في البداية خل أعرفكم على برنامج الدوانية “حق زوار المدونة من خارج الكويت” الدوانية برنامج إذاعي إجتماعي ترفيهي يذاع على إذاعة مارينا أف أم مع خروج الموظفين من عملهم وتوجههم إلى منازلهم، الحين ندش بالموضوع .. الصبح وانا بطريجي حق الدوام كنت أسمع مارينا أف أم وكان الياقوت “مدير المحطة” والأنصاري “مقدم برامج” ومايك مبلتع “مقدم برامج” يتكلمون.. انا و وايد غيري عبالنا قاعدين نسمع إعادة برنامج الدوانية أو تسجيل قديم، بعدين تفاجأت لما قال الياقوت أن في ناس قاعدين يدزون مسجات يسألون هذا تسجيل ولا لايف “مباشر”  وقال تره احنا معاكم الحين لايف قاعدين معاكم من الصبح، مع السوالف في البرنامج ظحكتني المسجات اللي يدزونها المستمعين، واحد يقول اهو ركب السيارة وسمع الدوانية عبالة صار الظهر وراحت عليه نومة وتأخر عن الدوام هههه، والثاني يقول وهو بطريج دوامه حط إذاعة المارينا وسمعهم يتكلمون جان يطق فوق تحت عبالة صار الظهر وخلص الدوام هههه، وجنه بيكون فيه دوانية الظهر بعد اعتقد ماراح يلغونها، بس والله ونسونا من الصبح انا طول الطريج قاعد أظحك.. عدلو مزاجنا من الصبح جان زين كل يوم يخلونها الصبح – إضغط هنا لسماع إذاعة مارينا أف أم