اليوم الثاني في مؤتمر التسويق الإلكتروني و مواقع التواصل الإجتماعي، أول ماقعدت ولا يعرضون صور حق مواقع التواصل الإجتماعي مثل البلوقات و الفيس بوك و يوتيوب على ما أيوون كل المشتركين في المؤتمر، كنت متحمس ومستعد لتسجيل أي معلومة يديدة بالنوته اللي عندي
هذا بول ليمبرج اللي تكلم عن كيفية مضاعفة أرباحك في البزنس بغض النظر عن المشروع اللي عندك، وتكلم عن كيفية عمل عروض ترويجية و شلون ترجعون الزباين اللي خسرتوهم، وحده من طرق مضاعفه الأرباح اللي تكلم عنها يقول زيد سعر البضاعة اللي عندك شوي 5% تقريبا و عط الزباين كفالة على بضاعتك، جذي مو قاعد تصرف وايد بس قاعد تربح وايد لأن أغلب الناس يبون كفالة بس مو كلهم يستخدمونها، و بعد طريقة ثانية يقول تقدر تزيد أرباحك عن طريق إضافة إكسسوارات على بضاعتك وتسأل الزبون إذا يبي هالإكسسوارات حق البضاعه اللي شراها، مثلا واحد شره منك تلفزيون تقوله مثلا عندنا عرض إذا خذيت التلفزيون مع سماعات يطلع عليك أرخص من شراء السماعات بوقت ثاني بعدين، أشترهم أثنينهم الحين وأستفيد من العرض، اوكي قاعد أحاول أتذكر شغلات بعد ممم أي نفس المطاعم مثلا لما نطلب وجبة و يسألونا إذا نبي سلطة أو كيكة أو برد، هالإضافات مو قاعده تكلف المطعم وايد بس هالمطعم قاعد يزيد أرباحه لما مجموعة من الزباين توافق على العرض وتطلب السلطة أو أي شي ثاني
بالبريك قعدت مع أخوي باسل العثمان ( بالصورة عاليسار ) وقعدنا نسولف عن المواضيع اللي تكلمو عنها بالمؤتمر جان ينضم لنا خالد الزنكي و قعدنا نسولف عن الإنترنت و مواضيع مختلفة، مع السوالف طلع الزنكي ساكن بنفس الفندق اللي سكنت فيه ( هوليداي إن ) بعدين عرفت أن طيارته نفس طيارتي لول فلما خلصنا من المؤتمر وصلنا أخوي باسل المطار كلنا، وبالمطار على طول رحنا حق المطاعم كنا يواعه، لأن المؤتمر بريكاته قليله وكل بريك مدته 15 دقيقه تقريبا مايمدي الواحد ياكل، المهم قعدنا أنا والزنكي بمطعم وسولفنا عن التسويق الإلكتروني جان أكلمه عن مشروعي ( أصحاب الأفكار ) و مع السوالف قالي أن بيساعدني و بيعطيني محتوى جيد حق الموقع بس يبيله وقت شوي، في النهاية بس حبيت أشكر أخوي فيصل أبا الخيل اللي ساعدني بالتسجيل في المؤتمر و أخوي باسل العثمان هالأثنين والله ماقصرو قعدو معاي طول هاليومين ماحسسوني أني مسافر بروحي لول، وأشكر أستاذي خالد الزنكي على روحه الطيبه و إهتمامه بالشباب
ماكدونالدز أمريكا و كندا تسحب 12 مليون قلاص من قلاصات شخصيات فلم شريك لإحتوائها على مادة الكادميوم المسببة لهشاشة العضام ، ياترى هل يسحبونهم من الدول العربية بعد؟ – المصدر
سمعنا مناقشات و حوارات وايد عن تسمية الخليج العربي بالخليج الفارسي، إيران تطالب بتسمية الخليج العربي بالخليج الفارسي، و اهو من سنييين أسمه الخليج العربي، شمعنى الحين يطلبون تغيير الأسم !؟ وحتى البلايز قامو يحطون عليها صورة الخليج العربي وكاتبين عليها الخليج الفارسي !! على العموم اكو تصويت على تسمية الخليج، يا عربي أو فارسي واغلب الأصوات حق الخليج الفارسي، صوتو حق الخليج العربي اللي درسونا اياه من سنين، اضغط هنا للتصويت
مدونة أسامة الرمح فازت بالمركز الأول عالميا في مسابقة المدونات في ( دوتشيه فيليه ) – إضغط هنا لقراءة المقالة – بالمقالة كاتبين عنوان المدونة غلط - إضغط هنا لزيارة الموقع الصحيح لمدونة أسامة الرمح
باجر حملة مقاطعة الموقعين، اللي يشوف المشاركة صعبة خل يخفف من نشاطاته بهالموقعين
شنو فايدة المقاطعة؟
في شركات تدفع حق هالمواقع عشان يحطون اعلانات مقابل كل ظهور حق الإعلان، والإعلان يطلع كل مره نزور فيها الموقع، مثلا في موقع يوتيوب كل مانشوف فيديو نلقا إعلان عاليمين، كل مانشوف فيديو يديد يتغير الإعلان و موقع يوتيوب يربح مبلغ بسيط مقابل كل ظهور حق هالإعلان، و لما نزور هالمواقع يزيد عدد تصفحها ويزيد عدد ظهور الإعلانات فيها، لما يقاطعونها مجموعة كبيرة من مستخدمي الإنترنت راح يقل عدد تصفح هالمواقع ويقل عدد الإعلانات اللي تطلع فيها ويقل عدد إيرادات الموقع، والقرار لكم
بدأت القوات الروسية استعدادتها الفعلية لصد هجوم محتمل من الفضاء، دون أن يتضح على الفور طبيعة أو مصدر هذا الهجوم، حيث أكد مسؤول في قوات “الدفاع الفضائي” الروسية، إن هناك تهديدات محتملة تستهدف العاصمة موسكو – للمزيد إضغط هنا
قريت هذا الخبر في مدونة فرانكوم، وذكرني بسلسلة القادمون ( الفلم الوثائقي اللي يتكلم عن النظام العالمي الجديد ) وقالو فيه أن سالفة الهجوم الفضائي كلها مرتبه من زمان ويستهدفون فيها روسيا بالدرجة الأولى شوفو الفيديو 4:20 و 4:46
