سالاد كرييشن

سالاد كرييشن

سالاد كرييشن

اليوم كان عندنا دورة عند أحد الشركات في برج بيتك بالديرة

وبعد ما خلصنا الدوام عطونا كوبون مشتريات مجانية من مجموعة

من الكافيهات والمطاعم ، فاخترت مطعم سالاد كرييشن ، المطعم

شرح ونظيف كله سلطات ، طريقتهم مثل سب واي ، حاطين المكونات

جدامك وانت تختار سلطتك ، عندهم خس ، زيتون ، طماط ، خيار ، ذرة

بصل ، مشروم ، قطع دياي صغار ، ربيان ، عاد انا خلطت كل هذيل مع

بعض قلت خنشوف شلون يطلع الطعم واللي معاي مو مستوعبين الخلطه

هههه ، تقدرون تخلون السطله بصمونه أو بماعون صغير ، أنا خذيتهم

أثنينهم ، لما رجعت البيت كليتهم والله شي مو طبيعي أحلا من سب واي

الصمونة و ماعون السلطة و آيس تي طلع علي تقريبا 4.4 دك

By | March 23rd, 2010|تقييم, مطاعم|0 Comments

لعبة رماية الأسهم

لعبة رماية الأسهم

لعبة رماية الأسهم

كلمني صاحبي بالمسنجر وقالي اذا ماعندك شي بوديك مكان

قلت له اوكي فاظي بس وين بتروح ؟ قالي ديسكافيري مول

في لعبة رماية الأسهم هناك توهم فاتحين ولفترة محدودة

😀 وبما أني أحب الرماية طبعا قلت له اوكي اكيد موافق

دشينا المول وطبعا مانعرف شلون نلعب اللعبه ، قصدي شلون

نمسك القوس و نحط السهم ونستعد للرمي ، بس الجماعة هناك

ماقصرو علمونا على مسكة القوس Diva Glam من شركة

لعبة رماية الأسهم

لعبة رماية الأسهم

وكل شي ، وبدينا الرمي .. الشباب اللي معاي الله بالخير ههه

مره يرمون فوق السقف و مرة تحت ، أنا يبت سهمين على الهدف

الدائري من أصل 5 أسهم ، زين كبداية ههه ، بعد ما خلصنا صار

بينا نقاش سريع مع المسؤولين و قالولي أنهم بيسوون بطولة

خلال فترة قريبة انشالله ، وعندهم خدمات التعليم والتدريب و يضمنون

حق أي واحد أن خلال ساعة من التدريب راح يكون قادر أن يرمي

على الهدف ، شي وايد زين اذا الواحد قدر يركز على الهدف لأن

الموضوع صعب شوي مو نفس المسدس ، وهم عندهم شغله

حلوة أن أي شخص ممكن يأجر هاللعبة ويلعبها مع أهله أو ربعه ، مع

مراعاة وجود مكان مناسب ، للإستفسار: 97402785- 22258091

على فكرة سعر الـ 5 أسهم = 1 دك ، السعر معقول جداً

انا الحين جربت ارمي بالبندقية و جربت أرمي بالقوس ، المرة الياية

بجرب المدفع انشالله ، اذا جربته راح اكتب لكم بوست كامل عنه ههه

By | March 22nd, 2010|ترفيه, تقييم|0 Comments

let's Burger

let's Burger

let's Burger - 360 mall

بمجمع360 let’s Burgerاليوم تغديت في مطعم

.الأكل كان حلو والقعده حلوه و وسيعه ، مو زحمه وايد

انا طلبت ميني برقرز ، 3 قطع برقرز و بطاط وسلطه

وبيبسي ، السعر = 4.4 دك أسعارهم معقولة

let's Burger - 360 mall - mini Burgers meal

let's Burger - 360 mall - mini Burgers meal

let's Burger - 360 mall - Double Blessing meal

let's Burger - 360 mall - Double Blessing meal

..هذيل صور بعض الوجبات اللي طلبناها

:وهذا جزء من المنيو مالهم

let's Burger - 360 mall - Menue

let's Burger - 360 mall - Menue

الخدمة والسرعة: 8/10

الطعام: 9/10

الجو بشكل عام: 9/10

المطعم في مجمع 360 الدور الثاني

By | March 20th, 2010|تقييم, مطاعم|0 Comments

زيارة إلى مجمع ميادين الرماية

طلقات البندقية

صارلي فترة أحس أن في شي داخلي يقولي روح أرمي هههه

جان أكلم الشباب وقلنا بنروح مجمع ميادين الرماية اللي يم نادي

الصيد والفروسية ، في وايد ناس عبالهم ميادين الرماية أهو نفسه

نادي الصيد والفروسية بس هذا بمكان وهذاك بمكان ثاني المهم

دشينا المجمع قبل جم يوم و قلنالهم نبي نرمي وخذو منا المدنية

وعبينا الاستمارة وقالنا الموظف اختارو السلاح اللي تبونه عاد اكو

أنواع من الفرد وأنواع من البندقية ماعرف شلون يميزونهم صراحه

لأن أول مرة أروح أرمي ماعندي خبره كافية ههه المهم اخترنا البندقية

ويعطونا معاها 10 طلقات بـ 5 دك

اغضغط للتكبير

ميدان الرماية - اضغط للتكبير

و رحنا صوب الميدان ، في حاجز زجاجي بين الميدان و صالة

الإنتظار ، انا شفت الباب وبغيت ادش ولا أشوف فلبيني داخل

الميدان يأشر على راسه مادري شيقول ، جان افتح الباب عشان

أسمعه شيقول وفي شباب كانو يرمون ، جان يرمي واحد منهم و

صم أذوووني طلع الفلبيني كان يأشر لي وقصده يبيني ألبس

الحماية مالت الأذون هههه جان نطلع نلبس الحماية وندش مرة

ثانية وعلمنا على الرمي وقعدنا نرمي .. كان وناسة والله الواحد يطلع

حرته بمكان آمن ههه

النتيجه

نتيجة طلقاتي

و هاذي نتيجة الترمي ، أغلبهم على رقم 9 ممم جيد كأول تجرية لي

بس اللي معاي أثنينهم يايبين على رقم 10 مع أنهم نفسي أول مرة

يجربون ماشالله .. بس يبيله روحة ثانية و بجرب سلاح ثاني عشان

اذا صارت الصجية لا سمح الله إلا أكون عارف شلون استعمل الأسلحة

هههه اللي وده يروح تره مكانهم يم نادي الفروسية على الدائري

السادس ، يفتحون من 5 لي 9 وأسعار الجولات من 5 دك إلى7 دك

بس عدد الطلقات يختلف من سلاح إلى آخر

By | March 19th, 2010|تقييم|0 Comments

قاعة الهاشمي – راديسون ساس

مريت فندق راديسون ساس مع واحد من الشباب كنا

نبي ناخذ فكرة عن أسعار الغرف ، وقلنا نبي نشوف قاعة

الهاشمي مرة وحدة (اللي على شكل سفينة) جان تاخذنا

الموظفة وتورينا داخل السفينة ، هاذي القاعة يأجرونها حق

العروس والمعارض و حق مناسبات مختلفة ، وقتها كانو

يجهزون القاعة حق عرض أزياء وإذا واحد حجزها حق عرس

^_^  يعطونه ليلتين مجاناً بالفندق ، المكان حده عجيب

مدخل قاعة الهاشمي

قاعة الهاشمي - المكان المخصص للبوفيه

قاعة الهاشمي من الداخل 1

قاعة الهاشمي من الداخل 2 - الجسر اللي بالنص مخصص لعارضات الأزياء

By | December 24th, 2009|تقييم|0 Comments

مضمار سباق على السطح

لسباق سيارات Tamiya بعد ما تكلمو وايد عن مضمار

الريموت كنترول رحت أشوفه ولا يطلع مكانه على سطح

المجمع ماتوقعت أن يكون على السطح .. لما شفت صورته

في  بلوق الزميل مارك عبالي المضمار على الأرض ! وعلى

حسب كلام الموظف يقول أن المضمار حق السيايير اللي

تشتغل على الكهربا مو حق سيايير البانزين منعاً للإزعاج

Tamiya race track

Tamiya race track

By | December 3rd, 2009|تقييم|0 Comments

بيت الصابون اللبناني

شركة بيت الصابون اللبناني شركة متخصصة في الصابون

عندهم أنواع و روايح  مختلفة و يتفننون في صنع الصابون

والحلو أن روايح الصابون قوية .. يخلون الواحد وده ياخذ شور

لول ، وهم عندهم حركه حلوه ، حاطين حنفية بالمحل عشان

..الزبون يجرب يغسل ايده بالصابونه اللي يبيها قبل لا يشتريها

اللي يبي يلقي عليهم نظرة يلقاهم في مجمع الأفينيوز

بيت الصابون اللبناني

بيت الصابون اللبناني

مسابيح معطرة

مسابيح معطرة

صابون معطر

صابون معطر

حنفية لتجربة الصابون قبل الشراء

حنفية لتجربة الصابون قبل الشراء

By | November 24th, 2009|تقييم|0 Comments