Archive for the ‘Discussion’ Category
Monday, May 21st, 2012

تكمل إحداهن مسلسل سب الذات الإلهية في تويتر خلال الأيام الماضية تحت أسم (فاطمة الجهراء) وأخيراً تحرك بعض المحاميين للشكوى ضدها للتعدي على الذات الإلهية وإليكم الخبر من جريدة الراي
——————-
قدم امس المحامي عبدالمحسن القطان بصفته، والمحامون محمد العجمي وفهد المنير واحمد القبندي، بشكوى الى النائب العام، ضد مغردة عبر موقع التواصل الالكتروني «تويتر» على خلفية سب الذات الآلهية، وسب النبي صلى الله عليه وسلم وآل بيته الكرام، وتدنيس القرآن الكريم وتسفيه ما جاء به.
وذكر القطان في الشكوى أن صفحة ظهرت في الآونة الأخيرة على صفحة تويتر في شبكة الانترنت، باسم المدعوة «فاطمة الجهراء» وذلك تحت عنوان (حملة اختبار قدرة الله، الغاء عقوبة الإعدام)، ودأبت صاحبة الصفحة المذكورة على التعرض للذات الإلهية بأحط الألفاظ، وأقذر الكلمات وكذلك التعرض للنبي الكريم وآل بيته الأطهار، وكذلك التعرض للقرآن الكريم والاستهزاء به وتدنيسه، فالمشكو في حقها المذكورة، تقود حملة لهدم ثوابت الدين وثوابت المجتمع ومحاربة المولى تبارك وتعالى، والاستهزاء بكتابه العزيز وتحقير نبيه صلى الله عليه وسلم وآله الكرام.
وجاء في الشكوى ان المشكو في حقها أوردت على صفحتها في تويتر، ما يثبت ارتدادها وكفرها وإلحادها، وخروجها عن كل مبادئ القيم والاخلاق وليس الدين فقط، وانه حق علينا على كل من في قلبه ذرة من أيمان، أن يحارب هذه المارقة، وأن يساعد على اجتثاثها من جذورها العفنة.
والتمست الشكوى باتخاذ الاجراءات القانونية للتوصل لصاحبة الصفحة المذكورة المدعوة (فاطمة الجهراء) على «تويتر»، وذلك تمهيداً لاتخاذ الاجراءات القانونية ضدها.
——————-
أتمنى فعلاً وضع حد لهذه التصرفات الغير مسؤولة
المصدر
Tags: alraimedia, احمد القبندي, جريدة الراي, عبدالمحسن القطان, فاطمة الجهراء, فهد المنير, محمد العجمي
Posted in Discussion | No Comments »
Wednesday, May 16th, 2012

قررت أجرب موقع طلبات بعد ما حترت من وين أطلب فقلت أتصفح الموقع وأكسر الروتين شوي، وشفت أن طلبات عندهم إيجابية وسلبية
بالنسبة للإيجابية: عجبتني سرعة عملية الطلب بالموقع، كنت خايف أني أكون ناسي اليوزر والباسوورد لكن بعد ما اخترت المطعم طلعلي خيارين، يا أني أدش باليوزر مالي أو أشتري بدون اليوزر وأحط عنواني وبياناتي من أول، وطبعاً حطيت بياناتي من أول لأن مالي خلق أتذكر اليوزر والباسوورد وهالشي خله الطلب يكون وايد أسرع
وبعد ماطلبت طلعت لي هالصفحة (اللي فوق بالصورة) تقولي أن الطلب يبيله من 45 إلى ساعة عشان يوصل! قلت جنه وايد والمطعم بالمنطقة اللي يمي! يالله طاف شكله سستم مبرمج على هالوقت
وهني تبدي السلبية: بعدها بدقيقة دقو علي طلبات عشان يتأكدون من الطلبية، حلو.. من حقهم عشان لحد يلعب عليهم، وبعد أنا مو داش من اليوزر، أتوقع لو أدش عاليوزر مالي ماراح يدقون، المهم تأكدو من الطلبية وبعدها بدقيقة دقو علي طلبات مرة ثانية يقولون لي أن الطلب بياخذ من ساعة ونص إلى ساعتين!! قلت له ليش شدعوة!!؟ والمطعم يمي! قالي لأن زحمة واحتمال يتأخر! قلت له أوكي ماشي، وبعد دقيقة دقو طلبات مرة ثالثة وقالولي تره الطلب بيتأخر من ساعة ونص إلى ساعتين! قلت لهم توكم داقين وبلغتوني من قبل!! قالو آسفين ماعليه بالغلط! و وصلني الطلب بعد ساعة وربع والأكل بااارد ماينوكل، فهل طلبات يتأخرون بتبليغ المطعم بالطلبية؟ أو مطعم هيلث ستوب بطيء في تسليم الطلبات
Tags: 6alabat, health stop, restauranat, طلبات, مطاعم, مطعم, هيلث ستوب
Posted in Discussion | 8 Comments »
Monday, April 30th, 2012

استغرب من بعض الجهات اللي تحط معطر الجو في اتجاه الراس! يعني مثلاً تكرمون بصورة الحمام اللي فوق لما الواحد يغسل ايده يتفاجأ بالجهاز يرش العطر على راسه هههه! دقه بايخه، ومرات يكون هالجهاز موجود بالأصنصير بعد، تخيلو شلون بيكون شكل الناس داخل الاصنصير لما ينفخ بويههم!؟ الشخص اللي يحط هالجهاز بهالأماكن مادري شلون يتخذ قراراته، هالمواد الكيمائية ممكن تضر البشره أو الشعر أو العين
Tags: toilet, wc, حمام, معطر الجو
Posted in Discussion | No Comments »
Monday, April 30th, 2012


بعد كل مباراة للفرق العالمية يبدي عاد المشهد المعتاد بين الشباب، الفريق الفايز يضغط الخسران بالكلام أو بالتويتات أو بالمسجات.. إلخ، وهذا شي عادي لكن لما الواحد يكون متعصب ويخسر فريقه ويعفس يومه فوق تحت ومايكلم أهله ولا ربعه هني المشكلة!! شدعوة يبه الرياضة مثل التجارة ربح وخسارة، شلون تقول أنك رياضي وماتتقبل الخسارة؟
قبل جم يوم بعد مباراة مدريد وبرشا، واحد من الربع قالي سالفته مع صاحبه اللي معاه بالدوام وشلون كان متصعب وماتقبل الخساره، يقول بعد ماخسر فريقه ماقام يكلمنا، قلنا أوكي عادي باجر يطخ وينسى، وصار باجر ولا الحبيب مو مداوم بسبة خسارة فريقه!!! معقولة في ناس متعصبين لي هالدرجة!؟
في النهاية أحب أذكركم تره أنا مالي علاقة بالكرة وما أميل لفريق معين، بس في بعض الشباب المتعصبين إذا خسروا يصير هالموضوع هم على راسه ومايقدر يشوف ربعه ولا يداوم ولا يقعد مع أهله.. خلونا نهدي ونخلي روحنا رياضية والحياة حلوة جداً.. صباحكم عسل
Tags: barcelona, Intolerance, real madrid, برشا, برشلونه, تعصب, ريال مدريد, مدريد
Posted in Discussion | No Comments »
Saturday, April 28th, 2012

كنت صافط بمواقف إحدى الجمعيات التعاونية، ولاحظت البنت بالسيارة اللي يمي تنزل الدريشة وتقط كلينكس، اوكي هالمشهد كل يوم نشوفه تقريباً وعطيته طاف، بعدها نزل الريال اللي معاها ومعاه قوطي بيبسي، اول مانزل حذف القوطي عالأرض، أكرر “حذف” القوطي بعيد ما حطه الأرض وبس!! مع العلم أن تكرمون كان في زبالة يمه، استغرب هذا التصرف من رجل بالأربعينات من عمره
Tags: اربعيني, بيبسي, جمعية, كلينكس
Posted in Discussion | 3 Comments »