الفحص الطبي قبل الزواج إجباري على الكويتيين أو

إذا كان أحد الزوجين كويتي ، وايد شباب يتوهقون لما

يروحون يسوون الفحص لأن ماكو مصدر معلومات يشرح

كل التفاصيل ، انا حصلت على أهم المعلومات وحبيت

أفيد اللي يبي يقدم طلب زواج وأسهل عليه فهم الإجراءات

أولاً: لازم الزوج ياخذ البطاقة المدنية أو الجنسية مالته

ومالت زوجته و أبو زوجته ، ويروح وزاره العدل في برج

التحرير الدور الأول يطلب منهم استماره عشان يفحصون

 أهو و زوجته بستشفى الصباح ، على فكرة ترة وزارة العدل

في برج التحرير تفتح الصبح لي 1:30 والعصر يفتحون 4:30

ثانياً: يروحون الزوج والزوجة عند مستشفى الصباح قسم

الفحص الطبي قبل الزواج ، ويسلمون ورقه العدل حقهم

ويعطونهم إستمارة يعبونها وياخذون منهم دم حق الفحص

وتطلع النتيجة بعد أسبوع .. في حالة إذا كان واحد منهم

مصاب بمرض لاسمح الله يدقون عليه قسم الفحص ويكلمونه

يقولون له تره فيك كذا كذا ، تبي تكمل إجراءات الزواج ولا تبي

تكنسل ؟ إذا بيكمل يدقون على الطرف الثاني ويقولون له تره

الطرف الأول في كذا كذا تبي تكمل معاه؟ إذا وافق يوقعون عقد

الموافقة أثنينهم ، ويستلمون نسخة حق الملاج عشان يملجون

^_^ وأتمنى التوفيق حق الكل سواء كويتيين أو غير كويتيين

مكان قسم الفحص الطبي قبل الزواج

لافتة تأشر على مكان قسم الفحص الطبي