اسلام احد الوافدين في مسجد الخرافي اليوم


اسلام احد الوافدين في مسجد الخرافي اليوم بعد صلاة الجمعة، مشهد جميل جدا، لأول مرة اشاهد شخص يدخل الاسلام امامي، وبعد نطقه للشهادتين قام الجميع لإلقاء التحية عليه والترحيب به للدخول في الاسلام

By | April 11th, 2014|حصري, غير مصنف|0 Comments

حل مؤقت للزحمه

20131216-094812.jpg

معقولة طبقو القانون اللي يسمح للسيارات باستخدام حارة الامان اليسرى كحل لمشكلة الزحمة ؟! ولاحظت قبل جم يوم انهم دفنو الحفر اللي بحارة الامان على شارع الاستقلال، ورحت صوب الحارة اليمنى لقيتها محفورة.. تتوقعون هذا حل مناسب للزحمة ؟ انا اقول جيد كحل مؤقت لكن لازم كل الناس يعرفون هالشي عشان اللي يحوشه بنجر مايوقف عاليسار بالغلط

20131216-094731.jpg

By | December 16th, 2013|غير مصنف, نقاش|1 Comment

كشكول المعرض والمسرحية

20130920-184232.jpg

امس زرت معرض كشكول في ارض المعارض صالة 5 والمعرض فيه 30 بوث تقريبا، وتم عرض مسرحية كشكول من اداء فرقة باك ستيج قروب، مدة المسرحية 20 دقيقة تقريبا، من مميزات المعرض وجود المسابقات على المسرح والعاب الاطفال تحت 10 سنوات، ومن السلبيات عدم وجود كراسي للجمهور مقابل المسرح والعدد القليل للبوثات.. نتمنى لهم كل التوفيق

20130920-184210.jpg

20130920-184218.jpg

20130920-184226.jpg

By | September 20th, 2013|غير مصنف|0 Comments

الأمان اغلى شي بكل زمان


دعاية البنك الوطني ، بكل مكان وزمان ماكو اغلى من الامان

By | July 21st, 2013|غير مصنف|0 Comments

the croods تقييم فلم


ذا كروودز، من احلى افلام الكارتون اللي شفتها، قصته عن رجل الكهف اللي يسكن بكهف مع عايلته ويحاول يحميهم بقواعد معينة حق حياتهم، مثلا ان الكهف اهو الامان، ومحد يطلع بالليل، ولازم يمشون بشكل جماعي مع بعض عشان اذا احد صارله شي الكل يساعده وجذي، يعني عايشين على مقولة: الله لا يغير علينا

وفجأة يجبرهم الزمن على ترك الكهف وتغيير حياتهم غصبن عليهم، وتبدي قصة الفلم بمقاومة هالعايلة للتغيير لكنهم مايدرون ان التغيير ممكن يكون للافضل، فيقاومون التغيير كثر مايقدرون لكن مع الوقت يؤمنون بمقولة: الله يغير علينا للأحسن

الفلم مو حق الصغار لانهم ماراح يفهمونه، انصحكم تشوفونه لان قصته وايد قوية ويستاهل، مدة الفلم ساعتين تقريبا، شفته في جراند سينما ثري دي، انصحكم تشوفونه هناك لانهم يعطونكم نظارات يديدة حق الثري دي صافية ونظيفة، عكس سينسكيب اللي يوزعون نفس النظارات المستعملة لكل الناس

By | April 9th, 2013|غير مصنف|1 Comment

افضل حل لمن يتنقل باللاب توب

20130406-134453.jpg
اتنقل دايما من مكان لي مكان مع اللاب توب لانجاز اكبر قدر من الشغل اللي عندي باوقات مختلفة ، والمشكلة اللي كنت اواجهها اهي اذا كنت قاعد بكافيه بروحي وتكرمون بغيت اروح الحمام كنت اشيل اللاب توب والجنطة بكبرها اخذها معاي احتياط عشان لاتنباق اغراضي ولما ارجع القا الناس ماخذين مكاني.. بس اخيرا حصلت لي قفل حق اللاب توب من اوفيس ديبو بـ 13.5 دك تقريبا يتوصل باللاب توب وينربط بالطاولة او الكرسي ، يعني اللي يبي يبوق اللاب توب لازم يشيل الطاولة بكبرها، وجذي ارتحت وايد وقمت اظمن ان مكاني موجود واقدر اروح وايي على راحتي، والحلو بهالقفل ان فيه ارقام مو مفتاح ، وايد احسن لان المفتاح مرات يضيع وتتوهق

20130406-151448.jpg

20130406-151513.jpg

20130406-151529.jpg

By | April 6th, 2013|غير مصنف|0 Comments

تصوير لامبورغيني


فيديو لسيارة لامبورغيني للشيخ عبدالله الصباح، انتاج احمد حاجي و اخراج و تصوير خالد الربيع

By | April 4th, 2013|غير مصنف|0 Comments