اليوم الثالث من برنامج فيفا التدريبي، بدا اليوم بمحاضرة عن الإعلانات مع واحد أعتقد أمريكي أسمه مستر موو، بعدهاقسمونا حق قروبات وكل قروب عطوه جيس في مجموعة من الأدوات، والمطلوب من كل قروب أن يبتكرون منتج من الأدوات الموجودة خلال 30 دقيقة، وبعدين يشرحون المنتجحق الكل، الصورة اللي فوق فيها الأدوات اللي لقيناها بالجيس، رول + شموع + أوراق + جلاد + كاكاو فليك + سفن آب + إسفنجة + حبل 

هذا المنتج اللي سويناه بعد تفكير 20 دقيقة تقريبا لول، دخلنا الحبل بالرول وزينا الحبل بالجلاد، وبعدين الأخ راكان الفضالة والأخ طارق الجاسم سوو البريزينتيشن عن المنتج وقالو أن هالمنتج يتعلق على الرقبة وتقدرون تستعملونه وقت الأكل عشان اذا دمركم الأكل تمشون بالرول، أو تستعملونه أثناء ممارسة الرياضة عشان لما الواحد يعرق يستعمل الرول المعلق على رقبته، أو تقدرون تتمشون فيه ولما يصير غبار تستعملون الرول ويصير مثل كمام هههههه بدعو الشباب 

هذا قروب ثاني مسوين مثل أبجورة تتعلق بالحبل  

وهذا منتج ثاني مسوين زينه حق طاولة الطعام، خذو الشوكة والسجين وغلفوهم بالورق والجلاد و غلفو الرول بالجلاد وحطو فوقة الشمعة لول 

وآخر فقرة كانت مقدمة من السيد شملان البحر مدير شركة بينك كوفي، تكلم فيها عن التسويق وكيفية استهداف الشريحة المطلوبة عن طريق الإعلانات 

وباجر انشالله بكتب عن اليوم الرابع والأخير من البرنامج التدريبي