مشاري الخراز

المحاضرة الأخيرة حق الشيخ مشاري الخراز كانت في المسجد

الكبير و ماشالله كان عدد الحضور 30 ألف تقريبا ، الشيخ قال قصة

حلوة ومعبرة عن كيفية التعامل مع الله ، يقول كان في حاكم كبير و

كل الناس يحبونه ويبون يتقربون منه ، و كبار التجار كانو يعطونه

هدايا كبيرة من خيل و غيره ، وكان في واحد يبيع خضرة قال أنا بعد

أبي أعطي الحاكم هدية ، وراح خذه سلة وحط فيها شوية خضرة وراح

حق قصر الحاكم وقالهم ياجماعة أنا بعطي هالسلة هدية حق الحاكم

و لما درى الحاكم بالموضوع قبل هديته لأن الحاكم طيب وماحب

يرده ، و استانس راعي الخضرة وراح قال حق الناس تره الحاكم قبل

هديتي انا أحسن منكم أنتو ماعطيتوه شي .. الحين المنة على منو ؟

على راعي الخضرة اللي عطى الحاكم هدية ؟ ولا على الحاكم اللي قبل

هدية هالشخص الفقير ؟ طبعا على راعي الخضره ، لأن الحاكم مو بحاجة حق

..شوية الخضرة من هالشخص ونفس الشي التعامل مع الله سبحانة وتعالى

في ناس يتصدقون مرة بالسنة و يصلون اسبوع وترك ، ويقولون إحنا زين

منا قاعدين نصلي في غيرنا مايصلون كلش ، يقارنون نفسهم بالناس العاديين

مايقارنون نفسهم باللي ملتزمين أكثر منهم ، مايدرون أن الله سبحانة مو

بحاجة حق صلاتهم و صدقاتهم و مو بحاجة حق أحد ، كانت قصة مؤثرة و

رووعة سمعتها من أحد الحضور ، و بيكملون المحاضرة السبت الياي بعد صلاة المغرب