Tiger تقييم فلم سلمان خان

 

فلم (تايجر) للفنان الهندي سلمان خان من آخر الأفلام اللي شفتها والمعروضة في السينما الكويتية، قصة الفلم عن عميل للإستخبارات الهندية مكرس نفسه حق شغله كعميل ويحب شغله ومتفرغ له، وفي أحد المهام اللي يكلفونها له كعميل يتعرف على بنت بالصدفة ويحبها وبس ماقدر أقول أكثر عشان لا أحرق عليكم الفلم، عاد بعد مايشوف البنت تبدي الأحداث، الفلم حلو وطبعا لا يخلو من التشلخ الهندي لكن الإخراج حلو والقصة يمكن تكون سياسية شوي لأن الفلم يدعو للسلام بين الهند وباكستان

هاذي أحلى غنية من أغاني الفلم، وأقيم الفلم بنسبة 85% بشكل عام

By | August 23rd, 2012|أفلام|1 Comment

تقييم فلم تيتة رهيبة

http://www.youtube.com/watch?v=EJag8KXlLE0&feature=youtube_gdata_player
شفت فلم تيتة رهيبة اللي نزل بالعيد ومازال يعرض بالسينما للفنان محمد هنيدي، قصة الفلم عن شاب تتحكم فيه جدته وتتخذ قرارات بدالة وماتعطيه فرصة عشان يتخذ قراراته الخاصة حتى بعد الزواج، وهالشي يخلي الولد بحالة نفسية سيئة.. تقييمي للفلم بشكل عام 35% للاسف خاب توقعاتي

By | August 23rd, 2012|أفلام|1 Comment

تقييم فلم Brave


اول يوم عيد رحت فلم (بريف) وقصته حلوه عن ملك وملكة عندهم بنت، والملكة تحاول تربي البنت وتعلمها على حياة الملوك مثل طريقة الأكل والكلام وغيرها من هالأمور، والبنت شيطانة وماتبي هالعيشة، لين ايي يوم يغصبونها على الزواج وتسوي المستحيل عشان ماتتزوج، وتبدي أحداث الفلم ورسالته ان العيال لهم راي ولازم أولياء الأمور يحترمون رايهم ومايجبرونهم على قراراتهم الخاصة، وتقييمي للفلم بشكل عام 85% و روحوله ثري دي وايد احلى

By | August 21st, 2012|أفلام|2 Comments

بعض أفلام عيد الفطر بالسينما

http://www.youtube.com/watch?v=wM3m3BoMGDs

Interview with a Hitman

Ek Tha Tiger

The Dark Knight Rises

By | August 13th, 2012|أفلام|0 Comments

Review: the amazing spider man

أمس شفت فلم سبايدر مان وقصته المعروفة ماتغيرت وايد أن طالب جامعي يتعرض لقرصة من عنكبوت ويصير هالطالب قوي ويصنع شخصية سبايدر مان، بشكل عام الفلم ممتع والإخراج حلو وكنت رايح له ثري دي لكن ما أنصح تشوفونه ثري دي لأن مع النظارة اللي تلبسونها راح تحسون أن شاشة السينما مظلمة وناقصها ليت أكثر، والحركات اللي تبين مع نظارة الثري دي مو وايد وكلش ماتستاهل، نرجع حق الفلم .. تقييمي له 9/10

By | July 9th, 2012|أفلام|2 Comments

تقييم فلم فروزن

قبل يومين شفت فلم فروزن، وقصته عن 2 شباب و بنت يروحون يتزلجون ومايبون يشترون تذاكر فيزرقون بطريقة معينة، بعدها يقعدون بالتيليفريك بالليل على بو أنهم بياخذون آخر جولة، وفجأة يوقف التيليفريك عليهم ويمشون كل الموظفين ويتوهقون الشباب داخل التيليفريك، وهني يبدي الفلم، الجو باااارد ومكان التزلج ماراح يفتح لي بعد اسبوع! ويحاولون بكل الطرق أنهم ينزلون وينقذون حياتهم، الفلم درامي لكنه يتعب النفس وااايد، افلام الرعب تتلف الأعصاب لكن هالفلم يتعبك نفسياً، صج أن أول ربع ساعة كان يملل لكن تقييمي له بشكل عام 9.5/10

By | June 14th, 2012|أفلام|2 Comments

Drive تقييم فلم

drive

فلم درايف من الأفلام التي تعرض في سينما الكويت، تدور أحداث الفلم عن سائق يمثل المشاهد الخطرة في الأفلام مثل المطاردات وتقلب السيارات، وبعد الظهر يساعد العصابات في سرقاتهم حيث يلعب دور السائق الذي يساعدهم على الفرار من الشرطة بعد كل سرقة تحدث، فكرة الفلم جيدة ولكن الإخراج تعيس جداً والفلم كئيب و ممل لدرجة كبيرة، هناك فترات سكوت طويلة بالفلم ولو جمعنا الوقت الذي يتحدث فيه البطل لوجدنا أنه 10 دقائق فقط، الخلاصة.. لا أنصح بمشاهدته بالسينما ولا في المنزل

By | May 17th, 2012|أفلام|0 Comments