يمكن ترجمة الفييدباك بـ “ردة فعل العميل” أو “تجربة الزبون” وهي من أهم الأمور المهمة في تطوير المنتج أو الخدمة لشركة معينة، مانشوف هالشي إلا بالمطاعم، ليش مانشوفه بمجالات ثانية؟ كل مشروع يحتاج الفييدباك من عملاءة أو زباينه، مثلا صاحب المصبغة لازم يسأل زباينه عن جودة الغسيل والكوي ومدة وصول الملابس للبيت إذا كان يوصل، أو محل الأثاث لازم يعرفون إذا كان الأثاث مناسب مع ذوق الزباين وهل خدمة التوصيل والتركيب مناسبة ولا بطيئين و التركيب مو مضبوط؟ المهم آخر مرة تعشيت بواحد من المطاعم ولما خلصت كنت مستعيل بدفع الحساب وبمشي، ولما عطوني الفاتورة كانو معطيني ورقة الأسئلة ( الفييد باك ) فقلت اوكي خل أحل الأسئلة عشان يستفيدون، ييت بكتب ولا ماكو قلم لول، قلت خلاص مستعيل ماني طالب منهم قلم، جان أقوم وأمشي، الخلاصة أن تجربة العميل مهمة لك كصاحب مشروع سواء كانت التجربة إيجابية أو سلبية ولازم تهيئ لهم الأدوات المناسبة للإجابة على أسئلة الفييدباك، مثل القلم و الورقة اذا كان مطعم، واذا كان موقع على النت تحاول تطلب من زباينك الفييدباك عن طريق إرسال أسئلة الفييدباك بالإيميل ويكون الايميل شغال مو واحد يطلب من زباينه أن يدزون له الشكاوي والاستفسارات على الايميل الفلاني ولما يدزون استفساراتهم يكون الايميل غلط أو توصل الايميلات بس محد يجيك عليهم لول وايد تصير هاذي