لفت إنتباهي هالإعلان بأحد الجرايد الإعلانية عن تقديم دورة لتصميم ألعاب ثلاثية الأبعاد باستخدام برنامج يونيتي
موقع برنامج يونيتي حق اللي يبي ياخذ فكرة عنه
Posts Tagged ‘العاب’
دورة تصميم الألعاب
Sunday, January 22nd, 2012لفت إنتباهي هالإعلان بأحد الجرايد الإعلانية عن تقديم دورة لتصميم ألعاب ثلاثية الأبعاد باستخدام برنامج يونيتي
موقع برنامج يونيتي حق اللي يبي ياخذ فكرة عنه
جنة الأطفال بحولي بارك
Sunday, December 4th, 2011
صالة العاب للأطفال الصغار في حولي بارك
صالة مليئة بالألعاب الآمنة والمسلية
مع قنفات لجلوس أولياء الأمور
يمنع دخول الأطفال الذين يزيد طولهم عن 80 سم، ورسوم الدخول 1دك للطفل لكل ساعة، ممتازة لشغل وقت الأطفال بينما يقوم ولي الأمر بالتسوق بمكتبة جرير بهدوء
Infunity in 360
Thursday, September 1st, 2011
اليهال قاعدين يلعبون في مجمع 360 ومستانسين
هاللعبة حلوة يعلقون الواحد بحبل ويمشي فوق على حبل و حدايد ويتنقل من مكان لي مكان، ودي أجربها بس جنة راحت علينا
العاب العيد في الروضة
Saturday, November 13th, 2010
جمعية الروضة تقدم العاب العيد بجانب حديقة الروضة، يفتحون الألعاب من الساعة ٤ إلى ١٠ وآخر يوم تاريخ ٢٠/١١/٢٠١٠، حلوة هالألعاب تسوي جو حق اليهال ويكون لهم فرص ترفيهية أكثر
العاب الأولاد ولا ألعاب البنات
Monday, October 4th, 2010
مريت فانتاسي وورد وشفت الألعاب المعروضة وقعدت أشوف الفرق بين ألعاب الأولاد وألعاب البنات، ألعاب الأولاد فيها حيوية نوعاً ما أما ألعاب البنات أحسها راكدة شوي
هذيل العاب الأولاد، مسدسات، سيارات، إلكترونيات
والعاب البنات مطابخ، بيوت، ملابس
والصور الأكثر شعبية، العاب الأولاد مملة بالنسبة للبنات والعاب البنات مملة بالنسبة للشباب وأهم شي أن كل طرف يستانس بألعابه
جوائز لعبة الونش في لندن
Wednesday, July 21st, 2010
ماحب أكتب عن شغلات بره الكويت بس بسبب تواجدي في لندن حالياً شفت شغلات حبيت أكتب عنها، هاذي الجوائز اللي يحطونها في لعبة الونش مالتهم، حاطين كاكاو كادبري
و هذا ونش ثاني حاطين فيه التذاكر اللي نيمعها عشان ناخذ جوائز معينة، مع أن الناس مالهم أمل يربحون شي لأن الونش مايمسك عدل بس حاطين جوائز صج تستاهل لول
infunity in 360 mall
Sunday, July 11th, 2010
شركة ألعاب داخلية فتحت في مجمع 360 قبل شهر ونص تقريبا، زرتها مع الربع وخذيت لي جم صورة infunity
هاذي لعبه الونش اللي تحركونه وتحاولون تخلونه يمسك الجوائز اللي حاطينها، وهالمرة حاطين آي بود كجائزة، مادري شلون بيمسكه الونش لول
هذا مضمار سباق السيارات، صغير بس زين حق اليهال، لما شفناه ماكان شغال شكلهم ليلحين مافتحوه، بس في ألعاب وايد زينة حق اليهال والعاب الفيش ( جمع فيشة ) ومطعم، باختصار هالمكان زين حق اليهال من سنتين لي 15 سنة
