مشهد من حفلة تخرج جامعة الكويت


مشهد من حفل تخرج طلبة وطالبات جامعة الكويت الدفعة 42 اليوم بملعب الجامعة، الف مبرووك لكل الخريجين والخريجات ، السؤال اللي يه على بالي بعد ماشفت الفيديو .. كل هذيل وين بيتوظفون !؟ الله كريم ، مالكم الا انشاء مشاريعكم الصغيرة يا خريجينا

By | April 22nd, 2013|طلبة|1 Comment

@dawratkw تطويرك لنفسك صار أسهل

 

تطويرك لنفسك صار أسهل مع موقع دورات، أنا شخصياً جربت الموقع وصراحة متعوب عليه وفكرة رائعة جداجداً توفر عليك الوقت والجهد مثل ما عرض لكم الفيديو من معلومات، أنصح بهالموقع لكل شخص مهتم بتطوير نفسه.. واذا كنت مشغول سو نفسي وسجل بقائمتهم البريدية وكل اسبوع يوصلك ايميل بالدورات اليديدة اللي نزلت بالموقع

website: Dawrat.com

By | December 11th, 2012|تكنولوجيا, طلبة|1 Comment

تبي تصير مذيع؟

دعوة لطلبة الجامعة للمشاركة بمجموعة تيفينا الإعلامية والتي تنتج مشاهد منوعة عن الشباب ويتم نشرها في يوتيوب، من أجمل الأنشطة الجامعية والتي تفيد منتسبيها بفوائد كبيرة جدا تعود للطلبة بالنفع خلال الدراسة وبعد التخرج

By | September 9th, 2012|طلبة|0 Comments

Taking History برنامج لطلبة كلية الطب

taking historyبرنامج يخدم طلبة كلية الطب بجامعة الكويت في فن تدوين التاريخ المرضي للمريض بهيكل وأسلوب منهجي واضح للأسئلة والإجابات المقترحة ويشمل ما يرويه المريض أو ما يجيب به على أسئلة لمراحل أخذ التاريخ المرضى للمريض تساعد في تشخيص المرض كخطوة أولى للبحث عن العلاج مثل : الشكوى الرئيسية والشكوى الحالية وعامل الزمن وبداية المرض واستمرارية الأعراض وتردد الشكوى ومراحل المرض والمؤثرات والسيرة الحيوية والأمراض الأخرى التي يعاني منها والأمراض السابقة التي أصابته والعمليات الجراحية التي أُجريت له والأدوية التي يتناولها بانتظام، وغيرها من التفاصيل

install app: Taking History

By | July 29th, 2012|طلبة|0 Comments

التعليم العالي يضيع مستقبل الطالب

قصة مؤثرة قريتها في مدونة الزميل كراوزي ويقول فيها

————-

انا من فترة كتبت موضوع اني شلون احول من بعثة داخلية لي بعثة خارجية .. و رحت و سالت و دورت , و سالت البعثات الخارجية و كلهم عطوني اجابات غير , مرة قالولي ما يصير و مرة قالولي لا و مرة قالولي انطر لما تنزل الخطة مع الشروط .. قلت خل اشوف الطريقة ابتداء من اللي رايح عليهم بعثة (البعثات الداخلية) .. و سألتهم قتلهم ابي اسحب اوراقي و اقدم على الخارجية يصييييييير ؟ قالولي ايه يصير .. قتاهم متأكدييين ؟ لانه هذي مجازفة .. جان يقولون 100% يصير لانه وااااايد نفسك يو و سحبو اوراقهم و قدموا على الخارجية و راحو (الحجي من وحدة منصبها أعلى من الموظفين , اتوقع مديرة او شي جذي)

المهم توكلت على الله و رحت جامعتي و سحبت اوراقي .. و رديت لها و قالت خلاص تعالي على نص 6 .. اللي تقريبا يصادف هالاسبوع , بس رحت اليوم , و قتلها شنو كنتي تبين مني اليوم ؟ قالت علشان اعطيك كتاب منا و تقدم على الخارجية , سألت مديرتها اللي أكبر منها و المديرة قالت ما احتاج كتاب و اقدر اقدم عادي .. اللي يحتاجون الكتاب اهمه اللي بيسجلون حق الشواغر .. ليلحين انا مستانس وااايد .. جان تقولي خلاص روح عند البعثات الخارجية و اسألهم شلون طريقة التسجيل .. و دقيت سلف و رحت لهم ( يمكن رحت المكانين كل واحد ثلاث مرات , رايح راد) وصلت عندهم حق اللي دازتني عليها مالت البعثات الداخلية , و رحت سألتها قتلها “انا يايج من طرف فلانة الفلانية , و كنت اب بعثة داخلية , و سحبت اوراقي و بقدم على بعثة خارجية , و في كتاب قالو يسوونه البعثات الداخلية اذا تبونه” اصدمتني و قالت ما يصير تسجل بالبعثات الخارجية لانه دام اندفع لك حق الداخلية خلاص ما تقدر , قتلها شلووون ما يصير اهمه قالولي يصير و أكدولي و قالت لي دزو ناس وايد و راحوا , جان تقولي عطني اسم طالب واحد , و انا اسجلك بالبعثات الخارجية , او انك تكتب كتاب رسمي حق وكيل وزارة التعليم العالي الدكتور خالد السعد و اهو يوافق عليه او لا .. قتلها خلاص و مشيت , رديت حق البعثات الداخلية و قتلها كل كلمة قالتها حقي اللي دازتني عليها جان تقولي “والله ما ادري” اهي بس قالت ما ادري صكت فيني الدنيا

قطتني على صخر .. قتلها شلوون ؟ انا ما سةيت كل هذا الا على الكلام اللي قلتي لي عنه بالظبط , جان تقولي ليش ما تأكدت منهم ؟ اول قبل لا تييني ؟ “هني حسيت تبي تقط الغلط علي” قتلها سألت و مليت و انا اسال و محد معطيني جواب كل مرة غير , علشان جذي ييتلج و اسال دام انا حاليا بعثتي عليكم .. جان تقولي مالنا شغل فيهم , اهمه بروح و احنا بروح .. و قتلها شالحل يعني ؟ خلاص جذي توهقت انا ؟ .. جان تقولي “شوف ماكو الا تكلم الوكيل

————-

القصة طويلة وعشان تكملونها ضغطو الرابط التالي

Crowsy.com

By | June 28th, 2012|طلبة|1 Comment

سياسي ولاعب سلة يمشون؟

برنامج جامعة سيتي هو برنامج عاليوتيوب يفجر فيه الطلبة والطالبات قاطتهم الإعلامية ويقابلون شباب متميزين في الجامعة، وفي هالحلقة يستظيفون الطالب فهد بورسلي اللي يدرس العلوم السياسية ولاعب كرة سلة بنادي القادسية بنفس الوقت، سألته الأخت أبرار سؤال حلو وقالت له إذا ياك عرض احتراف مع معاش مغري هل تترك السياسة وتتجه للعبة كرة السلة؟ شوفو الجواب بالفيديو القصير اللي مدته 5 دقايق

By | June 20th, 2012|طلبة|0 Comments

حفلات التخرج بدأت


تحضير إحدى الطاولات لوليمة عشاء كبيرة في مطعم لينوتر على شارع الخليج، أعتقد أنها حفلة تخرج، الله يوفقهم ومبرووك لكل المتخرجين وانشالله يوصلون لأعلى المراتب، ومطعم لينوتر من المطاعم الممتازة لتحضير الحفلات والمناسبات

By | June 19th, 2012|طلبة|0 Comments