المسلسل الخليجي الجديد “أكون أو لا” يعرض حالياً على شاشة أم بي سي 1 الساعة 11:00 مساءً، أمس كانت الحلقة الأولى وخل أعرفكم على بعض شخصيات المسلسل حق اللي وده يتابعة، أولاً باسمة حمادة تمثل دور أم بدون عندها ولدين (خالد أمين و حمد العماني) وبنت وعايشين على قد حالهم

خالد أمين ولد باسمة حمادة الكبير، شخصية صايعة وضايعة ومستهترة وهالشي يبين من الشنب لول، وأمه كلا مدلعته و واقفه معاه، وأعتقد أبوهم متوفي

بثينة الرئيسي بنت خالتهم، يتوفى أبوها من المرض وتروح تسكن عند خالتها باسمة حمادة لأن ماعنده أحد ثاني تقعد معاه

هذا الشيخ نسيت شسمه، هالشخصية كانت صايعة وضايعة بس يلتزم ويصير شيخ فجأة ويصلي فيهم، وكانوا يتطنزون عليه لكن من بعد ما صلى صلاة الإستسقاء ونزل المطر بالصيف قاموا يحترمونه ويسمعون كلامه

هذيل ربع المتوفي (أبو بثينة) اللي عاليمين دوره طيب ويقول حق أهل الديرة اللي يطالب المتوفي أهو مستعد يسدد ديونه، واللي عاليسار ملقوف و مو مصدق سالفة اللي صار شيخ فجأة ويحاول يثبت أنه مو ملتزم لله

هذا مشهد من المسلسل، شكله حلو ونشوف أحداثه مع الأيام