شريت لعبة التركيب لأول مرة بحياتي من فانتاسي وورلد، فيها ١٠٠٠ قطعة، لما فتحت العلبة انصدمت من حجم القطع الموجودة، حجمها صغير وايد كنت متوقع أكبر من جذي، وسألت أخوي شلون بنركب اللوحة بهالقطع الصغيرة!!؟ قالي نشوف الصورة اللي عالكرتون ونحاول نركب على أساسها، وقمنا نفرز القطع ونشتغل عليها ولاحظت أن الموضوع صار أسهل لما نشوف الصورة الأصلية، شبهت عملية التركيب بحياتنا.. لما الواحد يكون عنده هدف واضح بحياته “مثل الصورة اللي عالكرتون” راح يعرف شنو الخطوات اللي توصله حق هدفه، أما اللي ماعنده صورة واضحة راح يضيع ويصير مساعد لتحقيق أهداف الآخرين