Posts Tagged ‘ماليزيا’

تصميم الجنجفة الماليزية

Friday, December 31st, 2010


مريت دوانية واحد من الشباب وشفت عنده هالجنجفة وقالي أنها هدية من أهله شارينها من الخطوط الماليزية، تصميم الجنجفة عجيب صايره طوالية واللي يمسك مجموعة أوراق مايحس أنه ماسك أوراق وايدة، تنفع حق ربع الكوت

مصنع كاكاو ماليزي

Saturday, February 27th, 2010

طلعنا من التليفريك كنا بنروح الفندق ولا يقولنا

راعي التكسي أن بطريجنا في مصنع كاكاو يخلونا

 ناكل مجاناً جان نقوله ودنا خل نشوفه لول ، لما

.. دشينا ولا مصنع صغير يصنعون فيه ويبيعون

عاد أنا على طول طلعت الكاميرا وقعدت أصور

و الموظف يعطي أهلي كاكاو من كل نوع عشان

يجربون ، ولا أشوفهم مقلدين كاكاو فيريرو روشيه

كنت بصورة بس شافني الموظف قالي ممنوع

:D التصوير ، بس زين كنت مصور صورتين من قبل

مصنع كاكاو ماليزي بجانب التلفريك

مصنع كاكاو ماليزي بجانب التلفريك 2

تصوير فلم بماليزيا

Saturday, February 27th, 2010

قعدت الفير وكنت حدي يوعان جان اقول خل اروح الجمعية

اللي يم الفندق عشان اشتريلي شي آكله ، وانا بطريجي

حق الجمعية ولا أشوف يمعه عند الإشارة ، جان اقرب

اتطمش معاهم ولا مجموعة قاعدين يصورون فلم والشرطة

مصكرين الشارع عشان لا يمرون السيايير وكل شوي يعيدون

المشهد والسيايير ماكلينها لوول بس وناسة كان ودي أمثل معاهم

تصوير فلم في ماليزيا

خلهم يلعبون وتسوق على راحتك

Wednesday, February 24th, 2010

بماليزيا الناس يحطون Sogo mall هاذي صاله في مجمع

عيالهم فيها يخلونهم يشوفون بارني أو يلعبون بالدوارف و

ألعاب التركيب على مايخلصون أهلهم من التسوق ، إحنا

عندنا نفس هالصالة بإيكيا بس صغيرة و مفتوحة صراخ

اليهال كله بره لول ، لو يخلونها صالة مثل هاذي أحسن

عشان ما يطلع صراخهم بره

خلي عيالج هني وتسوقي على راحتج

خلي عيالج هني وتسوقي على راحتج 2

خلي عيالج هني وتسوقي على راحتج 3

بطاط برقركنج

Wednesday, February 24th, 2010

ماعندنا من هذا بالكويت لوول بطاط برقر كنج

سعره 0.950 دك تقريبا  يبيعونه بجمعيات ماليزيا

شدعوه هالسعر أشتري فيه وجبه أحسن لول

:D لو في بطاط ماكدونالدز جان شريته

بطاط برقركنج

أسعار ستاربكس في ماليزيا

Tuesday, February 23rd, 2010

رحنا ستاربكس أنا و الوالد وطلبنا ماي و حبة معجنات

و كافيه لاتيه و كرواسون .. كل هذيل جم يطلعون

بالكويت ؟ تقريباً 5 دك أو 4.5 دك بس بماليزيا

سعرهم = 2.1 دك تقريباً !! ومعروفه أسعار ستاربكس

بأمريكا رخيصه بعد .. شمعنى بالكويت شابه نااار شدعوة

جذي ؟؟ لا بعد اللي بالكويت ماعندهم عروض ، بأمريكا

لما واحد يطلب أكثر من مرة يسجلون له بكرت ولما يوصل

عدد طلبات معينة يعطونه قهوة مجاناً بس ربعنا لا عروض

ولا هم يحزنون ، لا بعد مرة كانو يبيعون كرت بو 5 دك

تشتريه وتعطيه حق أي أحد هدية يشتري فيه من

ستاربكس جان أسألهم أقولهم انزين اذا شريت هالكرت و

عطيته حق صاحبي وشره بقيمه 3 دك يبقاله 2 دك عدل ؟

جان يقولون لي لا الكرت يستعمله مرة وحدة واذا ماشره

فيه بالقيمة كلها راح يروح عليه الباجي لوول خوش عرض

ستاربكس ماليزيا

أصنصيرات تستعبط

Tuesday, February 23rd, 2010

انا ساكن في الماريوت .. هالفندق فيه 28 دور

مرة كنت نازل بالأصنصير رايح أتمشى جان

أشوف الأدوار بالأصنصير 11 – 12 – 14 !!؟

حاذفين رقم 13 !! أوكي يمكن يتشاؤمون من

هالرقم جان نروح مجمع في 10 أدوار ، دشينا

الأصنصير ولا فيه 6 -7 -10 لوول شالسالفه بالظبط ؟؟

6 - 7 - 10 أصنصير المجمع

أصنصير فندق ماريوت 11 - 12 - 14