عدت إلى وطني الكويت فجر اليوم بحمدلله، وسررت بمظاهر الفرح على أرض الوطن أدامها الله علينا من أفراح

وبالنسبة لرحلة المدونين إلى تايلاند، فهناك الكثير من الأحداث والأماكن السياحية التي قمنا بزيارتها وبالتأكيد سأكتب عن كل الأمور التي قمت بها هناك، ولكن لأن هذه المدونة مخصصة للشعب الكويتي ومايحدث في الكويت فلقد قررت أن تكون مواضيع رحلة تايلاند موزعة على فترات حتى لا تفقد المدونة لونها ومجالها، وسيكون هذا الموضوع كدليل لكل مواضيع رحلة تايلاند وسأقوم بذكر العناوين في الأسفل وإضافة مايستجد هنا

رحلة المدونين إلى تايلاند

رحلة تايلاند – اليوم الأول – الغداء

رحلة تايلاند – اليوم الأول – فندق روك هوتيل

كل الشكر لشركة أفياريبس لدعوتي للمشاركة بهذه الرحلة الممتعة والفريدة من نوعها وأشكر كل متابعين المدونة لأن لولا فضل الله ثم متابعتهم لهذه المدونة لما وصلنا لما نحن عليه، والشكر موصول أيظاً لهيئة السياحة التايلاندية على ترحيبهم وإدارتهم لجدول الرحلة بشكل ممتاز

بعد ماوصلنا المطار طلعنا ورحنا حق الفندق لكن الفندق على بعد 3 ساعات من المطار تقريبا وهالشي خلاهم يضيفونا في أحد المنتجعات الموجودة على طريجنا، المنتجع أسمه بان أمفاوا وفيه حمام سباحة متوسط الحجم، مرينا عليه وقعدنا في مطعم المنتجع وتغدينا فيه وطبعا كان كله أكل بحري وهذا من عاداتهم، عجبني عيشهم الأبيض وعلى حسب كلام المرشد السياحي أنهم ياكلون العيش بكل وجبة حتى في الريوق!؟

هذا الحلو بعد الغدا، ماشالله كل شي طبيعي وطعمه فيه، طبعا أهما يزرعون كل هالفواكة عندهم، اللي عاليسار هذا عصير جوز الهند، في البداية كنت متردد أجربه لكن بعد ما قريت الموضوع اللي كتبته الزميلة جريس قررت إني أجربه المرة الياية انشالله

بعد الغدا خذينا جوله في المنتجع، هذا السويت في منتجع بان أمفاوا، بسيط و مرتب وشكله مايل للريف، وبعد الجولة كملنا طريجنا حق الفندق، تقدرون تضغطون على الصور للتكبير وراح أكتب موضوع ثاني عن الفندق اللي سكنا فيه

نظمت هيئة السياحة التايلاندية رحلة إلى تايلند بالتعاون مع شركة أفياريبس في دبي، وطلبت هيئة السياحة التايلاندية 4 مدونين من الشرق الأوسط ليشاركوا بهذه الرحلة فقامت شركة أفياريبس باختيار المدونين ولحسن الحظ تم إختياري للمشاركة بهذه الرحلة الفريدة من نوعها

الغرض من هذه الرحلة هو تسويق تايلاند عن طريق المدونات، يحصل المدون على تذكرة وإقامة مجانية وفي المقابل يقوم بكتابة رأيه في مدونته عن هذه الرحلة، طريقة جديدة في التسويق بالنسبة للجميع

عند وصولي إلى مطار تايلاند كان السيد بونلرت في إنتظارنا وهو المرشد السياحي للرحلة، وأثناء الذهاب إلى الفندق عرض علينا السيد بونلرت بعض المعلومات عن تايلند وقال بأن تايلاند تعني الأرض الحرة ( فري لاند) وإنها بلد جميع الشعوب فنجد بها جميع الأديان متعايشة مع بعضها البعض، وتعرفت على باقي المدونين بعد شرح السيد بونلرت، وهم الأخت عائشة من البحرين وهي مدونة بريطانية تعمل في البحرين والأخوات جريس و جاما من دبي، وأكتشفت إنني العربي الوحيد في هذه الرحلة،  سأوافيكم بالتفاصيل قريبا، أول يوم حافل بالأنشطة لذا علي الذهاب الآن وسلامي لجميع المتابعين

من الشغلات الغريبة واللي ألاحظها بكل سفرة أن الناس كلهم بعد ما يطلعون من الطياره يتيمعون عند سير الجناط عشان ياخذون جناطهم، ولما تطلع أول مجموعة من الجناط لازم يفترون بروحهم بالسير ومحد ياخذهم، يدورون 5 أو 8 مرات بعدييين ياخذونهم لول، مادري هل الناس يتأخرون ومايكونون موجودين عشان ياخذون جناطهم ولا يكونون موجودين بس ماينتبهون حق جناطهم

كنا في مسرح الرقص في مدينة بلاك بول وأثناء رقص مجموعة من كبار السن وأنسجامهم مع الألحان، دخلت بنت صغيرة على المسرح و بدت ترقص باليه بينهم، جنه المسرح كله حقها لول، فاجأت الكل بجرأتها وبرقصها.. أتوقع لها مستقبل في رقص الباليه

هذا اللوكر في المدينة الترفيهية في مدينة بلاك بوول، عجبتني طريقته، سهلة وسريعة، بس حط الخردة باللوكر واقفل الباب وأخذ المفتاح ربطه بيدك عشان مايظيع

هذا المفتاح بعد ماحطيته بأيدي، ينفع حق الاماكن الترفيهية عندنا، ها شرايكم أييب منه جم واحد وأبيعهم على شركة المشروعات السياحية لول

مقارنة بين أسعار السناكس في الكويت و لندن، حق اللي بيسافرون لندن عشان ياخذون فكرة عن الأسعار لول

هالسناك بالكويت سعرها 0.500 دك وفي لندن تقريبا 1 دك، كل شي الدبل في لندن، صمونة الفلافل بدينار، الله يخلي شارع المطاعم لول

اليوم الثاني في مؤتمر التسويق الإلكتروني و مواقع التواصل الإجتماعي، أول ماقعدت ولا يعرضون صور حق مواقع التواصل الإجتماعي مثل البلوقات و الفيس بوك و يوتيوب على ما أيوون كل المشتركين في المؤتمر، كنت متحمس ومستعد لتسجيل أي معلومة يديدة بالنوته اللي عندي

هذا بول ليمبرج اللي تكلم عن كيفية مضاعفة أرباحك في البزنس بغض النظر عن المشروع اللي عندك، وتكلم عن كيفية عمل عروض ترويجية و شلون ترجعون الزباين اللي خسرتوهم، وحده من طرق مضاعفه الأرباح اللي تكلم عنها يقول زيد سعر البضاعة اللي عندك شوي 5% تقريبا و عط الزباين كفالة على بضاعتك، جذي مو قاعد تصرف وايد بس قاعد تربح وايد لأن أغلب الناس يبون كفالة بس مو كلهم يستخدمونها، و بعد طريقة ثانية يقول تقدر تزيد أرباحك عن طريق إضافة إكسسوارات على بضاعتك وتسأل الزبون إذا يبي هالإكسسوارات حق البضاعه اللي شراها، مثلا واحد شره منك تلفزيون تقوله مثلا عندنا عرض إذا خذيت التلفزيون مع سماعات يطلع عليك أرخص من شراء السماعات بوقت ثاني بعدين، أشترهم أثنينهم الحين وأستفيد من العرض، اوكي قاعد أحاول أتذكر شغلات بعد ممم أي نفس المطاعم مثلا لما نطلب وجبة و يسألونا إذا نبي سلطة أو كيكة أو برد، هالإضافات مو قاعده تكلف المطعم وايد بس هالمطعم قاعد يزيد أرباحه لما مجموعة من الزباين توافق على العرض وتطلب السلطة أو أي شي ثاني

بالبريك قعدت مع أخوي باسل العثمان ( بالصورة عاليسار ) وقعدنا نسولف عن المواضيع اللي تكلمو عنها بالمؤتمر جان ينضم لنا خالد الزنكي و قعدنا نسولف عن الإنترنت و مواضيع مختلفة، مع السوالف طلع الزنكي ساكن بنفس الفندق اللي سكنت فيه ( هوليداي إن ) بعدين عرفت أن طيارته نفس طيارتي لول فلما خلصنا من المؤتمر وصلنا أخوي باسل المطار كلنا، وبالمطار على طول رحنا حق المطاعم كنا يواعه، لأن المؤتمر بريكاته قليله وكل بريك مدته 15 دقيقه تقريبا مايمدي الواحد ياكل، المهم قعدنا أنا والزنكي بمطعم وسولفنا عن التسويق الإلكتروني جان أكلمه عن مشروعي ( أصحاب الأفكار ) و مع السوالف قالي أن بيساعدني و بيعطيني محتوى جيد حق الموقع بس يبيله وقت شوي، في النهاية بس حبيت أشكر أخوي فيصل أبا الخيل اللي ساعدني بالتسجيل في المؤتمر و أخوي باسل العثمان هالأثنين والله ماقصرو قعدو معاي طول هاليومين ماحسسوني أني مسافر بروحي لول، وأشكر أستاذي خالد الزنكي على روحه الطيبه و إهتمامه بالشباب

الطيارة ، الطيايير كلا جذي مواعيدهم خايسه ماكو

/: طيارة تطير العصر ؟ ليش كلهم يا صبح يا بالليل

المهم طرنا من ماليزيا لي دبي وتريقنا بدبي وهذا ريوقي

عصير برتقال و صمونه فوقها بيض ، طبعاً هذا يشبعني

الصبح لأني مو متعود أتريق بس الغدا إذا مو مجبوس

ماكو فايدة لول ، المهم رجعنا الكويت المغرب والله

مشتاق لكم يا جماعة ومشتاق حق الكويت ، صج

تفاجأنا بالغبرة اللي بالبيت بس هم أحبها لول

ريوقي في مطار دبي