Wash Time تجربة غسيل السيارات

wash time - car wash - pamper your ride (12)مشاركة من الصديق عبدالعزيز العوضي بموضوع غسيل السيارات، ويقول عبدالعزيز:

اليوم قررت اغسل سيارتي الهوندا (موديل ٢٠٠٦) اللي استعملها يومياً وما غسلتها من فترة طويلة، سمعت عن وايد مشاريع غسيل سيارات طالعة، قلت خل ادق عليهم واشوف شغلهم

والحمدلله توفقت باختياري حق شركة (واش تايم) بعد ما سمعت عنها وايد، وأساساً ما كنت ابي اطلع بهاليوم، دقيت عليهم وشفت عروضهم واسعارهم. وأخذت الخدمة الثانية.. قالولي سعرها 19.500 دينار وتطول 3 ساعات تقريبا، طبعا السعر والوقت يعتمد على حجم السيارة.. اول شي شفت السعر عالي، شدعوة غسيل بـ 20 دك ؟ بس قلت يالله اجرب

 اخذت كاميرتي قبل ما يوصلون وصورت السيارة من الداخل ومن برة، وخاصة الأماكن المستعصية اللي صارلي فوق السنة أحاول أنظفها لكن مو قادر

أول ما وصلوا بسيارتهم، كانت مجهزة بكل شي، حتى ماي فيها.. بس احتاجوا مكان لسيارتهم وتوصيل كهربا…

 الحلو بالشركة انهم يستخدمون مواد خاصة لكل شغلة وعندهم مواد مو موجودة بالكويت، وما يحطلك صابون عادي مثل باجي الشركات.. وفوط تنظيف البدي خاصة للبدي ومصنوعة من خام خاص، وفرش تنظيف التواير وموادها غير، وأدوات التنظيف الداخلية غير

wash time - car wash - pamper your ride (11)الكشن كان منصب عليه شيرة كنافة، ويعطيهم العافية شالوه..

wash time - car wash - pamper your ride (10)

الارضية كان عليها دهن سيكان قديم، ورحت كذا محطة غسيل بشارع كندا دراي وما شالوه..

wash time - car wash - pamper your ride (9)

الدواسة كانت سودة من كثر الاستهلاك..

wash time - car wash - pamper your ride (8)

صوب الباب الامامي كان فيه علج! وهذا الشي صج كان مسبب لي ازمة.. والحمدلله شالوه

wash time - car wash - pamper your ride (7)

مسكات البطول نظفوها مع الفتحات اللي بين القير…

wash time - car wash - pamper your ride (6)

وللاسف ما صورت صورة للمكينة قبل، ما توقعت بينظفونها، وحتى السبير وبين فتحات التكييف، ونظفولي الدبة وتحت الدبة مكان السبير، بصراحة سووا اكثر من ما كنت اتوقع.. والسعر وايد مناسب عالشغل اللي سووه، وانصح الكل يسوي هالنوع من انواع الغسيل عالاقل مرة كل ٦ شهور…

انا مو قاعد اسويلهم دعاية بس للأمانة شغلهم يستاهل الواحد يكتب عنه..

وهذا شعارهم وأرقام تلفوناتهم والواتساب

 وهذي بعض الصور

wash time - car wash - pamper your ride (2)

wash time - car wash - pamper your ride (3)

wash time - car wash - pamper your ride (5)

wash time - car wash - pamper your ride (4)

كل الشكر للصديق عبدالعزيز خالد العوضي على هذه المشاركة

By | May 13th, 2013|مدهش|2 Comments

مجلة الزواحف العدد السادس

reptiles6

تم اصدار العدد السادس من مجلة الزواحف الكويتية ، وهي مجلة الكترونية بصدر بشكل دوري، ما أثار انتباهي بهذا العدد هو وجود شرح للسرعوف، وهي حشرة مثلثة الرأس تشبه الجرادة وتعيش في المناطق الحارة، لمعرفة المزيد يرجى تحميل المجلة من الرابط التالي

مجلة الزواحف العدد السادس

By | May 12th, 2013|مدهش|0 Comments

ملاعب البلاجات الجديدة

20130428-141058.jpg

يتم انشاء ملاعب رياضية جديدة على شاطئ البلاجات بجانب مطعم الصنوبر، ويوجد حاليا ملعبين لكرة القدم و ملعب لكرة الطائرة، فكرة أكثر من رائعة لانشاء هذه الملاعب فقد مللنا من المطاعم والمباني الجديدة المطلة على البحر مباشرة والتي تمنع مرتادي البحر من الاستمتاع به، اتوقع ان يمون شاطئ البلاجات من الشواطئ الحيوية بعد الانتهاء من هذه الملاعب

20130428-141114.jpg

20130428-141127.jpg

20130428-141141.jpg

20130428-141152.jpg

By | April 28th, 2013|رياضة, مدهش|3 Comments

مهارات كروية في مارينا كريسينت

سيتم عرض بطولة للمارات الكروية في مارينا كريسينت يوم غد من الساعة 11:00 إلى 5:00 ولأخذ فكرة عن البطولة يرجى مشاهدة الفيديو أعلاه للفنانة لورا ، أول مرة أشوف بنت تلعب لعب بالكرة!!! انا زين أشوت الكرة لول

وهذا أندوريو فنان بالحركات الكروية ، راح يتنافسون أهو و لورا لتحقيق رقم قياسي كروي جديد للتفنن بالكرة في مارينا تاريخ 20/4/2013 من الساعة 11:00 إلى 5:00 ، شكلة ايفنت ممتع برعاية زين .. انشالله أقدر أكون متواجد هناك

By | April 18th, 2013|أحداث, مدهش|0 Comments

انذار بالافينيوز


جاكوار تطلق صافرة الانذار في الافينيوز صباح اليوم لمدة 30 ثانية تقريبا، جيد انها لم تستمر طويلا

By | March 30th, 2013|مدهش|0 Comments

تأمل الطبيعة بعمل سيد الهاشمي


فيديو رائع من اعداد الاخ سيد حسين الهاشمي الذي قام بتصوير هذه المشاهد الطبيعية والعمل عليها لتظهر بهذا الشكل الذي يدعو إلى التأمل

By | March 29th, 2013|مدهش|0 Comments

جربت تنحت الرمل ؟

تواعدنا أنا و الزميل يوسف الصايغ صاحب مدونة المباركية عشان نروح دورة النحت على الرمل من تنظيم موقع دورات و كان مكان ورشة العمل في قرية كويتي وافتخر، وصلنا وبعد مقدمة بسيطة عن النحت بلشنا نخلط الرمل مع الماي ونحطه بتب كبير لما صار شكل اسطوانه كبيرة وفوقها اسطوانة صغيرة وهالمرحلة كانت سهالات .. بعدها تيي مرحلة النحت وشوفو شنو طلع معانا

 

 

حاولنا نسوي قلعة صغيرة على قدنا .. البوابة معوقة ماعليه

 المنارة مضبوطة اكثر شغل المباركية

 نضبط الدري

 هذا الدري كنت مسويه وبعدين ياني الاستاذ اللي يعلمنا وضبطه لي .. الجزء الايمن قبل التعديل والايسر بعد التعديل .. ماشالله عليه فنان ، كانت دورة سريعة مدتها ساعه وممتعة جدا .. واللي مسجلين معانا من مختلف الاعمار ، من عمر 15 تقريبا لي 50 سنة ماشالله عليهم ، الدورة مازالت مفتوحة كل يوم فترتين عصر وليل ، سعرها 10 دك

 

 

By | March 13th, 2013|مدهش, معارض ومؤتمرات|0 Comments