Chillout Caffe – Dubai

chillout - iced caffe - dubai pic 6

سمعت وايد عن الكافيه الثلجي في دبي أو (تشيل آوت كافيه) اللي تكون قعدته من ثلج (الكراسي والطاولات والديكور) كل شي من ثلج، وقررت أني أجربه بهالسفرة.. ودخخخخت على ما حصلته لأني ماكنت أعرف أسمه بس أدري أن في كافيه من ثلج وكل ما أقابل واحد أقعد اشرح له ويدليني غلط، في ناس عبالهم سكي دبي وناس ودوني مكان مافيه ثلج كلش لول المهم بالأخيرعرفت أن هالكافيه داخل مجمع أسمه تايم سكوير وبعيد عن دبي مول، خذيت المترو وبعده تكسي عشان اوصل له

chillout - iced caffe - dubai pic 7

لما وصلنا دفعنا 60 درهم للشخص شامل الدخول مع مشروب هوت تشوكليت ، وطبعا أهما يعطونكم الجاكيت والدس والكبوس لأن درجة الحرارة داخل الكافيه تحت الصفر

chillout - iced caffe - dubai pic 10

هذا الكوب مع المنيو، عندهم شوربه و قهوة وكذا شغله من السواخن لأن مستحيييل أحد يشرب شي بارد بهالمكان.. المنيو عجبني مصنوع من بلاستك وعلى شكل قطعة ثلجية

chillout - iced caffe - dubai pic 11

الكرسي والطاولة من ثلج.. وحاطين فرو عالكرسي عشان يدفي لكن ماكو فايده البررررد قاااارص.. والحين بعرض لكم بعض صور الديكور المصنوع من الثلج

chillout - iced caffe - dubai pic 9

chillout - iced caffe - dubai pic 8

chillout - iced caffe - dubai pic 5

chillout - iced caffe - dubai pic 4

chillout - iced caffe - dubai pic 3

chillout - iced caffe - dubai pic 1

chillout - iced caffe - dubai pic 2

الديكور متعوب عليه.. الحلو أن صاحب الكافيه كل ماحب يغير الديكور شغل هالمنشار وشاف شغله، وفاك نفسه من الفراره على محلات الديكور

أنا قعدت بهالكافيه تقريبا 20 أو 25 دقيقة وطلعت، وقت كافي جداً بالنسبة لمكان متثلج! والتذكرة مثل ماقلت بـ 60 درهم شامله هوت تشوكليت ويفتحون من 10 لي 10 ماعدى الخميس والجمعة يفتحون من 10 لي 12

By | December 20th, 2012|ترفيه, سفر|3 Comments

Dubai Global Village القرية العالمية

Dubai Global Village - pic 7

نصحوني أني أزور القرية العالمية في دبي، وقالولي أن فيها سوق مقسم حق كل دولة من دول الخليج مثل سوق الكويت و سوق البحرين وجذي، وزرتها علشان آخذ فكرة ولأني موشايفها من قبل، وهذا مدخل القرية

Dubai Global Village - pic 12

كنت حاط إبالي أنه مجمع مصكر ومقسم حق مناطق معينة وأسواق معينة لكن أنصدمت لما شفت أنه مكان جنه المدينة الترفيهية ههه يالله ماعليه نكمل ونشوف

Dubai Global Village - pic 11

سوق الإمارات

Dubai Global Village - pic 10

محل فيديو معلق بروشورات مسرحية الطرطنقي حق طارق العلي وداود حسين

Dubai Global Village - pic 9

محلات شعبية متنوعة وألعاب ترفيهية للأطفال

Dubai Global Village - pic 8

Dubai Global Village - pic 6

Dubai Global Village - pic 5

Dubai Global Village - pic 4

Dubai Global Village - pic 3

Dubai Global Village - pic 13

Dubai Global Village - pic 1

Dubai Global Village - pic 2

Dubai Global Village - pic 15

 باختصار القرية العالمية يا حق يهال يحبون يلعبون بالألعاب أو حق كبار بالسن اللي يحبون الشغلات الشعبية أما حق الشباب ماتصلح، وإدا ماخانتني الذاكرة أعتقد رسوم الدخول 10 أو 20 درهم وكل لعبة داخل لها حساب غير.. نشوفكم باجر مع موضوع يديد له علاقه بسفرة دبي

By | December 19th, 2012|ترفيه, سفر|3 Comments

ARMANI CAFFE – Dubai

ARMANI CAFFE - pic 3

خلال تواجدي في دبي جربت كافيه أرماني بعد ما سمعت عنه وايد أنه كافيه جيد فقلت لازم أجربه ، مكانه في الإمارات مول

ARMANI CAFFE - pic 2

طلبت باستا و الأهل خذو بيتزا مارقاريتا لكن للأسف أكله جداً عادي وحسيت أن الناس معطين هالكافيه قيمة أكبر من حجمه لأن براند معروف فقط لاغير

ARMANI CAFFE - pic 1

لذلك ماتشجعت أصور لكم الأكل!  كلينا عالسريع ورحنا نكمل مشاويرنا ، قالولي بعد أن القهوة عندهم حلوة لكن ماجربتها عقب الغدا اللي مايشجع لول.. نشوفكم باجر مع موضوع جديد عن سفرة دبي

 

 

 

 

By | December 18th, 2012|سفر, مطاعم|1 Comment

Desert Palm – رحلتي إلى دبي

Desert Palm - dubai 2012 - pic 12

قبل فترة كنت بإجازة قصيرة وبما أن الفترة قصيرة حبيت أقضيها بدبي دار الحي، وقررت أجرب المنتجعات بدال الفنادق كنوع من التغيير و وقع اختياري على منتجع ديزيرت بالم وراح أعرض لكم صور الغرفة اللي حجزتها من الداخل، الصورة اللي فوق فيها مدخل الغرفة (الباب الخشبي المنقط) وأول شي تلقون مطبخ تحضيري على قولتهم مع طاولة الأكل اللي تطل على حمام سباحة خاص

Desert Palm - dubai 2012 - pic 6

بعد طاولة الأكل تلقون الصالة المكونة من قنفتين وطاولة وجدامهم تلفزيون على بعد 7 أمتار تقريبا

Desert Palm - dubai 2012 - pic 7

بين التلفزيون وحمام السباحة في مدخل صغير حق غرفة النوم وتكرمون الحمامات

Desert Palm - dubai 2012 - pic 11

هاذي غرفة النوم مع الكبتات

Desert Palm - dubai 2012 - pic 4

تكملون سيدة شوي وتلقون المغاسل والحمام والشاور

Desert Palm - dubai 2012 - pic 3

غرفة النوم تطل على حمام السباحة

Desert Palm - dubai 2012 - pic 15

 

هذيل المغاسل وحمام البانيو اللي أغلب الناس يترسونه رغوة .. تكرمون الحمام والشاور كل واحد منهم منفصل بمكانه

Desert Palm - dubai 2012 - pic 10

مدخل حمام السباحة، شاور في الهواء الطلق .. طبعا كلا خاص وبرايفت

Desert Palm - dubai 2012 - pic 9

حمام السباحة تقريبا طولة 7 أمتار في 3 وعمقه متر ونص تقريبا ويكفي حق شخصين يتسبحون براحتهم أ، ممكن يصيرون 3 أشخاص لكن راح يكون ضيج

Desert Palm - dubai 2012 - pic 8

القعدة بحمام السباحة حلوة وهادية

Desert Palm - dubai 2012 - pic 2


View Larger Map

وهاذي خريطة المنتجع

مميزات المنتجع أن هادي ومناسب للعوايل (من غير اطفال) وفي وايرلس انترنت مجاناً طول فترة الإقامة بسرعة جيدة جدا، ممتاز لمن يريد قضاء بعض الوقت بعيدا عن التسوق وصخب الحياة

عيوب المنتجع: بعيد شوي عن الأماكن الترفيهية والسياحية والمطار ، ولايوجد مطاعم جيدة في المنتجع ولا سوبر ماركت

سعر الليلة تقريبا 300 دك

By | December 17th, 2012|سفر|4 Comments

هل تريدها مع الكاراميل؟


اتواجد حاليا في المطار مغادراً الى دبي لقضاء اجازة سريعة، مالفت انتباهي الان هو تعامل موظفي ستاربكس في كل الفروع حيث يسألونك عدد كبير من الأسئلة لمعرفة طلبك مما يجعلني أمل من وقوفي الطويل امام الكاشير، فأولا يبدأ بالترحيب ثم يسجل طلبك ثم يسألك عن الحجم وأحيانا أشعر أنهم يتصنعون عدم السمع فعندما اقول حجم صغير يعتبرونه وسط، ويسألك إن كنت تريد القهوة مع كاراميل مع أنها تأتي مع الكراميل ولكنه على أمل أن تجيب بنعم لزيادة جرعة الكاراميل لأنه حين توافق يزيد ربحهم، ثم بعد ذلك يسألك إن كنت تريد شيئاً تأكله وبعد الرفض يسألك إن كنت تريد ماء مع القهوة.. اووه أسئلة كثيرة أفضل الرد على رسائل بريدي الالكتروني بدلا من الاجابة عليها، اعلم ان كل هذه الاسئلة مدروسه وبإمكانها ان تزيد من ربحية ستاربكس لكنها بدأت تزعجني نوعاً ما

By | December 3rd, 2012|سفر|8 Comments

Boston: Whale Watch

من الأماكن السياحية اللي تسوة في بوسطن رحلة بحرية طويلة داخل المحيط عن طريق يخت فيه قعدات وكفتيريا، الهدف من الرحلة هو الراحة والاستجمام ورؤية الحيتان والدلافين، تكلفة الرحلة للشخص البالغ بحدود 44 دولار يعني تقريبا 13 دك, طبعا مثل ماذكرت الرحلة طويلة، انا عبالي مدتها ساعتين بالكثير لكن تفاجأت أنها كانت 3 ساعات ونص داخل البحر، شي حلو لكن واااايد طويلة والجو كان بارد شوي، بشكل عام أقييم الرحلة بـ 90% كمكان سياحي

By | July 20th, 2012|سفر|1 Comment

T-Mobile مشكلتي مع

TMobile logo

أثناء تواجدي في بوسطن ومع ارتفاع سعر النت في الفندق مثل ماذكرت بالموضوع السابق للرحلة، قررت أني أشتري خط مع خدمة النت وأشبك فيه بالموبايل والكمبيوتر عن طريق تشغيل ميزة  الهوت سبوت اللي تخلي الآيفون يبث شبكة وايرلس وممكن اي جهاز يشبك عليه ويستخدم النت اللي فيه، هالطريقة استخدمها وايد بالكويت

Iphone hotspot

لكن لسوء الحظ بعد ما شريت الخط بـ 70 دولار أي مايعادل 21 دك اتضح لي بعد ما ركبته أن ميزة الهوت سبوت تختفي من الآيفون، مع العلم أني طلبت من موظف تي موبايل أني أبي الخط عشان اشغل الهوت سبوت عليه وقالي راح يشتغل، المهم رجعت حق نفس الموظف وبلغته بالمشكله وماعرف يحلها، وقالي ماكو الا انك تاخذ جهاز هوت سبوت (مثل الأيقو) مال شركة زين، وشريته بعد مناقشات طويلة، قلت أحسن بعد عشان اشبك كل الاجهزة مرة وحدة، ورحت الفندق اجرب الجهاز ولا مايشتغل، ورجعت حق نفس الموظف اليوم اللي وراه وبلغته بالمشكله وقلت له انا ياي استانس مو ياي احل مشاكل شركتكم، يا تشغلونه لي او ترجعون فلوسي، وبالنهاية رجعولي فلوسي لول يعني حتى اهما مايعرفون يشغلون الجهاز مالهم، آخر شي قلت مالي الا النت مال الفندق مع ان غالي ( 15 دولار باليوم حق كل جهاز يشبك) بس قلت شسوي بعد اقضب مينونك.. وشبكت بالفندق ساعة وبعدها فصل وماقام يشبك!! ونزلت لهم اشرح لهم الموضوع وعلى طول عطوني كوبون مجاني عشان اشبك بالنت طول فترة إقامتي بالفندق كتعويض للمشكلة.. صج أنهم لوعوا جبدي بس طلعو شقردية الأمريكان اللي بالفندق، ماتوقعت ان تصيرلي هالمشاكل مع النت خصوصاً بديرة متقدمة مثل أمريكا.. الله يخلي زين وخدماتها، ركب الخط وكل شي شغال عندك

By | July 18th, 2012|سفر|9 Comments