good locker

blackpool locker

هذا اللوكر في المدينة الترفيهية في مدينة بلاك بوول، عجبتني طريقته، سهلة وسريعة، بس حط الخردة باللوكر واقفل الباب وأخذ المفتاح ربطه بيدك عشان مايظيع

blackpool locker 2

هذا المفتاح بعد ماحطيته بأيدي، ينفع حق الاماكن الترفيهية عندنا، ها شرايكم أييب منه جم واحد وأبيعهم على شركة المشروعات السياحية لول

By | July 26th, 2010|سفر|12 Comments

مقارنة بين أسعار لندن وأسعار الكويت

london - snack

مقارنة بين أسعار السناكس في الكويت و لندن، حق اللي بيسافرون لندن عشان ياخذون فكرة عن الأسعار لول

london snack 2

هالسناك بالكويت سعرها 0.500 دك وفي لندن تقريبا 1 دك، كل شي الدبل في لندن، صمونة الفلافل بدينار، الله يخلي شارع المطاعم لول

By | July 25th, 2010|سفر|0 Comments

You Learn twitface – day #2

wordpress

اليوم الثاني في مؤتمر التسويق الإلكتروني و مواقع التواصل الإجتماعي، أول ماقعدت ولا يعرضون صور حق مواقع التواصل الإجتماعي مثل البلوقات و الفيس بوك و يوتيوب على ما أيوون كل المشتركين في المؤتمر، كنت متحمس ومستعد لتسجيل أي معلومة يديدة بالنوته اللي عندي

هذا بول ليمبرج اللي تكلم عن كيفية مضاعفة أرباحك في البزنس بغض النظر عن المشروع اللي عندك، وتكلم عن كيفية عمل عروض ترويجية و شلون ترجعون الزباين اللي خسرتوهم، وحده من طرق مضاعفه الأرباح اللي تكلم عنها يقول زيد سعر البضاعة اللي عندك شوي 5% تقريبا و عط الزباين كفالة على بضاعتك، جذي مو قاعد تصرف وايد بس قاعد تربح وايد لأن أغلب الناس يبون كفالة بس مو كلهم يستخدمونها، و بعد طريقة ثانية يقول تقدر تزيد أرباحك عن طريق إضافة إكسسوارات على بضاعتك وتسأل الزبون إذا يبي هالإكسسوارات حق البضاعه اللي شراها، مثلا واحد شره منك تلفزيون تقوله مثلا عندنا عرض إذا خذيت التلفزيون مع سماعات يطلع عليك أرخص من شراء السماعات بوقت ثاني بعدين، أشترهم أثنينهم الحين وأستفيد من العرض، اوكي قاعد أحاول أتذكر شغلات بعد ممم أي نفس المطاعم مثلا لما نطلب وجبة و يسألونا إذا نبي سلطة أو كيكة أو برد، هالإضافات مو قاعده تكلف المطعم وايد بس هالمطعم قاعد يزيد أرباحه لما مجموعة من الزباين توافق على العرض وتطلب السلطة أو أي شي ثاني

mubarak + zakni + basil

بالبريك قعدت مع أخوي باسل العثمان ( بالصورة عاليسار ) وقعدنا نسولف عن المواضيع اللي تكلمو عنها بالمؤتمر جان ينضم لنا خالد الزنكي و قعدنا نسولف عن الإنترنت و مواضيع مختلفة، مع السوالف طلع الزنكي ساكن بنفس الفندق اللي سكنت فيه ( هوليداي إن ) بعدين عرفت أن طيارته نفس طيارتي لول فلما خلصنا من المؤتمر وصلنا أخوي باسل المطار كلنا، وبالمطار على طول رحنا حق المطاعم كنا يواعه، لأن المؤتمر بريكاته قليله وكل بريك مدته 15 دقيقه تقريبا مايمدي الواحد ياكل، المهم قعدنا أنا والزنكي بمطعم وسولفنا عن التسويق الإلكتروني جان أكلمه عن مشروعي ( أصحاب الأفكار ) و مع السوالف قالي أن بيساعدني و بيعطيني محتوى جيد حق الموقع بس يبيله وقت شوي، في النهاية بس حبيت أشكر أخوي فيصل أبا الخيل اللي ساعدني بالتسجيل في المؤتمر و أخوي باسل العثمان هالأثنين والله ماقصرو قعدو معاي طول هاليومين ماحسسوني أني مسافر بروحي لول، وأشكر أستاذي خالد الزنكي على روحه الطيبه و إهتمامه بالشباب

By | June 19th, 2010|تسويق, دولي, سفر|0 Comments

عدنا والعود أحمد

اليوم قعدنا من الساعة 5:30 الفير عشان نلحق على

الطيارة ، الطيايير كلا جذي مواعيدهم خايسه ماكو

/: طيارة تطير العصر ؟ ليش كلهم يا صبح يا بالليل

المهم طرنا من ماليزيا لي دبي وتريقنا بدبي وهذا ريوقي

عصير برتقال و صمونه فوقها بيض ، طبعاً هذا يشبعني

الصبح لأني مو متعود أتريق بس الغدا إذا مو مجبوس

ماكو فايدة لول ، المهم رجعنا الكويت المغرب والله

مشتاق لكم يا جماعة ومشتاق حق الكويت ، صج

😛 تفاجأنا بالغبرة اللي بالبيت بس هم أحبها لول

ريوقي في مطار دبي

By | February 27th, 2010|سفر|0 Comments

مصنع كاكاو ماليزي

طلعنا من التليفريك كنا بنروح الفندق ولا يقولنا

راعي التكسي أن بطريجنا في مصنع كاكاو يخلونا

 ناكل مجاناً جان نقوله ودنا خل نشوفه لول ، لما

.. دشينا ولا مصنع صغير يصنعون فيه ويبيعون

عاد أنا على طول طلعت الكاميرا وقعدت أصور

و الموظف يعطي أهلي كاكاو من كل نوع عشان

يجربون ، ولا أشوفهم مقلدين كاكاو فيريرو روشيه

كنت بصورة بس شافني الموظف قالي ممنوع

😀 التصوير ، بس زين كنت مصور صورتين من قبل

مصنع كاكاو ماليزي بجانب التلفريك

مصنع كاكاو ماليزي بجانب التلفريك 2

By | February 27th, 2010|سفر|2 Comments

تصوير فلم بماليزيا

قعدت الفير وكنت حدي يوعان جان اقول خل اروح الجمعية

اللي يم الفندق عشان اشتريلي شي آكله ، وانا بطريجي

حق الجمعية ولا أشوف يمعه عند الإشارة ، جان اقرب

اتطمش معاهم ولا مجموعة قاعدين يصورون فلم والشرطة

مصكرين الشارع عشان لا يمرون السيايير وكل شوي يعيدون

المشهد والسيايير ماكلينها لوول بس وناسة كان ودي أمثل معاهم

تصوير فلم في ماليزيا

By | February 27th, 2010|سفر|0 Comments

خلهم يلعبون وتسوق على راحتك

بماليزيا الناس يحطون Sogo mall هاذي صاله في مجمع

عيالهم فيها يخلونهم يشوفون بارني أو يلعبون بالدوارف و

ألعاب التركيب على مايخلصون أهلهم من التسوق ، إحنا

عندنا نفس هالصالة بإيكيا بس صغيرة و مفتوحة صراخ

اليهال كله بره لول ، لو يخلونها صالة مثل هاذي أحسن

عشان ما يطلع صراخهم بره

خلي عيالج هني وتسوقي على راحتج

خلي عيالج هني وتسوقي على راحتج 2

خلي عيالج هني وتسوقي على راحتج 3

By | February 24th, 2010|سفر|0 Comments