حصريا: تغطية داخلية لبرنامج بلنتي باستضافة المعلق فهد العتيبي

استضافه المعلق فهد العتيبي في برنامج بلنتي على مارينا اف ام

تلقيت دعوة لحضور برنامج بلنتي على مارينا أف أم من الأخ عبدالله رياض عن طريق الأخ أحمد من فريق الإعداد ، وكانو مستضيفين المعلق المتألق فهد العتيبي ، اللي تكلم عن مشواره في مجال التعليق ويقول أن أول مابلش طلب من المسؤولين أن يعلق على أي مباراة بس ماوافقو وبعدين سجل لهم تعليقه على الموبايل وسمعهم التسجيل وبعدها وافقو وعطوه تعليق مباراة على الهوا هههه والله عجبتني طريقته الريال يبي يعلق وكسر كل الحواجز اللي جدامه

مايك مبلتع في برنامج بلنتي

المبدع مايك مبلتع مقدم برنامج بلنتي على مارينا أف أم مع الجلاهمة والعتيبي

 

وهذا فيديو من داخل أستيديو مارينا أف أم

 

وأشكر الأخ أحمد من فريق الإعداد على الدعوة والترحيب

By | April 23rd, 2010|حصري, رياضة|0 Comments

حصرياً: إطفاء أنوار أبراج الكويت في ساعة الأرض

طلعت مع ربعي أمس الساعة 8:10 م وكنا نبي نتمشى ماكو مكان

معين حاطينه ابالنا ، جان أقولهم خنروح نشوف أبراج الكويت لما يطفون

ليتاتها ، كان باقي 20 دقيقة وتصير 8:30 جان نطييير حق الأبراج ، كنا

بنتأخر من كثر الإشارات ، وصلنا هناك الساعة 8:26 جان نحط الكاميرا

وندق على 113 رقم الساعة عشان نتأكد من الوقت بالضبط ، ولحسن

😀 الحظ حصلنا هاللقطة اللي تصير مرة وحدة بالسنة

By | March 28th, 2010|حصري|0 Comments

بكاء مذيع سكوب على جمال و عبيد 2

مثل ما وعدتكم هذا مقطع واضح من مقابلة سعود الورع حق جمال وعبيد

🙁 والله يعورون القلب ، الحمدلله أنهم رجعو حق أمهم وصار اللي يبونه

By | March 11th, 2010|الكويت, حصري|0 Comments

بكاء مذيع سكوب على جمال وعبيد

 

سعود الورع مذيع قناة سكوب قابل 2 شباب معاقين ذهنياً أهلهم منفصلين وكانو

ساكنين مع أبوهم و مرت أبوهم كانت تعذبهم وتخليهم ينظفون الحمامات وماتعطيهم

فرصة عشان يستانسون حالهم حال أي شباب بعمرهم ، ومن كثر الظلم اللي أهما

فيه طلعو من بيت أبوهم وسكنو مع واحد من ربعهم ، وبعد فترة طلعو من سكن

صاحبهم و مالقو مكان ينامون فيه ولما عرف المذيع قصتهم أنفجر من البجي على

الهوا و ماقصرو أهل الكويت قامو يدقون على البرنامج و كل شخص كان يحاول أن

يتبرع لهم بمبلغ مادي أو سكن خاص فيهم .. و لما درو جيران أبوهم أن هالشباب

على الهوا دقو على البرنامج وشرحو شلون كان أبوهم يظلمهم وكانو الجيران يكلمونه

بس كان الأبو يقولهم مالكم شغل هذيل عيالي لا تتدخلون !!! وأمهم متزوجه وماتدري

عنهم ، صارلها 6 سنين مو شايفتهم .. بعد فترة دقت الأم وقالت لهم أنتو وينكم أبيكم

وبييكم الحين باخذكم !! بعد كل هالسنين تسأل عنهم ؟ والمذيع يقولها يعني لازم

يطلعون على الهوا عشان تسألين عنهم ؟ والله قضية تعاطف لها كل إنسان عنده قلب

وصارت قضية رأي عام وتبنى القضية محامي قناة سكوب ، وماقصر المذيع سعود

الورع اللي قاعد يحاول يساعد هالمساكين ، كله في ميزان حسناتك يا سعود .. أخليكم

مع مقطع من المقابلة مع أن مو واضح وايد بس ماعليه إنشالله بحصل المقابلة واضحة

وأحطها لكم هني .. انشالله ياخذون حقهم ويعيشون بأمان حالهم حال باجي الناس

 

مع أن الكويت و دول الخليج كلهم كانو متعاطفين معاهم لأن وضعهم جداً صعب

بس بنفس الوقت هالمقابلة كشفت عن شي حلو .. كشفت عن طيبة أهل الكويت

و وقفتهم حق المحتاجين ، في ناس قامت تدعي لهم وناس تتبرع لهم بفلوس

حتى في ولد صغير دق على البرنامج وقالهم انا اتبرع لكم بلاب توبين حق جمال

و عبيد ، شي يفرح صراحة و يأكد على أن الدنيا بخير و عيال الحلال تارسين الديرة

 

تحديث: لمشاهدة المقطع الثاني من المقابلة إضغط هنا

By | March 9th, 2010|الكويت, حصري|0 Comments

تحية لكم من المؤلفين في معرض الكتاب

قابلت الكاتب خالد النصر الله و الكاتب محمد النشمي في معرض الكتاب

وعطوني فكرة عن آخر إصداراتهم من القصص ، طبعا الكاتب خالد النصرالله

غني عن التعريف وله كتب وقصص كثيرة منها ( كويتي من كوكب آخر، التجربة

الأنجليزية ، يوم الحدث ، هرطقة ، الحقيقة لا تقال) وما ننسى الكاتب محمد

، النشمي أصغر كاتب خليجي و من إصداراته ( أعداء الشمس ، كيد اليافعات

Hikuwait.com بنات الثانوية ، أهل الأرض ) و حبو يوجهون تحية  لزوار  موقع

 

By | October 29th, 2009|حصري, كتب, مقابلات|0 Comments

تصوير مركز الفنطاس – البيرق

تصوير فيديو لمركز الفنطاس – البيرق –  قبل الإفتتاح بس للأسف الكاميرا مو ثابته

By | October 29th, 2009|تقييم, حصري|0 Comments

مركز الفنطاس – البيرق

مركز الفنطاس ، مجمع تجاري بالعقيلة قطعة 2 راح يفتح  المجمع

بتاريخ 31/10/2009 وهذا المجمع من داخل ، إضغط على الصورة للتكبير

By | October 28th, 2009|تقييم, حصري|0 Comments