إدارة جمعية الروضة حاطه حماية مزدوجة حق مدخل أحد الفروع، وتم اعتبار العواميد من ضمن التعديات، صراحة بما أن الحواجز البيضة (اللي فوق الرصيف) موجودة فوجود العواميد غير مجدي
Posts Tagged ‘الروضة’
تعديات فرع جمعية الروضة
Saturday, September 4th, 2010الروضة ، تاريخ و شخصيات
Wednesday, August 25th, 2010
أصدرت جمعية الروضة كتاب “الروضة تاريخ و شخصيات” تم إصدار الكتاب بعد ما تم تجميع الصور والمعلومات من أهالي المنطقة و إخراجها بطريقة جميلة ومنظمة تؤرخ تاريخ المنطقة وشخصياتها و أهاليها، بالإضافة إلى عقود تمليك للبيوت القديمة و صور منوعة من داخل المنطقة
هذا أحد العقود لبيع أرض في منطقة الروضة، وكانت الروضة تسمى بمنطقة العديلية الشرقية سابقاً
وهنا مضف أحمد المضف في الصيدلية بثانوية الشويخ سنة 1960
حين تكثر المشاهدات يوضع الإعلان
Tuesday, June 1st, 2010
تعجبني الشركات اللي تتفنتق بإعلاناتها، مثل شركة لوريال اللي حاطه إعلانها على دري جمعية الروضة، شمعنى بهالمكان؟ لأن كل الناس اللي بيدشون الجمعية لازم يصعدون الدري وعيونهم راح تكون على الدري، طبعا شركات الدعاية والاعلان يدورون الأماكن اللي فيها مشاهدات وايد، مثل القنوات الفضائية، الجرايد، المجلات، المواقع، وتتجدد أماكن الإعلانات مع مرور الوقت مثل مانشوف الإعلان اللي على دري الجمعية، كنت شايف هالطريقة من الإعلانات في تقرير عن اليابان على ما اعتقد بس أول مرة أشوفها بالكويت
يهال يلعبون بتنور الخبز
Wednesday, April 21st, 2010
كنت بجمعية الروضة قبل شوي ومريت صوب الخباز الايراني وكان المحل تحت الصيانة ، بس الغريب ان التنور شغال والمكان مكشوف وكان في 2 يهال يلعبون فيه ، واحد منهم خذه مخمة وحطها داخل التنور هههه جان اقوله لا ليش جذي تحرقها ؟؟ جان يشوفوني ويخلون المخمة داخل التنور وينحاشون هههه بعدين يه هندي كان يشتغل بترميمات المخبز وشال المخمة
، جان اقوله صكر التنور ليش مخليه شغال ؟ طبعا مافهم الا لما عدت عليه الكلام 3 مرات آخر شي يه هندي ثاني وصكر التنور ههه بس والله مشكله مادري شلون مخلين التنور شغال والمحل مكشوف جذي و اليهال رايحين ورادين !؟
