أمس طلبت جم دي في دي من موقع كويت دي في دي، أسعارهم ممتازة وعندهم تشكيلة كبيرة من الأفلام، انا خذيتلي أفلام عربية وهندية وكارتون ومسرحية، شكلي بسهر عليهم هالويك إند بدال مجابل القنوات الفضائية الممله هاليومين
Posts Tagged ‘افلام’
مجموعة أفلام من موقع Q8DVD
Thursday, September 30th, 2010جدول عمل الآي ماكس في رمضان
Monday, August 9th, 2010
هذا جدول أفلام الآي ماكس في المركز العلمي اعتباراً من أول يوم رمضان لغاية آخر يوم في شهر رمضان المبارك – اضغط على الصورة للتكبير
يوتيوب يزيد مدة ملفات الفيديو المرفوعه
Friday, July 30th, 2010
موقع يوتيوب يقرر زيادة مدة ملفات الفيديو المرفوعه عن طريق الأعضاء من 10 دقائق إلى 15 دقيقة، وهذا بعد ما نظمت الشركة نظام لأصحاب حقوق النشر للتحكم في أملاكهم و حقوقهم الملكية – إضغط هنا لمشاهدة المصدر – ولكن هل تعتقدون بأن زيادة 5 دقائق للأعضاء سيغير من جودة الملفات المرفوعه ؟
أنا مش معاهم
Sunday, July 25th, 2010
شفت فلم أنا مش معاهم بطولة الفنان أحمد عيد و بشرى، الفلم كوميدي حلو وممتع، قصتة تتكلم عن طالب صايع ضايع في كلية الطب يحب زميلته الملتزمة والمتشددة و يحاول يقرب منها ويتورط مع جماعة ملتزمين بالغلط ويصير منهم وبعد فترة يقرر أن يكون دين وملتزم عشان يتزوجها، وتصيرله مواقف عجيبة معاها، رسالة الفلم تقول أن الدين مو باللبس أو الشكل، الدين في القلب و الروح، الفلم قديم بس اللي ماشافه يستاهل يشوفه
عسل أسود للفنان أحمد حلمي
Friday, July 23rd, 2010كان ودي أشوف فلم عسل أسود للفنان أحمد حلمي، انشالله أول ما أرجع راح أشوفه، حق اللي شافو الفلم شرايكم فيه؟ أحلا من الأفلام اللي قبل ولا نفس الشي ولا اللي قبل أحلا؟ يسوه أروح له؟
أبي فلم هندي حلو
Tuesday, July 20th, 2010انا من عشاق الأفلام الهندية، بس صارلي فترة طويلة قاطع الأفلام، آخر فلم شفته أهو ماي نيم إز خان مال شاروخان، ودي أشوف فلم يديد بس مو متابع آخر أخبارهم بالفترة الأخيرة، العادة أشوف أفلام سلمان و شاروخ و أمير خان، ماحب اليدد اللي طلعو آخر شي أحسهم مو نفس جودة الممثلين اللي ذكرتهم، منو يتابع الأفلام الهندية؟ شنو الأفلام اللي تنصحوني أشوفها؟
أي طريقة دفع تفضل؟ لديك طريقة واحدة
Wednesday, June 30th, 2010
هاذي صفحة الحجوزات في موقع السينما، جم مرة أطق زر سبمت عشان أحجز و أكون ناسي أختار طريقة الدفع ( كي نت ) مادري ليش لازم نختار طريقة الدفع!؟ بما أني مختار طريقة دفع وحده عيل ليش يخلون اليوزر يختارها !!؟ المفروض يلغونها ويقولون تره الدفع عن طريق الكي نت، أو يخلون السستم يختار الكي نت اوتوماتيكياً
