادو من الانترنت في تسويق مشاريعهم

By | August 1st, 2010|كتب|0 Comments

كتاب قصة إختراع

قصة إختراع

هالكتاب شفته بكارفور، قريت منه شوي وشكله حلو حق اللي يحبون يقرون عن العلوم والاختراعات، يتكلم عن أدوات إخترعوها و منو إخترعها وشنو قصتها، أنا قريت عن الأصنصير كاتبين أن مخترع الأصنصير أمريكي أسمه أليشا أوتيس، أساس الأصنصير كان من الفراعنة بس أليشا هذا طوره و خلاه آمن أكثر، و يعتبر الأصنصير سبب رئيسي لتطور العمران، لأن لولا وجوده جان ماسوو الأبراج و ناطحات السحاب، وقريت عن النظارة، يقولون أن قبل اللي يعدي عمرهم الـ 40 يشتكون من ضعف النظر ويخلون أحد ثاني يقرالهم الكتب، لما طلع العالم العربي أبن الهيثم ودرس النظر و انعكاساته وعرف أن الزجاج المدور أو المقعر يكبر الصورة جان يخترع المكبر، بعدين واحد أجنبي ترجم كتبه حق اللغة اللاتينية و تبنو الأجانب هالمجال لما تطور الوضع و صرنا نلبس نظارات، كتاب ممتع ومفيد حق اللي يحب هالسوالف، أتوقع ينفع لك يا كـُمـيل لول

By | June 20th, 2010|كتب|0 Comments

Web Marketing for Dummies

web marketing for dummies

 

من الكتب المفيدة جداً جداً اللي قريتها بالفترة اللي طافت هالكتاب، يتكلم عن طريقه تسويق الموقع من كذا زاوية، شلون تسوي نيوز ليتر وشلون تعلن عن موقعك في محركات البحث، وشالفرق بين الاعلان في قوقل و ياهوو، ويتكلم عن بعض الأخطاء اللي يطيحون فيها أصحاب المواقع مثل عدم تجديد محتوى الموقع لفترات طويلة و عدم متابعة إحصائيات الموقع، هالكتاب وايد وايد مفيد حق أصحاب المواقع، صراحة أهو اللي فتح عيني على التسويق الإلكتروني، للتفاصيل إضغط هنا

By | May 2nd, 2010|تسويق, كتب|0 Comments

أشهر موقع استخباراتي على الانترنت

أشهر موقع استخباراتي على النت

أشهر موقع استخباراتي على النت

مريت مكتبة جرير وشفت هالكتاب اللي يتكلم عن

الفيس بوك من ، وجهة نظر مؤلف الكتاب أن السي آي إيه

يستعملون الفيس بوك عشان يوصلون حق المعلومات اللي

يبونها عن أشخاص معينين ويقول لازم كل واحد يكون حذر

في استعمال الفيس بوك ومايحط كل صورة أو كل شي عنه

عشان لاتكون معلوماته في متناول الجميع . وجهة نظر في

ناس توافقه الراي وفي ناس ضده ، أنا اقول صح كلامه لازم

الواحد مايحط كل شي عن نفسه بالتفصيل على الانترنت

سواء بالفيس بوك أو غيره ، بس أن السي آي إيه يستعينون

بالفيس بوك عشان ياخذون معلومات عن أشخاص معينين

مادري صج ولا لا بس حتى لو صج مو مشكلة ههه طالما

أن الواحد مو حاط كل تفاصيله ولا مسوي شي غلط

By | March 26th, 2010|كتب|0 Comments