صاحبي المصور الفوتوغرافي عبدالله الجري، شخص يعشق التصوير حتى النخاع، دش كذا دورة في مجال التصوير و شارك في عدة معارض، كنا دايما لما نقعد نسولف مع بعض يقولي أن وده يفتح أستوديو تصوير، هالكلام من 3 سنين تقريبا، قبل جم يوم كنت طالع معاه رايحين نتعشى، جان يصدمني ويقولي أن شراله أستوديو من أمريكا و أستلمه والحين عنده بالبيت، انا قلت لااا الريال دش بالعمييق و سواها، جان يقولي بس المشكلة أن ماعنده مكان يحط فيه الأستوديو هههه أي شرا الأستوديو و ماعنده مكان يحطه، شنو هالشغف ماشالله عليه !!؟ جان أقوله راح تلقى مكان بدام حبك حق هالمجال خلاك تشتري الأستوديو أكيد راح يخليك تلقى مكان بعد .. المهم بعدها بيومين تذكرت أن عندي غرفه فاظية بالبيت كنت بحط فيها مكتب، جان أقوله تعال يبه حط الأستيديو عندي و خلنا نشتغل عليه على ما أييب مكتبي لأني مطول شوي، منها نستغل الغرفة ومنها يجرب أدوات الأستوديو وياخذ عليه

وافق الريال وقالي اوكي، جان نروح أمس نركب الأستوديو بالبيت، مكونات الأستوديو: فلاشين + خلفية + ستاند

كنا مشغولين فما مدانا نجربه، بس ركبناه وبنجربه نهاية الأسبوع انشالله، من الحين لين نصور عطونا أفكار عشان نطبقها بالتصوير