سيدة البيت، مسلسل إجتماعي يعرض على قناة أم بي سي1 الساعة 11:00 م من بطولة سيدة الشاشة الخليجية وسيدة البيت بهذا المسلسل الفنانة حياة الفهد وأحمد السلمان بالإضافة لنجوم عدة مثل أحمد الصالح، زهرة الخرجي، مشاري البلام، وغيرهم الكثير

تدور أحداث المسلسل عن إمرأة متسلطة أو مثل مانقول “نسرة” تمشي البيت كله على كيفها سواء كان الحق معاها أو لا، وبهالمعاملة الجافة تهاجر بنتها الأولى لأنها تزوجت واحد مغصوبة عليه حق مصالح العايلة ودايماً يعاملها بشكل متعب، والبنت الثانية (زهرة الخرجي) تنطرد من البيت لأنها تزوجت واحد أمها مو موافقة عليه وتعيش في بيت ثاني بروحها وعيالها يكبرون معاها ويعيشون بفقر ومايدرون أن يدتهم غنية وعندها خير، وأخو البنات المطرودين أهو الطيب اللي يسمع كلام أمه ويحاول يحل كل مشكلة تصير

كل هذا بصوب و (عمهم) أحمد السلمان بصوب، بعد ما تطرده سيدة البيت من شركتهم لأنه يلعب من تحت لي تحت يروح ويفتح له شركة ثانية وينافسهم علشان يسترد كرامته، ويحاول يتقرب من عيال سيدة البيت علشان يوقفون معاه ضدها

المسلسل حلو وحياة الفهد ضابطة دورها وحسستني بأكثر من مشهد أنها متسلطة وكرهت شخصيتها بالمسلسل وهذا المطلوب من هالدور

هذا أحد المشاهد القوية في المسلسل، حياة الفهد تشتري البيت اللي قاعدة فيه بنتها (زهرة الخرجي) وبعد ماتشتريه تروح تطردهم من البيت شوفو الدقيقة 18:30