أحب أشوف الإعلانات بالجرايد، وهذا واحد من الاعلانات اللي اعجبتني اليوم، حاطين آثار التاير بدال علامة %، دايماً أكو أفكار بسيطة بس تخلي الإعلان أحلى ويلفت النظر
Posts Tagged ‘افكار’
أفكار بسيطة تخلي الإعلان أحلى
Wednesday, July 7th, 2010تم إفتتاح موقع أصحاب الأفكار
Sunday, July 4th, 2010تم بحمدالله إفتتاح موقع “أصحاب الأفكار” المتخصص لأصحاب المشاريع الصغيرة والذي يحتوي على الأقسام التالية: أخبار عالم المال والأعمال، استطلاع الرأي، المشاريع القائمة، أفكار لمشاريع صغيرة جاهزة للتطبيق، دروس في الأدارة والتسويق وتطوير الذات، مقابلات مع رجال و سيدات الأعمال، وانشاء الله سيكون هناك تحديث مستمر للموقع – إضغط هنا لزيارة موقع أصحاب الأفكار
سجل لمعرفة آخر أخبار مشروع أصحاب الأفكار
Tuesday, June 22nd, 2010ياتني استفسارات كثيرة عن مشروعي “أصحاب الأفكار” و أغلب الإستفسارات كانت تطلب توضيح عن المشروع، فقلت أكتب عنه عشان تكون الصورة واضحة، موقع أصحاب الأفكار عبارة عن منتدى متخصص لأصحاب المشاريع الصغيرة، أقسام المنتدى متنوعة مثلا في قسم الأفكار، ممكن أي شخص يدش هالقسم ويشوف شنو الأفكار اللي ممكن يتبناها ويشتغل فيها كمشروع صغير، و في قسم المشاريع القائمة، كل صاحب مشروع يقدر يكتب بهالقسم ويعرف الناس على مشروعه الخاص وتكون مثل دعاية حقه وحق مشروعه، وقسم الدروس اللي يحتوي على دروس في الإدارة والتسويق و تطوير الذات، و قسم المقابلات راح يكون فيه مقابلات مع أصحاب المشاريع ومع رجال و سيدات الأعمال ، وآخر قسم مخصص لإستطلاع الراي وراح يكون فيه تصويت واستبيان عن مواضيع مختلفة
في ناس يقولون لي احنا ماعندنا مشاريع يعني مايصير نسجل؟ أقولهم أمبلى أكيد تقدرون تسجلون مو شرط يكون عندكم مشاريع، المهم يكون ميولكم صوب البزنس وتقدرون تتابعون المواضيع وتستفيدون
هذا المختصر المفيد عن المشروع وانشالله مع زيادة عدد المشتركين راح تشوفون إضافات أكثر تفيد أصحاب المشاريع، مو بس أون لاين .. أوف لاين بعد
المنتدى راح يفتح شهر 7 واللي حاب يستلم تبليغ عن إفتتاح المنتدى قبل لا أعلن عن الإفتتاح الرسمي يقدر يسجل بالقائمة البريدية وراح يكون من أول الناس اللي توصلهم أخبار المشروع أول بأول
إضغط هنا للإشتراك بالقائمة البريدية
ملاحظة: نموذج التسجيل اللي في الرابط أعلاه غير عن اللي موجود على يسار المدونة
اللي بالوصلة اللي فوق مخصص حق أخبار مشروع أصحاب الأفكار
أما اللي عاليسار ( اللي فوق التصويت بالمدونة ) مخصص لأخبار المدونة
فاللي سجلو بالفورمه اللي عاليسار ماراح يستلمون أخبار مشروع أصحاب الأفكار، لازم يسجلون بالفورمه اللي بالوصلة عشان توصلهم أخبار المشروع اليديد أول بأول
مشاركتي في برنامج نغم الصباح عن المشاريع الصغيرة
Tuesday, June 8th, 2010قبل جم يوم كانو يتكلمون عن المشاريع الصغيرة في برنامج نغم الصباح على مارينا أف أم، وحبيت أشارك معاهم و أتكلم عن المشروع اليديد “أصحاب الأفكار” المتخصص لأصحاب المشاريع الصغيرة، إضغط هنا لزيارة موقع أصحاب الأفكار
أصحاب الأفكار .. مشروع جديد سيرى النور قريباً
Friday, June 4th, 2010
من أول السنة وانا أفكر بمشروع يديد متخصص حق أصحاب المشاريع الصغيرة، عبارة عن موقع يجمع أصحاب المشاريع الصغيرة بحيث تصير بينهم مناقشات و تبادل الأفكار والآراء والإستفادة من بعضهم البعض، لما أخيراً قررت أطبق الفكرة على أرض الواقع والحمدلله الحين خلصت من مرحلة التفكير والتخطيط ودشيت بمرحلة التطبيق، حاليا الموقع تحت الإنشاء و انشالله يكون شغال آخر الشهر، راح أخليكم بالصورة و أكتب عن المشروع أول بأول بس نبي دعواتكم لو سمحتو
^_^
إضغط هنا لسماع مشاركتي عن المشاريع الصغيرة في برنامج نغم الصباح على مارينا أف أم
الفكرة أساس كل مشروع تجاري
Sunday, April 18th, 2010
Idea
كل ما أشوف المشاريع اللي حوالينا أتخيل شلون بدا هالمشروع ؟
شي طبيعي أن تكون بداية المشروع عبارة عن مجرد فكرة يفكر
فيها شخص و لما يكون مقتنع فيها وعنده الأدوات والمادة راح ينفذها
وإذا ماتوفرت المادة في الغالب هالشخص يطرح الفكرة على شخص
ثاني أو مجموعة من الأشخاص وهني تصير الشركة ، والفكرة أهي
مرحلة ماقبل التخطيط ، يعني الواحد يفكر بمشروع وبعدين يخطط له
ويظيف ويعدل عليه لما يصير بالشكل المطلوب وجاهز للتطبيق ، وفي
نسبة كبيرة من الناس يفكرون بأفكار حلوة ومربحة ولكن نسبة قليلة منهم
اهما اللي يطبقون أفكارهم على أرض الواقع .. ما اطول عليكم ، انشالله
كلنا نكون من النسبة اللي تطبق أفكارها قولو آمين
Loading ...